موازنہ
0
▾
اردو ترجمہ:
سید ابو الاعلیٰ مودودی Tafheem-ul-Quran - Maududi مولانا محمد جوناگڑھی فتح محمد جالندھری احمد رضا خان بریلوی علامہ محمد حسین نجفی
الٓرٰ ۟ تِلۡکَ اٰیٰتُ الۡکِتٰبِ وَ قُرۡاٰنٍ مُّبِیۡنٍ ﴿۱﴾
سید ابو الاعلیٰ مودودی
ا ل ر یہ آیات ہیں کتاب الٰہی اور قرآن مبین کی
Tafheem-ul-Quran - Maududi
Alif. Lam. Ra'. These are the verses of the Book, and a Clear Qur'an. 1
مولانا محمد جوناگڑھی
الرٰ، یہ کتاب الٰہی کی آیتیں ہیں اور کھلے اور روشن قرآن کی
فتح محمد جالندھری
آلرا۔ یہ خدا کی کتاب اور قرآن روشن کی آیتیں ہیں
احمد رضا خان بریلوی
یہ آیتیں ہیں کتاب اور روشن قرآن کی-
علامہ محمد حسین نجفی
الف، لام، را۔ یہ کتاب (الٰہی) یعنی روشن قرآن کی آیتیں ہیں۔
رُبَمَا یَوَدُّ الَّذِیۡنَ کَفَرُوۡا لَوۡ کَانُوۡا مُسۡلِمِیۡنَ ﴿۲﴾
سید ابو الاعلیٰ مودودی
بعید نہیں کہ ایک وقت وہ آ جائے جب وہی لوگ جنہوں نے آج (دعوت اسلام کو قبول کرنے سے) انکار کر دیا ہے پچھتا پچھتا کر کہیں گے کہ کاش ہم نے سر تسلیم خم کر دیا ہوتا
Tafheem-ul-Quran - Maududi
Soon will the time come when the unbelievers will wish they were Muslims. 2
مولانا محمد جوناگڑھی
وه بھی وقت ہوگا کہ کافر اپنے مسلمان ہونے کی آرزو کریں گے
فتح محمد جالندھری
کسی وقت کافر لوگ آرزو کریں گے کہ اے کاش وہ مسلمان ہوتے
احمد رضا خان بریلوی
بہت آرزوئیں کریں گے کافر کاش مسلمان ہوتے،
علامہ محمد حسین نجفی
جن لوگوں نے کفر اختیار کیا ہے وہ بہت تمنا کریں گے کہ کاش وہ مسلمان ہوتے۔
ذَرۡہُمۡ یَاۡکُلُوۡا وَ یَتَمَتَّعُوۡا وَ یُلۡہِہِمُ الۡاَمَلُ فَسَوۡفَ یَعۡلَمُوۡنَ ﴿۳﴾
سید ابو الاعلیٰ مودودی
چھوڑو اِنہیں کھائیں، پییں، مزے کریں، اور بھلاوے میں ڈالے رکھے اِن کو جھوٹی امید عنقریب اِنہیں معلوم ہو جائے گا
Tafheem-ul-Quran - Maududi
Leave them to eat and enjoy life and let false hopes amuse them. They will soon come to know. 3
مولانا محمد جوناگڑھی
آپ انہیں کھاتا، نفع اٹھاتا اور (جھوٹی) امیدوں میں مشغول ہوتا چھوڑ دیجئے یہ خود ابھی جان لیں گے
فتح محمد جالندھری
(اے محمد) ان کو اُن کے حال پر رہنے دو کہ کھالیں اور فائدے اُٹھالیں اور (طول) امل ان کو دنیا میں مشغول کئے رہے عنقریب ان کو (اس کا انجام) معلوم ہو جائے گا
احمد رضا خان بریلوی
انہیں چھوڑو کہ کھائیں اور برتیں اور امید انہیں کھیل میں ڈالے تو اب جانا چاہتے ہیں
