Compare
0
▾
Translation:
سید ابو الاعلیٰ مودودی Tafheem-ul-Quran - Maududi مولانا محمد جوناگڑھی فتح محمد جالندھری احمد رضا خان بریلوی علامہ محمد حسین نجفی
وَ نَبِّئۡہُمۡ عَنۡ ضَیۡفِ اِبۡرٰہِیۡمَ ﴿ۘ۵۱﴾
سید ابو الاعلیٰ مودودی
اور انہیں ذرا ابراہیمؑ کے مہمانوں کا قصہ سناؤ
Tafheem-ul-Quran - Maududi
And tell them about Abraham's guests. 51
مولانا محمد جوناگڑھی
انہیں ابراہیم کے مہمانوں کا (بھی) حال سنا دو
فتح محمد جالندھری
اور ان کو ابراہیم کے مہمانوں کا احوال سنادو
احمد رضا خان بریلوی
اور انہیں احوال سناؤ ابراہیم کے مہمانوں کا،
علامہ محمد حسین نجفی
اور انہیں ابراہیم(ع) کے مہمانوں کا واقعہ بھی سنا دو۔
اِذۡ دَخَلُوۡا عَلَیۡہِ فَقَالُوۡا سَلٰمًا ؕ قَالَ اِنَّا مِنۡکُمۡ وَجِلُوۡنَ ﴿۵۲﴾
سید ابو الاعلیٰ مودودی
جب وہ آئے اُس کے ہاں اور کہا "سلام ہو تم پر،" تو اُس نے کہا "ہمیں تم سے ڈر لگتا ہے"
Tafheem-ul-Quran - Maududi
When they came to Abraham they said: "Peace be upon you!" He replied: "Indeed we feel afraid of you." 52
مولانا محمد جوناگڑھی
کہ جب انہوں نے ان کے پاس آکر سلام کہا تو انہوں نے کہا کہ ہم کو تو تم سے ڈر لگتا ہے
فتح محمد جالندھری
جب وہ ابراہیم کے پاس آئے تو سلام کہا۔ (انہوں نے) کہا کہ ہمیں تو تم سے ڈر لگتا ہے
احمد رضا خان بریلوی
جب وہ اس کے پاس آئے تو بولے سلام کہا ہمیں تم سے ڈر معلوم ہوتا ہے،
علامہ محمد حسین نجفی
جبکہ وہ ان کے پاس آئے اور سلام کیا اور انہوں نے (جوابِ سلام کے بعد) کہا ہم کو تم سے ڈر لگ رہا ہے۔
قَالُوۡا لَا تَوۡجَلۡ اِنَّا نُبَشِّرُکَ بِغُلٰمٍ عَلِیۡمٍ ﴿۵۳﴾
سید ابو الاعلیٰ مودودی
اُنہوں نے جواب دیا "ڈرو نہیں، ہم تمہیں ایک بڑے سیانے لڑکے کی بشارت دیتے ہیں"
Tafheem-ul-Quran - Maududi
They said: "Do not feel afraid, for we give you the good news of a wise boy." 53
مولانا محمد جوناگڑھی
انہوں نے کہا ڈرو نہیں، ہم تجھے ایک صاحب علم فرزند کی بشارت دیتے ہیں
فتح محمد جالندھری
(مہمانوں نے) کہا کہ ڈریئے نہیں ہم آپ کو ایک دانشمند لڑکے کی خوشخبری دیتے ہیں
احمد رضا خان بریلوی
انہوں نے کہا ڈریے نہیں ہم آپ کو ایک علم والے لڑکے کی بشارت دیتے ہیں،
علامہ محمد حسین نجفی
(مہمانوں) نے کہا کہ ڈرئیے نہیں ہم آپ کو ایک صاحبِ علم بچہ کی (ولادت کی) بشارت دیتے ہیں۔
قَالَ اَبَشَّرۡتُمُوۡنِیۡ عَلٰۤی اَنۡ مَّسَّنِیَ الۡکِبَرُ فَبِمَ تُبَشِّرُوۡنَ ﴿۵۴﴾
سید ابو الاعلیٰ مودودی
ابراہیمؑ نے کہا "کیا تم اِس بڑھاپے میں مجھے اولاد کی بشارت دیتے ہو؟ ذرا سوچو تو سہی کہ یہ کیسی بشارت تم مجھے دے رہے ہو؟"
Tafheem-ul-Quran - Maududi
Abraham said: "What, do you give me this tiding though old age has smitten me? Just consider what tiding do you give me!" 54
مولانا محمد جوناگڑھی
کہا، کیا اس بڑھاپے کے آجانے کے بعد تم مجھے خوشخبری دیتے ہو! یہ خوشخبری تم کیسے دے رہے ہو؟
فتح محمد جالندھری
بولے کہ جب مجھے بڑھاپے نے آ پکڑا تو تم خوشخبری دینے لگے۔ اب کاہے کی خوشخبری دیتے ہو
احمد رضا خان بریلوی
کہا کیا اس پر مجھے بشارت دیتے ہو کہ مجھے بڑھاپا پہنچ گیا اب کاہے پر بشارت دیتے ہو،
علامہ محمد حسین نجفی
ابراہیم(ع) نے کہا تم مجھے اس حال میں بشارت دیتے ہو کہ مجھ پر بڑھاپا آچکا ہے یہ کس چیز کی بشارت ہے جو تم مجھے دیتے ہو؟
قَالُوۡا بَشَّرۡنٰکَ بِالۡحَقِّ فَلَا تَکُنۡ مِّنَ الۡقٰنِطِیۡنَ ﴿۵۵﴾
سید ابو الاعلیٰ مودودی
اُنہوں نے جواب دیا "ہم تمہیں برحق بشارت دے رہے ہیں، تم مایوس نہ ہو"
Tafheem-ul-Quran - Maududi
They said: "The good tiding we give you is of truth. Do not, therefore, be of those who despair." 55
مولانا محمد جوناگڑھی
انہوں نے کہا ہم آپ کو بالکل سچی خوشخبری سناتے ہیں آپ مایوس لوگوں میں شامل نہ ہوں
فتح محمد جالندھری
(انہوں نے) کہا ہم آپ کو سچی خوشخبری دیتے ہیں آپ مایوس نہ ہوئیے
احمد رضا خان بریلوی
کہا ہم نے آپ کو سچی بشارت دی ہے آپ ناامید نہ ہوں،
علامہ محمد حسین نجفی
انہوں نے کہا ہم آپ کو بالکل سچی بشارت دے رہے ہیں تو آپ ناامید ہونے والوں میں سے نہ ہوں۔
قَالَ وَ مَنۡ یَّقۡنَطُ مِنۡ رَّحۡمَۃِ رَبِّہٖۤ اِلَّا الضَّآلُّوۡنَ ﴿۵۶﴾
سید ابو الاعلیٰ مودودی
ابراہیمؑ نے کہا "اپنے رب کی رحمت سے مایوس تو گمراہ لوگ ہی ہوا کرتے ہیں"
Tafheem-ul-Quran - Maududi
Abraham said: "Who despairs of the Mercy of his Lord except the misguided?" 56
مولانا محمد جوناگڑھی
کہا اپنے رب تعالیٰ کی رحمت سے ناامید تو صرف گمراه اور بہکے ہوئے لوگ ہی ہوتے ہیں
فتح محمد جالندھری
(ابراہیم نے) کہا کہ خدا کی رحمت سے (میں مایوس کیوں ہونے لگا اس سے) مایوس ہونا گمراہوں کا کام ہے
احمد رضا خان بریلوی
کہا اپنے رب کی رحمت سے کون ناامید ہو مگر وہی جو گمراہ ہوئے، ف۶۱)
علامہ محمد حسین نجفی
ابراہیم(ع) نے کہا اپنے پروردگار کی رحمت سے تو گمراہوں کے سوا کون مایوس ہوتا ہے؟
قَالَ فَمَا خَطۡبُکُمۡ اَیُّہَا الۡمُرۡسَلُوۡنَ ﴿۵۷﴾
سید ابو الاعلیٰ مودودی
پھر ابراہیمؑ نے پوچھا "اے فرستادگان الٰہی، وہ مہم کیا ہے جس پر آپ حضرات تشریف لائے ہیں؟"
Tafheem-ul-Quran - Maududi
He added: "What is your errand O sent ones?" 57
مولانا محمد جوناگڑھی
پوچھا کہ اللہ کے بھیجے ہوئے (فرشتو!) تمہارا ایسا کیا اہم کام ہے؟
فتح محمد جالندھری
پھر کہنے لگے کہ فرشتو! تمہیں (اور) کیا کام ہے
احمد رضا خان بریلوی
کہا پھر تمہارا کیا کام ہے اے فرشتو!
علامہ محمد حسین نجفی
(پھر) کہا اے اللہ کے فرستادو آخر تمہیں کیا مہم درپیش ہے؟
قَالُوۡۤا اِنَّاۤ اُرۡسِلۡنَاۤ اِلٰی قَوۡمٍ مُّجۡرِمِیۡنَ ﴿ۙ۵۸﴾
سید ابو الاعلیٰ مودودی
وہ بولے، "ہم ایک مجرم قوم کی طرف بھیجے گئے ہیں
Tafheem-ul-Quran - Maududi
They said: "Verily we have been sent to a guilty people 58
مولانا محمد جوناگڑھی
انہوں نے جواب دیا کہ ہم مجرم قوم کی طرف بھیجے گئے ہیں
فتح محمد جالندھری
(انہوں نے) کہا کہ ہم ایک گنہگار قوم کی طرف بھیجے گئے ہیں (کہ اس کو عذاب کریں)
احمد رضا خان بریلوی
بولے ہم ایک مجرم قوم کی طرف بھیجے گئے ہیں،
علامہ محمد حسین نجفی
انہوں نے کہا کہ ہم ایک مجرم قوم کی طرف بھیجے گئے ہیں۔
اِلَّاۤ اٰلَ لُوۡطٍ ؕ اِنَّا لَمُنَجُّوۡہُمۡ اَجۡمَعِیۡنَ ﴿ۙ۵۹﴾
سید ابو الاعلیٰ مودودی
صرف لوطؑ کے گھر والے مستثنیٰ ہیں، ان سب کو ہم بچا لیں گے
Tafheem-ul-Quran - Maududi
excepting the household of Lot. We shall deliver all of them, 59
مولانا محمد جوناگڑھی
مگر خاندان لوط کہ ہم ان سب کو تو ضرور بچا لیں گے
فتح محمد جالندھری
مگر لوط کے گھر والے کہ ان سب کو ہم بچالیں گے
احمد رضا خان بریلوی
مگر لوط کے گھر والے، ان سب کو ہم بچالیں گے،
علامہ محمد حسین نجفی
سوا لوط(ع) کے گھر والوں کے کہ ہم ان سب کو بچا لیں گے۔
اِلَّا امۡرَاَتَہٗ قَدَّرۡنَاۤ ۙ اِنَّہَا لَمِنَ الۡغٰبِرِیۡنَ ﴿٪۶۰﴾
سید ابو الاعلیٰ مودودی
سوائے اُس کی بیوی کے جس کے لیے (اللہ فرماتا ہے کہ) ہم نے مقدر کر دیا ہے کہ وہ پیچھے رہ جانے والوں میں شامل رہے گی"
Tafheem-ul-Quran - Maududi
except his wife (about whom Allah says that) We have decreed that she shall be among those who stay behind." 60
مولانا محمد جوناگڑھی
سوائے اس (لوط) کی بیوی کے کہ ہم نے اسے رکنے اور باقی ره جانے والوں میں مقرر کر دیا ہے
فتح محمد جالندھری
البتہ ان کی عورت (کہ) اس کے لیے ہم نے ٹھہرا دیا ہے کہ وہ پیچھے رہ جائے گی
احمد رضا خان بریلوی
مگر اس کی عورت ہم ٹھہراچکے ہیں کہ وہ پیچھے رہ جانے والوں میں ہے، ف۶۵)
علامہ محمد حسین نجفی
بجز اس کی بیوی کے اس کی نسبت ہم نے یہ طے کیا ہے کہ وہ پیچھے رہ جانے والوں میں سے ہوگی۔
فَلَمَّا جَآءَ اٰلَ لُوۡطِۣ الۡمُرۡسَلُوۡنَ ﴿ۙ۶۱﴾
سید ابو الاعلیٰ مودودی
پھر جب یہ فرستادے لوطؑ کے ہاں پہنچے
Tafheem-ul-Quran - Maududi
So when the envoys came to the household of Lot, 61
مولانا محمد جوناگڑھی
جب بھیجے ہوئے فرشتے آل لوط کے پاس پہنچے
فتح محمد جالندھری
پھر جب فرشتے لوط کے گھر گئے
احمد رضا خان بریلوی
تو جب لوط کے گھر فرشتے آئے، ۶۶)
علامہ محمد حسین نجفی
پس جب اللہ کے فرستادہ خاندانِ لوط (ع) کے پاس آئے۔
قَالَ اِنَّکُمۡ قَوۡمٌ مُّنۡکَرُوۡنَ ﴿۶۲﴾
سید ابو الاعلیٰ مودودی
تو اُس نے کہا "آپ لوگ اجنبی معلوم ہوتے ہیں"
Tafheem-ul-Quran - Maududi
he said: "Surely you are an unknown folk." 62
مولانا محمد جوناگڑھی
تو انہوں (لوط علیہ السلام) نے کہا تم لوگ تو کچھ انجان سے معلوم ہو رہے ہو
فتح محمد جالندھری
تو لوط نے کہا تم تو ناآشنا سے لوگ ہو
احمد رضا خان بریلوی
کہا تم تو کچھ بیگانہ لوگ ہو، ف۶۷)
علامہ محمد حسین نجفی
تو لوط نے کہا کہ تم تو اجنبی لوگ معلوم ہوتے ہو۔
قَالُوۡا بَلۡ جِئۡنٰکَ بِمَا کَانُوۡا فِیۡہِ یَمۡتَرُوۡنَ ﴿۶۳﴾
سید ابو الاعلیٰ مودودی
اُنہوں نے جواب دیا "نہیں، بلکہ ہم وہی چیز لے کر آئے ہیں جس کے آنے میں یہ لوگ شک کر رہے تھے
Tafheem-ul-Quran - Maududi
They said: "Nay, we have brought to you that concerning which they have been in doubt. 63
مولانا محمد جوناگڑھی
انہوں نے کہا نہیں بلکہ ہم تیرے پاس وه چیز ﻻئے ہیں جس میں یہ لوگ شک شبہ کر رہے تھے
فتح محمد جالندھری
وہ بولے کہ نہیں بلکہ ہم آپ کے پاس وہ چیز لے کر آئے ہیں جس میں لوگ شک کرتے تھے
احمد رضا خان بریلوی
کہا بلکہ ہم تو آپ کے پاس وہ لائے ہیں جس میں یہ لوگ شک کرتے تھے،
علامہ محمد حسین نجفی
انہوں نے کہا (نہیں) بلکہ ہم تمہارے پاس وہ چیز (عذاب) لے کر آئے ہیں جس میں (یہ) لوگ شک کیا کرتے تھے۔
وَ اَتَیۡنٰکَ بِالۡحَقِّ وَ اِنَّا لَصٰدِقُوۡنَ ﴿۶۴﴾
سید ابو الاعلیٰ مودودی
ہم تم سے سچ کہتے ہیں کہ ہم حق کے ساتھ تمہارے پاس آئے ہیں
Tafheem-ul-Quran - Maududi
We truly tell you that we have brought to you the Truth. 64
مولانا محمد جوناگڑھی
ہم تو تیرے پاس (صریح) حق ﻻئے ہیں اور ہیں بھی بالکل سچے
فتح محمد جالندھری