علامہ محمد حسین نجفی
(اے رسول(ص)) انہیں چھوڑ دو کہ وہ کھائیں (پئیں) اور عیش و آرام کریں اور (بے شک جھوٹی) امید انہیں غفلت میں رکھے عنقریب انہیں (سب کچھ) معلوم ہو جائے گا۔
وَ مَاۤ اَہۡلَکۡنَا مِنۡ قَرۡیَۃٍ اِلَّا وَ لَہَا کِتَابٌ مَّعۡلُوۡمٌ ﴿۴﴾
سید ابو الاعلیٰ مودودی
ہم نے اِس سے پہلے جس بستی کو بھی ہلاک کیا ہے اس کے لیے ایک خاص مہلت عمل لکھی جاچکی تھی
Tafheem-ul-Quran - Maududi
Whenever We destroyed a town, a definite term had previously been decreed for it. 4
مولانا محمد جوناگڑھی
کسی بستی کو ہم نے ہلاک نہیں کیا مگر یہ کہ اس کے لیے مقرره نوشتہ تھا
فتح محمد جالندھری
اور ہم نے کوئی بستی ہلاک نہیں کی۔ مگر اس کا وقت مرقوم ومعین تھا
احمد رضا خان بریلوی
اور جو بستی ہم نے ہلاک کی اس کا ایک جانا ہوا نوشتہ تھا
علامہ محمد حسین نجفی
اور ہم نے کبھی کوئی بستی ہلاک نہیں کی مگر یہ کہ اس کے لئے وقتِ معلوم لکھا ہوا تھا۔
مَا تَسۡبِقُ مِنۡ اُمَّۃٍ اَجَلَہَا وَ مَا یَسۡتَاۡخِرُوۡنَ ﴿۵﴾
سید ابو الاعلیٰ مودودی
کوئی قوم نہ اپنے وقت مقرر سے پہلے ہلاک ہوسکتی ہے، نہ اُس کے بعد چھوٹ سکتی ہے
Tafheem-ul-Quran - Maududi
No people can outstrip the term for its destruction nor can it delay it. 5
مولانا محمد جوناگڑھی
کوئی گروه اپنی موت سے نہ آگے بڑھتا ہے نہ پیچھے رہتا ہے
فتح محمد جالندھری
کوئی جماعت اپنی مدت (وفات) سے نہ آگے نکل سکتی ہے نہ پیچھے رہ سکتی ہے
احمد رضا خان بریلوی
کو ئی گروہ اپنے وعدہ سے آگے نہ بڑھے نہ پیچھے ہٹے،
علامہ محمد حسین نجفی
کوئی قوم اپنے مقررہ وقت سے نہ آگے بڑھ سکتی ہے اور نہ پیچھے ہٹ سکتی ہے۔
وَ قَالُوۡا یٰۤاَیُّہَا الَّذِیۡ نُزِّلَ عَلَیۡہِ الذِّکۡرُ اِنَّکَ لَمَجۡنُوۡنٌ ؕ﴿۶﴾
سید ابو الاعلیٰ مودودی
یہ لوگ کہتے ہیں "اے وہ شخص جس پر ذکر نازل ہوا ہے، تو یقیناً دیوانہ ہے
Tafheem-ul-Quran - Maududi
They say: "O you to whom the Admonition has been revealed, you are surely crazed. 6
مولانا محمد جوناگڑھی
انہوں نے کہا کہ اے وه شخص جس پر قرآن اتارا گیا ہے یقیناً تو تو کوئی دیوانہ ہے
فتح محمد جالندھری
اور کفار کہتے ہیں کہ اے شخص جس پر نصیحت (کی کتاب) نازل ہوئی ہے تُو تو دیوانہ ہے
احمد رضا خان بریلوی
اور بولے کہ اے وہ جن پر قرآن اترا بیشک مجنون ہو
علامہ محمد حسین نجفی
اور وہ (کفار) کہتے ہیں: اے وہ جس پر ذکر (قرآن) اتارا گیا ہے یقینا تم دیوانہ ہو۔