اور ہم آپ کے پاس یقینی بات لے کر آئے ہیں اور ہم سچ کہتے ہیں
احمد رضا خان بریلوی
اور ہم آپ کے پاس سچا حکم لائے ہیں اور ہم بیشک سچے ہیں،
علامہ محمد حسین نجفی
اور ہم آپ کے پاس حق (عذاب) لے کر آئے ہیں اور بلاشبہ ہم بالکل سچے ہیں۔
فَاَسۡرِ بِاَہۡلِکَ بِقِطۡعٍ مِّنَ الَّیۡلِ وَ اتَّبِعۡ اَدۡبَارَہُمۡ وَ لَا یَلۡتَفِتۡ مِنۡکُمۡ اَحَدٌ وَّ امۡضُوۡا حَیۡثُ تُؤۡمَرُوۡنَ ﴿۶۵﴾
سید ابو الاعلیٰ مودودی
لہٰذا اب تم کچھ رات رہے اپنے گھر والوں کو لے کر نکل جاؤ اور خود ان کے پیچھے پیچھے چلو تم میں سے کوئی پلٹ کر نہ دیکھے بس سیدھے چلے جاؤ جدھر جانے کا تمہیں حکم دیا جا رہا ہے"
Tafheem-ul-Quran - Maududi
So set out with your family in a watch of the night, and keep yourself behind them, and no one of you may turn around, and keep going ahead as you have been commanded." 65
مولانا محمد جوناگڑھی
اب تو اپنے خاندان سمیت اس رات کے کسی حصہ میں چل دے اور آپ ان کے پیچھے رہنا، اور (خبردار) تم میں سے کوئی (پیچھے) مڑکر بھی نہ دیکھے اور جہاں کا تمہیں حکم کیا جارہا ہے وہاں چلے جانا
فتح محمد جالندھری
تو آپ کچھ رات رہے سے اپنے گھر والوں کو لے نکلیں اور خود ان کے پیچھے چلیں اور اور آپ میں سے کوئی شخص مڑ کر نہ دیکھے۔ اور جہاں آپ کو حکم ہو وہاں چلے جایئے
احمد رضا خان بریلوی
تو اپنے گھر والوں کو کچھ رات رہے لے کر باہر جایے اور آپ ان کے پیچھے چلئے اور تم میں کوئی پیچھے پھر کر نہ دیکھے اور جہاں کو حکم ہے سیدھے چلے جایئے،
علامہ محمد حسین نجفی
تو آپ رات کے کسی حصہ میں اپنے اہل و عیال کو لے کر نکل جائیں اور خود آپ ان کے پیچھے پیچھے چلیں اور آپ میں سے کوئی پیچھے مڑ کر نہ دیکھے اور جدھر جانے کا آپ کو حکم دیا گیا ہے ادھر ہی چلے جائیں۔
وَ قَضَیۡنَاۤ اِلَیۡہِ ذٰلِکَ الۡاَمۡرَ اَنَّ دَابِرَ ہٰۤؤُلَآءِ مَقۡطُوۡعٌ مُّصۡبِحِیۡنَ ﴿۶۶﴾
سید ابو الاعلیٰ مودودی
اور اُسے ہم نے اپنا یہ فیصلہ پہنچا دیا کہ صبح ہوتے ہوتے اِن لوگوں کی جڑ کاٹ دی جائے گی
Tafheem-ul-Quran - Maududi
And We communicated to him the decree that by the morning those people will be totally destroyed. 66
مولانا محمد جوناگڑھی
اور ہم نے اس کی طرف اس بات کا فیصلہ کر دیا کہ صبح ہوتے ہوتے ان لوگوں کی جڑیں کاٹ دی جائیں گی
فتح محمد جالندھری
اور ہم نے لوط کی طرف وحی بھیجی کہ ان لوگوں کی جڑ صبح ہوتے ہوتے کاٹ دی جائے گی
احمد رضا خان بریلوی
اور ہم نے اسے اس حکم کا فیصلہ سنادیا کہ صبح ہوتے ان کافروں کی جڑ کٹ جائے گی،
علامہ محمد حسین نجفی
اور ہم نے ان (لوط(ع)) کو بذریعۂ وحی اس فیصلہ سے آگاہ کر دیا کہ صبح ہوتے ہوتے ان کی جڑ بالکل کاٹ دی جائے گی۔
وَ جَآءَ اَہۡلُ الۡمَدِیۡنَۃِ یَسۡتَبۡشِرُوۡنَ ﴿۶۷﴾
سید ابو الاعلیٰ مودودی
اتنے میں شہر کے لوگ خوشی کے مارے بے تاب ہو کر لوطؑ کے گھر چڑھ آئے
Tafheem-ul-Quran - Maududi
In the meantime the people of the city came to Lot rejoicing. 67
مولانا محمد جوناگڑھی
اور شہر والے خوشیاں مناتے ہوئے آئے
فتح محمد جالندھری
اور اہل شہر (لوط کے پاس) خوش خوش (دوڑے) آئے
احمد رضا خان بریلوی
اور شہر والے خوشیاں مناتے آئے،
علامہ محمد حسین نجفی
اور شہر والے (نوجوان اور خوبصورت مہمانوں کو دیکھ کر) خوشیاں مناتے ہوئے آگئے۔
قَالَ اِنَّ ہٰۤؤُلَآءِ ضَیۡفِیۡ فَلَا تَفۡضَحُوۡنِ ﴿ۙ۶۸﴾
سید ابو الاعلیٰ مودودی
لوطؑ نے کہا "بھائیو، یہ میرے مہمان ہیں، میری فضیحت نہ کرو
Tafheem-ul-Quran - Maududi
He said: "These are my guests, so do not disgrace me. 68
مولانا محمد جوناگڑھی
(لوط علیہ السلام نے) کہا یہ لوگ میرے مہمان ہیں تم مجھے رسوا نہ کرو
فتح محمد جالندھری
(لوط نے) کہا کہ یہ میرے مہمان ہیں (کہیں ان کے بارے میں) مجھے رسوا نہ کرنا
احمد رضا خان بریلوی
لوط نے کہا یہ میرے مہمان ہیں مجھے فضیحت (رُسوا) نہ کرو، ف۷۵)
علامہ محمد حسین نجفی
(لوط(ع) نے) کہا یہ لوگ میرے مہمان ہیں تم میری فضیحت نہ کرو۔
وَ اتَّقُوا اللّٰہَ وَ لَا تُخۡزُوۡنِ ﴿۶۹﴾
سید ابو الاعلیٰ مودودی
اللہ سے ڈرو، مجھے رسوا نہ کرو"
Tafheem-ul-Quran - Maududi
Have fear of Allah, and do not humiliate me." 69
مولانا محمد جوناگڑھی
اللہ تعالیٰ سے ڈرو اور مجھے رسوا نہ کرو
فتح محمد جالندھری
اور خدا سے ڈرو۔ اور میری بےآبروئی نہ کیجو
احمد رضا خان بریلوی
اور اللہ سے ڈرو اور مجھے رسوا نہ کرو،
علامہ محمد حسین نجفی
اور اللہ سے ڈرو اور مجھے رسوا نہ کرو۔
قَالُوۡۤا اَوَ لَمۡ نَنۡہَکَ عَنِ الۡعٰلَمِیۡنَ ﴿۷۰﴾
سید ابو الاعلیٰ مودودی
وہ بولے "کیا ہم بارہا تمہیں منع نہیں کر چکے ہیں کہ دنیا بھر کے ٹھیکے دار نہ بنو؟"
Tafheem-ul-Quran - Maududi
They replied: "Did we not forbid you again and again to extend hospitality to all and sundry?" 70
مولانا محمد جوناگڑھی
وه بولے کیا ہم نے تجھے دنیا بھر (کی ٹھیکیداری) سے منع نہیں کر رکھا؟
فتح محمد جالندھری
وہ بولے کیا ہم نے تم کو سارے جہان (کی حمایت وطرفداری) سے منع نہیں کیا
احمد رضا خان بریلوی
بولے کیا ہم نے تمہیں منع نہ کیا تھا کہ اوروں کے معاملہ میں دخل نہ دو،
علامہ محمد حسین نجفی
انہوں نے کہا کہ کیا ہم نے آپ کو دنیا بھر کے لوگوں (کو مہمان کرنے) سے منع نہیں کر دیا تھا۔
قَالَ ہٰۤؤُلَآءِ بَنٰتِیۡۤ اِنۡ کُنۡتُمۡ فٰعِلِیۡنَ ﴿ؕ۷۱﴾
سید ابو الاعلیٰ مودودی
لوطؑ نے عاجز ہو کر کہا "اگر تمہیں کچھ کرنا ہی ہے تو یہ میری بیٹیاں موجود ہیں!"
Tafheem-ul-Quran - Maududi
Lot exclaimed in exasperation: "If you are bent on doing something, then here are my daughters." 71
مولانا محمد جوناگڑھی
(لوط علیہ السلام نے) کہا اگر تمہیں کرنا ہی ہے تو یہ میری بچیاں موجود ہیں
فتح محمد جالندھری
(انہوں نے) کہا کہ اگر تمہیں کرنا ہی ہے تو یہ میری (قوم کی) لڑکیاں ہیں (ان سے شادی کرلو)
احمد رضا خان بریلوی
کہا یہ قوم کی عورتیں میری بیٹیاں ہیں اگر تمہیں کرنا ہے،
علامہ محمد حسین نجفی
آپ نے کہا اگر تم نے کچھ کرنا ہے تو پھر یہ میری (قوم کی) بیٹیاں موجود ہیں۔
لَعَمۡرُکَ اِنَّہُمۡ لَفِیۡ سَکۡرَتِہِمۡ یَعۡمَہُوۡنَ ﴿۷۲﴾
سید ابو الاعلیٰ مودودی
تیری جان کی قسم اے نبیؐ، اُس وقت اُن پر ایک نشہ سا چڑھا ہوا تھا جس میں وہ آپے سے باہر ہوئے جاتے تھے
Tafheem-ul-Quran - Maududi
By your life, (O Prophet), they went about blindly stumbling in their intoxication. 72
مولانا محمد جوناگڑھی
تیری عمر کی قسم! وه تو اپنی بدمستی میں سرگرداں تھے
فتح محمد جالندھری
(اے محمد) تمہاری جان کی قسم وہ اپنی مستی میں مدہوش (ہو رہے) تھے
احمد رضا خان بریلوی
اے محبوب تمہاری جان کی قسم بیشک وہ اپنے نشہ میں بھٹک رہے ہیں،
علامہ محمد حسین نجفی
آپ کی جان کی قسم! یہ لوگ اپنے نشہ میں بالکل اندھے ہو رہے تھے۔
فَاَخَذَتۡہُمُ الصَّیۡحَۃُ مُشۡرِقِیۡنَ ﴿ۙ۷۳﴾
سید ابو الاعلیٰ مودودی
آخرکار پو پھٹتے ہی اُن کو ایک زبردست دھماکے نے آ لیا
Tafheem-ul-Quran - Maududi
Then the mighty Blast caught them at sunrise, 73
مولانا محمد جوناگڑھی
پس سورج نکلتے نکلتے انہیں ایک بڑے زور کی آواز نے پکڑ لیا
فتح محمد جالندھری
سو ان کو سورج نکلتے نکلتے چنگھاڑ نے آپکڑا
احمد رضا خان بریلوی
تو دن نکلتے انہیں چنگھاڑ نے آلیا
علامہ محمد حسین نجفی
آخرکار سورج نکلتے نکلتے انہیں ایک ہولناک آواز (چیخ) نے آلیا۔
فَجَعَلۡنَا عَالِیَہَا سَافِلَہَا وَ اَمۡطَرۡنَا عَلَیۡہِمۡ حِجَارَۃً مِّنۡ سِجِّیۡلٍ ﴿ؕ۷۴﴾
سید ابو الاعلیٰ مودودی
اور ہم نے اُس بستی کو تل پٹ کر کے رکھ دیا اور ان پر پکی ہوئی مٹی کے پتھروں کی بارش برسا دی
Tafheem-ul-Quran - Maududi
and turned the land upside down, and rained down stones of baked clay. 74
مولانا محمد جوناگڑھی
بالﺂخر ہم نے اس شہر کو اوپر تلے کر دیا اور ان لوگوں پر کنکر والے پتھر برسائے
فتح محمد جالندھری
اور ہم نے اس شہر کو (الٹ کر) نیچے اوپر کردیا۔ اور ان پر کھنگر کی پتھریاں برسائیں
احمد رضا خان بریلوی
تو ہم نے اس بستی کا اوپر کا حصہ اس نے نیچے کا حصہ کردیا اور ان پر کنکر کے پتھر برسائے،
علامہ محمد حسین نجفی
پس ہم نے اس (بستی) کو تہہ و بالا کر دیا (اوپر کا طبقہ نیچے کر دیا)۔ اور ان پر پکی ہوئی مٹی کے پتھروں کی بارش کر دی۔
اِنَّ فِیۡ ذٰلِکَ لَاٰیٰتٍ لِّلۡمُتَوَسِّمِیۡنَ ﴿۷۵﴾
سید ابو الاعلیٰ مودودی
اِس واقعے میں بڑی نشانیاں ہیں اُن لوگوں کے لیے جو صاحب فراست ہیں
Tafheem-ul-Quran - Maududi
There are great Signs in this for those endowed with intelligence. 75
مولانا محمد جوناگڑھی
بلاشبہ بصیرت والوں کے لیے اس میں بہت سی نشانیاں ہیں
فتح محمد جالندھری
بےشک اس (قصے) میں اہل فراست کے لیے نشانی ہے
احمد رضا خان بریلوی
بیشک اس میں نشانیاں ہیں فراست والوں کے لیے،
علامہ محمد حسین نجفی
بے شک اس (واقعہ) میں حقیقت کی پہچان رکھنے والوں کے لئے بڑی نشانیاں ہیں۔
وَ اِنَّہَا لَبِسَبِیۡلٍ مُّقِیۡمٍ ﴿۷۶﴾