لَوۡ مَا تَاۡتِیۡنَا بِالۡمَلٰٓئِکَۃِ اِنۡ کُنۡتَ مِنَ الصّٰدِقِیۡنَ ﴿۷﴾
سید ابو الاعلیٰ مودودی
اگر تو سچا ہے تو ہمارے سامنے فرشتوں کو لے کیوں نہیں آتا؟"
Tafheem-ul-Quran - Maududi
Why do you not bring down angels upon us if you are indeed truthful?" 7
مولانا محمد جوناگڑھی
اگر تو سچا ہی ہے تو ہمارے پاس فرشتوں کو کیوں نہیں ﻻتا
فتح محمد جالندھری
اگر تو سچا ہے تو ہمارے پاس فرشتوں کو کیوں نہیں لے آتا
احمد رضا خان بریلوی
ہمارے پاس فرشتے کیوں نہیں لاتے اگر تم سچے ہو
علامہ محمد حسین نجفی
اگر تم سچے ہو تو پھر ہمارے پاس فرشتوں کو کیوں نہیں لے آتے؟
مَا نُنَزِّلُ الۡمَلٰٓئِکَۃَ اِلَّا بِالۡحَقِّ وَ مَا کَانُوۡۤا اِذًا مُّنۡظَرِیۡنَ ﴿۸﴾
سید ابو الاعلیٰ مودودی
ہم فرشتوں کو یوں ہی نہیں اتار دیا کرتے وہ جب اترتے ہیں تو حق کے ساتھ اترتے ہیں، اور پھر لوگوں کو مہلت نہیں دی جاتی
Tafheem-ul-Quran - Maududi
We do not send down the angels (in frivolity); and when We do send them down, We do so with Truth; then people are granted no respite. 8
مولانا محمد جوناگڑھی
ہم فرشتوں کو حق کے ساتھ ہی اتارتے ہیں اور اس وقت وه مہلت دیئے گئے نہیں ہوتے
فتح محمد جالندھری
(کہہ دو) ہم فرشتوں کو نازل نہیں کیا کرتے مگر حق کے ساتھ اور اس وقت ان کو مہلت نہیں ملتی
احمد رضا خان بریلوی
ہم فرشتے بیکار نہیں اتارتے اور وہ اتریں تو انہیں مہلت نہ ملے
علامہ محمد حسین نجفی
ہم فرشتوں کو نہیں اتارتے مگر (صحیح موقع پر فیصلہ) حق کے ساتھ اور پھر لوگوں کو مہلت نہیں دی جاتی۔
اِنَّا نَحۡنُ نَزَّلۡنَا الذِّکۡرَ وَ اِنَّا لَہٗ لَحٰفِظُوۡنَ ﴿۹﴾
سید ابو الاعلیٰ مودودی
رہا یہ ذکر، تو اِس کو ہم نے نازل کیا ہے اور ہم خود اِس کے نگہبان ہیں
Tafheem-ul-Quran - Maududi
As for the Admonition, indeed it is We Who have revealed it and it is indeed We Who are its guardians. 9
مولانا محمد جوناگڑھی
ہم نے ہی اس قرآن کو نازل فرمایا ہے اور ہم ہی اس کے محافﻆ ہیں
فتح محمد جالندھری
بےشک یہ (کتاب) نصیحت ہمیں نے اُتاری ہے اور ہم ہی اس کے نگہبان ہیں
احمد رضا خان بریلوی
بیشک ہم نے اتارا ہے یہ قرآن اور بیشک ہم خود اس کے نگہبان ہیں
علامہ محمد حسین نجفی
بے شک ہم نے ہی ذکر (قرآن) اتارا ہے اور ہم ہی اس کے محافظ ہیں۔
وَ لَقَدۡ اَرۡسَلۡنَا مِنۡ قَبۡلِکَ فِیۡ شِیَعِ الۡاَوَّلِیۡنَ ﴿۱۰﴾