سید ابو الاعلیٰ مودودی
اور وہ علاقہ (جہاں یہ واقعہ پیش آیا تھا) گزرگاہ عام پر واقع ہے
Tafheem-ul-Quran - Maududi
The place (where this occurred) lies along a known route. 76
مولانا محمد جوناگڑھی
یہ بستی ایسی راه پر ہے جو برابر چلتی رہتی (عام گذرگاه) ہے۔
فتح محمد جالندھری
اور وہ (شہر) اب تک سیدھے رستے پر (موجود) ہے
احمد رضا خان بریلوی
اور بیشک وہ بستی اس راہ پر ہے جو اب تک چلتی ہے،
علامہ محمد حسین نجفی
اور وہ (بستی) ایک عام گزرگاہ پر واقع ہے جو اب تک قائم ہے۔
اِنَّ فِیۡ ذٰلِکَ لَاٰیَۃً لِّلۡمُؤۡمِنِیۡنَ ﴿ؕ۷۷﴾
سید ابو الاعلیٰ مودودی
اُس میں سامان عبرت ہے اُن لوگوں کے لیے جو صاحب ایمان ہیں
Tafheem-ul-Quran - Maududi
Verily there is a Sign in this for the believers. 77
مولانا محمد جوناگڑھی
اور اس میں ایمان والوں کے لیے بڑی نشانی ہے
فتح محمد جالندھری
بےشک اس میں ایمان لانے والوں کے لیے نشانی ہے
احمد رضا خان بریلوی
بیشک اس میں نشانیاں ہیں ایمان والوں کو،
علامہ محمد حسین نجفی
بے شک اس (واقعہ) میں اہلِ ایمان کے لئے بڑی نشانی ہے۔
وَ اِنۡ کَانَ اَصۡحٰبُ الۡاَیۡکَۃِ لَظٰلِمِیۡنَ ﴿ۙ۷۸﴾
سید ابو الاعلیٰ مودودی
اور ایکہ والے ظالم تھے
Tafheem-ul-Quran - Maududi
And the people of Aykah were also wrong-doers. 78
مولانا محمد جوناگڑھی
اَیکَہ بستی کے رہنے والے بھی بڑے ﻇالم تھے
فتح محمد جالندھری
اور بَن کے رہنے والے (یعنی قوم شعیب کے لوگ) بھی گنہگار تھے
احمد رضا خان بریلوی
اور بیشک جھاڑی والے ضرور ظالم تھے، ف۸۲)
علامہ محمد حسین نجفی
اور بے شک ایک (گھنے جنگل) والے بڑے ظالم تھے۔
فَانۡتَقَمۡنَا مِنۡہُمۡ ۘ وَ اِنَّہُمَا لَبِاِمَامٍ مُّبِیۡنٍ ﴿ؕ٪۷۹﴾
سید ابو الاعلیٰ مودودی
تو دیکھ لو کہ ہم نے بھی اُن سے انتقام لیا، اور اِن دونوں قوموں کے اجڑے ہوئے علاقے کھلے راستے پر واقع ہیں
Tafheem-ul-Quran - Maududi
So We chastised them. The desolate locations of both communities lie on a well-known highway. 79
مولانا محمد جوناگڑھی
جن سے (آخر) ہم نے انتقام لے ہی لیا۔ یہ دونوں شہر کھلے (عام) راستے پر ہیں
فتح محمد جالندھری
تو ہم نے ان سے بھی بدلہ لیا۔ اور یہ دونوں شہر کھلے رستے پر (موجود) ہیں
احمد رضا خان بریلوی
تو ہم نے ان سے بدلہ لیا اور بیشک دونوں بستیاں کھلے راستہ پر پڑتی ہیں،
علامہ محمد حسین نجفی
ہم نے ان سے انتقام لیا اور یہ دونوں (بستیاں) شارعِ عام پر واقع ہیں۔
وَ لَقَدۡ کَذَّبَ اَصۡحٰبُ الۡحِجۡرِ الۡمُرۡسَلِیۡنَ ﴿ۙ۸۰﴾
سید ابو الاعلیٰ مودودی
حجر کے لوگ بھی رسولوں کی تکذیب کر چکے ہیں
Tafheem-ul-Quran - Maududi
Surely the people of al-Hijr also rejected the Messengers, calling them liars. 80
مولانا محمد جوناگڑھی
اور حِجر والوں نے بھی رسولوں کو جھٹلایا
فتح محمد جالندھری
اور (وادی) حجر کے رہنے والوں نے بھی پیغمبروں کی تکذیب کی
احمد رضا خان بریلوی
اور بیشک حجر والو ں نے رسولوں کو جھٹلایا
علامہ محمد حسین نجفی
اور بے شک حجر کے لوگوں نے رسولوں کو جھٹلایا۔
وَ اٰتَیۡنٰہُمۡ اٰیٰتِنَا فَکَانُوۡا عَنۡہَا مُعۡرِضِیۡنَ ﴿ۙ۸۱﴾
سید ابو الاعلیٰ مودودی
ہم نے اپنی آیات اُن کے پاس بھیجیں، اپنی نشانیاں اُن کو دکھائیں، مگر وہ سب کو نظر انداز ہی کرتے رہے
Tafheem-ul-Quran - Maududi
We also gave them Our Signs, yet they turned away from them. 81
مولانا محمد جوناگڑھی
اور ہم نے ان کو اپنی نشانیاں بھی عطا فرمائیں (لیکن) تاہم وه ان سے روگردانی ہی کرتے رہے
فتح محمد جالندھری
ہم نے ان کو اپنی نشانیاں دیں اور وہ ان سے منہ پھرتے رہے
احمد رضا خان بریلوی
اور ہم نے ان کو اپنی نشانیاں دیں تو وہ ان سے منہ پھیرے رہے،
علامہ محمد حسین نجفی
اور ہم نے انہیں نشانیاں عطا کیں مگر وہ ان سے روگردانی ہی کرتے رہے۔
وَ کَانُوۡا یَنۡحِتُوۡنَ مِنَ الۡجِبَالِ بُیُوۡتًا اٰمِنِیۡنَ ﴿۸۲﴾
سید ابو الاعلیٰ مودودی
وہ پہاڑ تراش تراش کر مکان بناتے تھے اور اپنی جگہ بالکل بے خوف اور مطمئن تھے
Tafheem-ul-Quran - Maududi
They used to hew out houses from the mountains and lived in security. 82
مولانا محمد جوناگڑھی
یہ لوگ پہاڑوں کو تراش تراش کر گھر بناتے تھے، بے خوف ہوکر
فتح محمد جالندھری
اور وہ پہاڑوں کو تراش تراش کر گھر بناتے تھے (کہ) امن (واطمینان) سے رہیں گے
احمد رضا خان بریلوی
اور وہ پہاڑوں میں گھر تراشتے تھے بے خوف
علامہ محمد حسین نجفی
اور وہ پہاڑوں کو تراش کر گھر بناتے تھے تاکہ امن و اطمینان سے رہیں۔
فَاَخَذَتۡہُمُ الصَّیۡحَۃُ مُصۡبِحِیۡنَ ﴿ۙ۸۳﴾
سید ابو الاعلیٰ مودودی
آخرکار ایک زبردست دھماکے نے اُن کو صبح ہوتے آ لیا
Tafheem-ul-Quran - Maududi
Then the Blast caught them in the morning 83
مولانا محمد جوناگڑھی
آخر انہیں بھی صبح ہوتے ہوتے چنگھاڑنے آدبوچا
فتح محمد جالندھری
تو چیخ نے ان کو صبح ہوتے ہوتے آپکڑا
احمد رضا خان بریلوی
تو انہیں صبح ہوتے چنگھاڑ نے آلیا
علامہ محمد حسین نجفی
پس صبح کے وقت انہیں ایک ہولناک آواز نے آپکڑا۔
فَمَاۤ اَغۡنٰی عَنۡہُمۡ مَّا کَانُوۡا یَکۡسِبُوۡنَ ﴿ؕ۸۴﴾
سید ابو الاعلیٰ مودودی
اور اُن کی کمائی اُن کے کچھ کام نہ آئی
Tafheem-ul-Quran - Maududi
and whatever they had been earning proved of no avail. 84
مولانا محمد جوناگڑھی
پس ان کی کسی تدبیروعمل نے انہیں کوئی فائده نہ دیا
فتح محمد جالندھری
اور جو کام وہ کرتے تھے وہ ان کے کچھ بھی کام نہ آئے
احمد رضا خان بریلوی
تو ان کی کمائی کچھ ان کے کام نہ آئی
علامہ محمد حسین نجفی
سو جو کچھ انہوں نے کمایا تھا وہ ان کے کام نہ آیا۔
وَ مَا خَلَقۡنَا السَّمٰوٰتِ وَ الۡاَرۡضَ وَ مَا بَیۡنَہُمَاۤ اِلَّا بِالۡحَقِّ ؕ وَ اِنَّ السَّاعَۃَ لَاٰتِیَۃٌ فَاصۡفَحِ الصَّفۡحَ الۡجَمِیۡلَ ﴿۸۵﴾
سید ابو الاعلیٰ مودودی
ہم نے زمین اور آسمان کو اور ان کی سب موجودات کو حق کے سوا کسی اور بنیاد پر خلق نہیں کیا ہے، اور فیصلے کی گھڑی یقیناً آنے والی ہے، پس اے محمدؐ، تم (اِن لوگوں کی بیہودگیوں پر) شریفانہ درگزر سے کام لو
Tafheem-ul-Quran - Maududi
We have not created the heavens and the earth and all that is in between them except with Truth. Surely the Hour will come. So, (O Muhammad), do graciously overlook them (despite their misdeeds). 85
مولانا محمد جوناگڑھی
ہم نے آسمانوں اور زمین کو اور ان کے درمیان کی سب چیزوں کو حق کے ساتھ ہی پیدا فرمایا ہے، اور قیامت ضرور ضرور آنے والی ہے۔ پس تو حسن وخوبی (اور اچھائی) سے درگزر کر لے
فتح محمد جالندھری
اور ہم نے آسمانوں اور زمین کو اور جو (مخلوقات) ان میں ہے اس کو تدبیر کے ساتھ پیدا کیا ہے۔ اور قیامت تو ضرور آکر رہے گی تو تم (ان لوگوں سے) اچھی طرح سے درگزر کرو
احمد رضا خان بریلوی
اور ہم نے آسمان اور زمین اور جو کچھ ان کے درمیان ہے عبث نہ بنایا، اور بیشک قیامت آنے والی ہے تو تم اچھی طرح درگزر کرو، ف۹۳)
علامہ محمد حسین نجفی
اور ہم نے آسمانوں اور زمین کو نیز جو کچھ ان کے درمیان ہے اس کو پیدا نہیں کیا مگر حق و حکمت کے ساتھ اور قیامت یقینا آنے والی ہے پس (اے رسول) آپ شائستہ طریقہ سے درگزر کریں۔
اِنَّ رَبَّکَ ہُوَ الۡخَلّٰقُ الۡعَلِیۡمُ ﴿۸۶﴾
سید ابو الاعلیٰ مودودی
یقیناً تمہارا رب سب کا خالق ہے اور سب کچھ جانتا ہے
Tafheem-ul-Quran - Maududi
Your Lord is indeed the Creator of all, the All-Knowing. 86
مولانا محمد جوناگڑھی
یقیناً تیرا پروردگار ہی پیدا کرنے واﻻ اور جاننے واﻻ ہے
فتح محمد جالندھری
کچھ شک نہیں کہ تمہارا پروردگار (سب کچھ) پیدا کرنے والا (اور) جاننے والا ہے
احمد رضا خان بریلوی
بیشک تمہارا رب ہی بہت پیدا کرنے والا جاننے والا ہے
علامہ محمد حسین نجفی
بے شک آپ کا پروردگار ہی بڑا پیدا کرنے والا (اور) بڑا جاننے والا ہے۔
وَ لَقَدۡ اٰتَیۡنٰکَ سَبۡعًا مِّنَ الۡمَثَانِیۡ وَ الۡقُرۡاٰنَ الۡعَظِیۡمَ ﴿۸۷﴾
سید ابو الاعلیٰ مودودی
ہم نے تم کو سات ایسی آیتیں دے رکھی ہیں جو بار بار دہرائی جانے کے لائق ہیں، اور تمہیں قرآن عظیم عطا کیا ہے
Tafheem-ul-Quran - Maududi
We have indeed bestowed on you the seven oft-repeated verses and the Great Qur'an. 87
مولانا محمد جوناگڑھی
یقیناً ہم نے آپ کو سات آیتیں دے رکھی ہیں کہ دہرائی جاتی ہیں اور عظیم قرآن بھی دے رکھا ہے
فتح محمد جالندھری
اور ہم نے تم کو سات (آیتیں) جو (نماز میں) دہرا کر پڑھی جاتی ہیں (یعنی سورہٴ الحمد) اور عظمت والا قرآن عطا فرمایا ہے
احمد رضا خان بریلوی
اور بیشک ہم نے تم کو سات آیتیں دیں جو دہرائی جاتی ہیں اور عظمت والا قرآن،
علامہ محمد حسین نجفی
اور بلاشبہ ہم نے آپ کو دہرائی جانے والی سات آیتیں عطا کی ہیں اور قرآنِ عظیم بھی۔
لَا تَمُدَّنَّ عَیۡنَیۡکَ اِلٰی مَا مَتَّعۡنَا بِہٖۤ اَزۡوَاجًا مِّنۡہُمۡ وَ لَا تَحۡزَنۡ عَلَیۡہِمۡ وَ اخۡفِضۡ جَنَاحَکَ لِلۡمُؤۡمِنِیۡنَ ﴿۸۸﴾
سید ابو الاعلیٰ مودودی