سید ابو الاعلیٰ مودودی
اے محمدؐ، ہم تم سے پہلے بہت سی گزری ہوئی قوموں میں رسول بھیج چکے ہیں
Tafheem-ul-Quran - Maududi
(O Muhammad), certainly We did send Messengers before you among the nations which have gone by. 10
مولانا محمد جوناگڑھی
ہم نے آپ سے پہلے اگلی امتوں میں بھی اپنے رسول (برابر) بھیجے
فتح محمد جالندھری
اور ہم نے تم سے پہلے لوگوں میں بھی پیغمبر بھیجے تھے
احمد رضا خان بریلوی
اور بیشک ہم نے تم سے پہلے اگلی امتوں میں رسول بھیجے،
علامہ محمد حسین نجفی
اور ہم نے آپ سے پہلے مختلف جماعتوں میں رسول بھیجے۔
وَ مَا یَاۡتِیۡہِمۡ مِّنۡ رَّسُوۡلٍ اِلَّا کَانُوۡا بِہٖ یَسۡتَہۡزِءُوۡنَ ﴿۱۱﴾
سید ابو الاعلیٰ مودودی
کبھی ایسا نہیں ہوا کہ اُن کہ پاس کوئی رسول آیا ہو اور اُنہوں نے اُس کا مذاق نہ اڑایا ہو
Tafheem-ul-Quran - Maududi
And whenever a Messenger came to them, they never failed to mock him. 11
مولانا محمد جوناگڑھی
اور (لیکن) جو بھی رسول آتا وه اس کا مذاق اڑاتے
فتح محمد جالندھری
اور اُن کے پاس کوئی پیغمبر نہیں آتا تھا مگر وہ اُس کے ساتھ استہزاء کرتے تھے
احمد رضا خان بریلوی
اور ان کے پاس کوئی رسول نہیں آتا مگر اس سے ہنسی کرتے ہیں
علامہ محمد حسین نجفی
اور ان کے پاس کوئی ایسا رسول نہیں آیا جس کے ساتھ انہوں نے مذاق نہ کیا ہو۔
کَذٰلِکَ نَسۡلُکُہٗ فِیۡ قُلُوۡبِ الۡمُجۡرِمِیۡنَ ﴿ۙ۱۲﴾
سید ابو الاعلیٰ مودودی
مجرمین کے دلوں میں تو ہم اس ذکر کو اِسی طرح (سلاخ کے مانند) گزارتے ہیں
Tafheem-ul-Quran - Maududi
Even so We make a way for it (that is, the Admonition) in the hearts of the culprits (like a hot rod); 12
مولانا محمد جوناگڑھی
گناه گاروں کے دلوں میں ہم اسی طرح یہی رچا دیا کرتے ہیں
فتح محمد جالندھری
اسی طرح ہم اس (تکذیب وضلال) کو گنہگاروں کے دلوں میں داخل کر دیتے ہیں
احمد رضا خان بریلوی
ایسے ہی ہم اس ہنسی کو ان مجرموں کے دلوں میں راہ دیتے ہیں،
علامہ محمد حسین نجفی
اسی طرح ہم اس (ذکر) کو مجرموں کے دلوں میں ڈال دیتے ہیں۔
لَا یُؤۡمِنُوۡنَ بِہٖ وَ قَدۡ خَلَتۡ سُنَّۃُ الۡاَوَّلِیۡنَ ﴿۱۳﴾
سید ابو الاعلیٰ مودودی
وہ اِس پر ایمان نہیں لایا کرتے قدیم سے اِس قماش کے لوگوں کا یہی طریقہ چلا آ رہا ہے
Tafheem-ul-Quran - Maududi
they do not believe in it. This has been the wont of people of this kind from ancient times. 13