تم اُس متاع دنیا کی طرف آنکھ اٹھا کر نہ دیکھو جو ہم نے اِن میں سے مختلف قسم کے لوگوں کو دے رکھی ہے، اور نہ اِن کے حال پر اپنا دل کڑھاؤ انہیں چھوڑ کر ایمان لانے والوں کی طرف جھکو
Tafheem-ul-Quran - Maududi
Do not even cast your eyes towards the worldly goods We have granted to different kinds of people, nor grieve over the state they are in, but turn your loving attention to the believers instead, 88
مولانا محمد جوناگڑھی
آپ ہر گز اپنی نظریں اس چیز کی طرف نہ دوڑائیں، جس سے ہم نے ان میں سے کئی قسم کے لوگوں کو بہره مند کر رکھا ہے، نہ ان پر آپ افسوس کریں اور مومنوں کے لیے اپنے بازو جھکائے رہیں
فتح محمد جالندھری
اور ہم نے کفار کی کئی جماعتوں کو جو (فوائد دنیاوی سے) متمتع کیا ہے تم ان کی طرف (رغبت سے) آنکھ اٹھا کر نہ دیکھنا اور نہ ان کے حال پر تاسف کرنا اور مومنوں سے خاطر اور تواضع سے پیش آنا
احمد رضا خان بریلوی
اپنی آنکھ اٹھاکر اس چیز کو نہ دیکھو جو ہم نے ان کے جوڑوں کو برتنے کو دی اور ان کا کچھ غم نہ کھاؤ اور مسلمانوں کو اپنی رحمت کے پروں میں لے لو،
علامہ محمد حسین نجفی
آپ اپنی آنکھ اٹھا کر بھی ان چیزوں کی طرف نہ دیکھیں جن سے ہم نے مختلف قسم کے لوگوں (کافروں) کو بہرہ مند کیا ہے اور نہ ہی ان کے بارے میں غمگین ہوں اور اہلِ ایمان کے لئے اپنے بازو پھیلا دیں (ان کے ساتھ شفقت سے پیش آئیں)۔
وَ قُلۡ اِنِّیۡۤ اَنَا النَّذِیۡرُ الۡمُبِیۡنُ ﴿ۚ۸۹﴾
سید ابو الاعلیٰ مودودی
اور (نہ ماننے والوں سے) کہہ دو کہ میں تو صاف صاف تنبیہ کرنے والا ہوں
Tafheem-ul-Quran - Maududi
and clearly tell the unbelievers: "I am most certainly a plain warner," 89
مولانا محمد جوناگڑھی
اور کہہ دیجئے کہ میں تو کھلم کھلا ڈرانے واﻻ ہوں
فتح محمد جالندھری
اور کہہ دو کہ میں تو علانیہ ڈر سنانے والا ہوں
احمد رضا خان بریلوی
اور فرماؤ کہ میں ہی ہوں صاف ڈر سنانے والا (اس عذاب سے)،
علامہ محمد حسین نجفی
اور کہہ دیجیے کہ میں تو عذاب سے کھلا ہوا ڈرانے والا ہوں۔
کَمَاۤ اَنۡزَلۡنَا عَلَی الۡمُقۡتَسِمِیۡنَ ﴿ۙ۹۰﴾
سید ابو الاعلیٰ مودودی
یہ اُسی کی طرح کی تنبیہ ہے جیسی ہم نے اُن تفرقہ پردازوں کی طرف بھیجی تھی
Tafheem-ul-Quran - Maududi
even as We had sent warning to those who had divided their religion into fragments; 90
مولانا محمد جوناگڑھی
جیسے کہ ہم نے ان تقسیم کرنے والوں پر اتارا
فتح محمد جالندھری
(اور ہم ان کفار پر اسی طرح عذاب نازل کریں گے) جس طرح ان لوگوں پر نازل کیا جنہوں نے تقسیم کردیا
احمد رضا خان بریلوی
جیسا ہم نے بانٹنے والوں پر اتارا،
علامہ محمد حسین نجفی
(اے رسول) جس طرح ہم نے تقسیم کرنے والوں پر اپنا کلام نازل کیا تھا۔ (اسی طرح) آپ پر بھی نازل کیا ہے۔
الَّذِیۡنَ جَعَلُوا الۡقُرۡاٰنَ عِضِیۡنَ ﴿۹۱﴾
سید ابو الاعلیٰ مودودی
جنہوں نے اپنے قرآن کو ٹکڑے ٹکڑے کر ڈالا ہے
Tafheem-ul-Quran - Maududi
those who had split up their Qur'an into pieces. 91
مولانا محمد جوناگڑھی
جنہوں نے اس کتاب الٰہی کے ٹکڑے ٹکڑے کر دیئے
فتح محمد جالندھری
یعنی قرآن کو (کچھ ماننے اور کچھ نہ ماننے سے) ٹکڑے ٹکڑے کر ڈالا
احمد رضا خان بریلوی
جنہوں نے کلامِ الٰہی کو تکے بوٹی کرلیا، ف۹۹)
علامہ محمد حسین نجفی
(لیکن یہ وہ لوگ تھے) جنہوں نے قرآن کے ٹکڑے ٹکڑے کر دئیے۔
فَوَ رَبِّکَ لَنَسۡـَٔلَنَّہُمۡ اَجۡمَعِیۡنَ ﴿ۙ۹۲﴾
سید ابو الاعلیٰ مودودی
تو قسم ہے تیرے رب کی، ہم ضرور ان سب سے پوچھیں گے
Tafheem-ul-Quran - Maududi
By your Lord, We will question them all 92
مولانا محمد جوناگڑھی
قسم ہے تیرے پالنے والے کی! ہم ان سب سے ضرور باز پرس کریں گے
فتح محمد جالندھری
تمہارے پروردگار کی قسم ہم ان سے ضرور پرسش کریں گے
احمد رضا خان بریلوی
تو تمہارے رب کی قسم ہم ضرور ان سب سے پوچھیں گے،
علامہ محمد حسین نجفی
آپ کے پروردگار کی قسم ہم ان سے اس کی بابت ضرور سوال کریں گے۔
عَمَّا کَانُوۡا یَعۡمَلُوۡنَ ﴿ٙ۹۳﴾
سید ابو الاعلیٰ مودودی
کہ تم کیا کرتے رہے ہو
Tafheem-ul-Quran - Maududi
concerning what they have been doing. 93
مولانا محمد جوناگڑھی
ہر اس چیز کی جو وه کرتے تھے
فتح محمد جالندھری
ان کاموں کی جو وہ کرتے رہے
احمد رضا خان بریلوی
جو کچھ وہ کرتے تھے،
علامہ محمد حسین نجفی
جو کچھ وہ کیا کرتے تھے۔
فَاصۡدَعۡ بِمَا تُؤۡمَرُ وَ اَعۡرِضۡ عَنِ الۡمُشۡرِکِیۡنَ ﴿۹۴﴾
سید ابو الاعلیٰ مودودی
پس اے نبیؐ، جس چیز کا تمہیں حکم دیا جا رہا ہے، اُسے ہانکے پکارے کہہ دو اور شرک کرنے والوں کی ذرا پروا نہ کرو
Tafheem-ul-Quran - Maududi
(O Prophet), proclaim what you are commanded, and pay no heed to those who associate others with Allah in His Divinity. 94
مولانا محمد جوناگڑھی
پس آپ اس حکم کو جو آپ کو کیا جارہا ہے کھول کر سنا دیجئے! اور مشرکوں سے منھ پھیر لیجئے
فتح محمد جالندھری
پس جو حکم تم کو (خدا کی طرف سے) ملا ہے وہ (لوگوں کو) سنا دو اور مشرکوں کا (ذرا) خیال نہ کرو
احمد رضا خان بریلوی
تو اعلانیہ کہہ دو جس بات کا تمہیں حکم ہے اور مشرکوں سے منہ پھیر لو، ف۱۰۳)
علامہ محمد حسین نجفی
پس جس چیز کا آپ کو حکم دیا گیا ہے اس کا واضح اعلان کر دیں اور مشرکوں سے اعراض کریں (ان کی کچھ پروا نہ کریں)۔
اِنَّا کَفَیۡنٰکَ الۡمُسۡتَہۡزِءِیۡنَ ﴿ۙ۹۵﴾
سید ابو الاعلیٰ مودودی
تمہاری طرف سے ہم اُن مذاق اڑانے والوں کی خبر لینے کے لیے کافی ہیں
Tafheem-ul-Quran - Maududi
Surely We suffice to deal with those who scoff at you, 95
مولانا محمد جوناگڑھی
آپ سے جو لوگ مسخراپن کرتے ہیں ان کی سزا کے لیے ہم کافی ہیں
فتح محمد جالندھری
ہم تمہیں ان لوگوں (کے شر) سے بچانے کے لیے جو تم سے استہزاء کرتے ہیں کافی ہیں
احمد رضا خان بریلوی
بیشک ان ہنسنے والوں پر ہم تمہیں کفا یت کرتے ہیں
علامہ محمد حسین نجفی
جو آپ کا مذاق اڑاتے ہیں ہم ان کے لئے کافی ہیں۔
الَّذِیۡنَ یَجۡعَلُوۡنَ مَعَ اللّٰہِ اِلٰہًا اٰخَرَ ۚ فَسَوۡفَ یَعۡلَمُوۡنَ ﴿۹۶﴾
سید ابو الاعلیٰ مودودی
جو اللہ کے ساتھ کسی اور کو بھی خدا قرار دیتے ہیں عنقریب انہیں معلوم ہو جائے گا
Tafheem-ul-Quran - Maududi
those who set up another deity alongside Allah. They shall soon come to know. 96
مولانا محمد جوناگڑھی
جو اللہ کے ساتھ دوسرے معبود مقرر کرتے ہیں انہیں عنقریب معلوم ہو جائے گا
فتح محمد جالندھری
جو خدا کے ساتھ معبود قرار دیتے ہیں۔ سو عنقریب ان کو (ان باتوں کا انجام) معلوم ہوجائے گا
احمد رضا خان بریلوی
جو ا لله کے ساتھ دوسرا معبود ٹھہراتے ہیں تو اب جان جائیں گے،
علامہ محمد حسین نجفی
جو خدا کے ساتھ دوسرا الٰہ قرار دیتے ہیں انہیں عنقریب (اپنا انجام) معلوم ہو جائے گا۔
وَ لَقَدۡ نَعۡلَمُ اَنَّکَ یَضِیۡقُ صَدۡرُکَ بِمَا یَقُوۡلُوۡنَ ﴿ۙ۹۷﴾
سید ابو الاعلیٰ مودودی
ہمیں معلوم ہے کہ جو باتیں یہ لوگ تم پر بناتے ہیں ان سے تمہارے دل کو سخت کوفت ہوتی ہے
Tafheem-ul-Quran - Maududi
We certainly know that their statements sorely grieve you. 97
مولانا محمد جوناگڑھی
ہمیں خوب علم ہے کہ ان کی باتوں سے آپ کا دل تنگ ہوتا ہے
فتح محمد جالندھری
اور ہم جانتے ہیں کہ ان باتوں سے تمہارا دل تنگ ہوتا ہے
احمد رضا خان بریلوی
اور بیشک ہمیں معلوم ہے کہ ان کی باتوں سے تم دل تنگ ہوتے ہو،
علامہ محمد حسین نجفی
اور بے شک ہم جانتے ہیں کہ جو کچھ (یہ لوگ) کہتے رہتے ہیں اس سے آپ کا دل تنگ ہوتا ہے۔
فَسَبِّحۡ بِحَمۡدِ رَبِّکَ وَ کُنۡ مِّنَ السّٰجِدِیۡنَ ﴿ۙ۹۸﴾
سید ابو الاعلیٰ مودودی
اس کا علاج یہ ہے کہ اپنے رب کی حمد کے ساتھ اس کی تسبیح کرو، اس کی جناب میں سجدہ بجا لاؤ
Tafheem-ul-Quran - Maududi
When (you feel so) glorify your Lord with His praise and prostrate yourself before Him, 98
مولانا محمد جوناگڑھی
آپ اپنے پروردگار کی تسبیح اور حمد بیان کرتے رہیں اور سجده کرنے والوں میں شامل ہو جائیں
فتح محمد جالندھری
تو تم اپنے پروردگار کی تسبیح کہتے اور (اس کی) خوبیاں بیان کرتے رہو اور سجدہ کرنے والوں میں داخل رہو
احمد رضا خان بریلوی
تو اپنے رب کو سراہتے ہوئے اس کی پاکی بولو اور سجدہ والوں میں ہو،
علامہ محمد حسین نجفی
تو اپنے پروردگار کی حمد کے ساتھ اس کی تسبیح کریں اور سجدہ کرنے والوں میں سے ہو جائیں۔
وَ اعۡبُدۡ رَبَّکَ حَتّٰی یَاۡتِیَکَ الۡیَقِیۡنُ ﴿٪۹۹﴾
سید ابو الاعلیٰ مودودی
اور اُس آخری گھڑی تک اپنے رب کی بندگی کرتے رہو جس کا آنا یقینی ہے
Tafheem-ul-Quran - Maududi
and worship your Lord until the last moment (of your life) that will most certainly come. 99
مولانا محمد جوناگڑھی
اور اپنے رب کی عبادت کرتے رہیں یہاں تک کہ آپ کو موت آجائے
فتح محمد جالندھری
اور اپنے پروردگار کی عبادت کئے جاؤ یہاں تک کہ تمہاری موت (کا وقت) آجائے
احمد رضا خان بریلوی
اور مرتے دم تک اپنے رب کی عبادت میں رہو،
علامہ محمد حسین نجفی
اور اس وقت تک برابر اپنے پروردگار کی عبادت کرتے رہیں جب تک کہ تمہارے پاس موت نہ آجائے۔