مولانا محمد جوناگڑھی
وه اس پر ایمان نہیں ﻻتے اور یقیناً اگلوں کا طریقہ گزرا ہوا ہے
فتح محمد جالندھری
سو وہ اس پر ایمان نہیں لاتے اور پہلوں کی روش بھی یہی رہی ہے
احمد رضا خان بریلوی
وہ اس پر ایمان نہیں لاتے اور اگلوں کی راہ پڑچکی ہے
علامہ محمد حسین نجفی
(مگر) وہ اس (ذکر) پر ایمان نہیں لاتے اور جو پہلے گزر چکے ہیں ان کا طریقہ بھی یہی رہ چکا ہے۔
وَ لَوۡ فَتَحۡنَا عَلَیۡہِمۡ بَابًا مِّنَ السَّمَآءِ فَظَلُّوۡا فِیۡہِ یَعۡرُجُوۡنَ ﴿ۙ۱۴﴾
سید ابو الاعلیٰ مودودی
اگر ہم اُن پر آسمان کا کوئی دروازہ کھول دیتے اور وہ دن دہاڑے اُس میں چڑھنے بھی لگتے
Tafheem-ul-Quran - Maududi
If We were even to open for them a way to the heavens, and they could continually climb up to it in broad daylight, 14
مولانا محمد جوناگڑھی
اور اگر ہم ان پر آسمان کا دروازه کھول بھی دیں اور یہ وہاں چڑھنے بھی لگ جائیں
فتح محمد جالندھری
اوراگر ہم آسمان کا کوئی دروازہ اُن پر کھول دیں اور وہ اس میں چڑھنے بھی لگیں
احمد رضا خان بریلوی
اور اگر ہم ان کے لیے آسمان میں کوئی دروازہ کھول دیں کہ دن کو اس میں چڑھتے،
علامہ محمد حسین نجفی
اور اگر ہم ان پر آسمان کا ایک دروازہ کھول دیں جس سے وہ دن دہاڑے چڑھنے لگیں۔
لَقَالُوۡۤا اِنَّمَا سُکِّرَتۡ اَبۡصَارُنَا بَلۡ نَحۡنُ قَوۡمٌ مَّسۡحُوۡرُوۡنَ ﴿٪۱۵﴾
سید ابو الاعلیٰ مودودی
تب بھی وہ یہی کہتے کہ ہماری آنکھوں کو دھوکا ہو رہا ہے، بلکہ ہم پر جادو کر دیا گیا ہے
Tafheem-ul-Quran - Maududi
they would still have said: "Surely our eyes have been dazzled; rather, we have been enchanted." 15
مولانا محمد جوناگڑھی
تب بھی یہی کہیں گے کہ ہماری نظر بندی کر دی گئی ہے بلکہ ہم لوگوں پر جادو کر دیا گیا ہے
فتح محمد جالندھری
تو بھی یہی کہیں کہ ہماری آنکھیں مخمور ہوگئی ہیں بلکہ ہم پر جادو کر دیا گیا ہے
احمد رضا خان بریلوی
جب بھی یہی کہتے کہ ہماری نگاہ باندھ دی گئی ہے بلکہ ہم پر جادو ہوا ہے
علامہ محمد حسین نجفی
تو پھر بھی وہ یہی کہیں گے کہ ہماری آنکھوں کو مدہوش کر دیا گیا ہے بلکہ ہم پر جادو کر دیا گیا ہے۔
وَ لَقَدۡ جَعَلۡنَا فِی السَّمَآءِ بُرُوۡجًا وَّ زَیَّنّٰہَا لِلنّٰظِرِیۡنَ ﴿ۙ۱۶﴾
سید ابو الاعلیٰ مودودی
یہ ہماری کار فرمائی ہے کہ آسمان میں ہم نے بہت سے مضبوط قلعے بنائے، اُن کو دیکھنے والوں کے لیے مزین کیا
Tafheem-ul-Quran - Maududi
We have indeed set constellations in the heavens and have beautified them for the beholders, 16
مولانا محمد جوناگڑھی
یقیناً ہم نے آسمان میں برج بنائے ہیں اور دیکھنے والوں کے لیے اسے سجا دیا گیا ہے
فتح محمد جالندھری
اور ہم ہی نے آسمان میں برج بنائے اور دیکھنے والوں کے لیے اُس کو سجا دیا
احمد رضا خان بریلوی
اور بیشک ہم نے آسمان میں برج بنائے اور اسے دیکھنے والو ں کے لیے آراستہ کیا
علامہ محمد حسین نجفی
اور بے شک ہم نے آسمان میں بہت سے برج بنا دیئے اور اس (آسمان) کو دیکھنے والوں کے لئے آراستہ کر دیا ہے۔
وَ حَفِظۡنٰہَا مِنۡ کُلِّ شَیۡطٰنٍ رَّجِیۡمٍ ﴿ۙ۱۷﴾
سید ابو الاعلیٰ مودودی
اور ہر شیطان مردود سے ان کو محفوظ کر دیا
Tafheem-ul-Quran - Maududi
and have protected them against every accursed satan 17
مولانا محمد جوناگڑھی
اور اسے ہر مردود شیطان سے محفوظ رکھا ہے
فتح محمد جالندھری
اور ہر شیطان راندہٴ درگاہ سے اُسے محفوظ کر دیا
احمد رضا خان بریلوی
اور اسے ہم نے ہر شیطان مردود سے محفوظ رکھا
علامہ محمد حسین نجفی
اور ہم نے اسے ہر مردود شیطان سے محفوظ کر دیا۔
اِلَّا مَنِ اسۡتَرَقَ السَّمۡعَ فَاَتۡبَعَہٗ شِہَابٌ مُّبِیۡنٌ ﴿۱۸﴾
سید ابو الاعلیٰ مودودی
کوئی شیطان ان میں راہ نہیں پا سکتا، الا یہ کہ کچھ سن گن لے لے اور جب وہ سن گن لینے کی کوشش کرتا ہے تو ایک شعلہ روشن اُس کا پیچھا کرتا ہے
Tafheem-ul-Quran - Maududi
save him who may eavesdrop, and then a bright flame pursues him. 18
مولانا محمد جوناگڑھی
ہاں مگر جو چوری چھپے سننے کی کوشش کرے اس کے پیچھے دہکتا ہوا (کھلا شعلہ) لگتا ہے
فتح محمد جالندھری
ہاں اگر کوئی چوری سے سننا چاہے تو چمکتا ہوا انگارہ اس کے پیچھے لپکتا ہے
احمد رضا خان بریلوی
مگر جو چوری چھپے سننے جائے تو اس کے پیچھے پڑتا ہے روشن شعلہ
علامہ محمد حسین نجفی
مگر یہ کہ کوئی (شیطان) چوری چھپے کچھ سن لے تو (اس صورت میں) ایک چمکتا ہوا شعلہ اس کا پیچھا کرتا ہے۔
وَ الۡاَرۡضَ مَدَدۡنٰہَا وَ اَلۡقَیۡنَا فِیۡہَا رَوَاسِیَ وَ اَنۡۢبَتۡنَا فِیۡہَا مِنۡ کُلِّ شَیۡءٍ مَّوۡزُوۡنٍ ﴿۱۹﴾
سید ابو الاعلیٰ مودودی
ہم نے زمین کو پھیلایا، اُس میں پہاڑ جمائے، اس میں ہر نوع کی نباتات ٹھیک ٹھیک نپی تلی مقدار کے ساتھ اگائی
Tafheem-ul-Quran - Maududi
As for the earth, We have stretched it out and have cast on it firm mountains, and have caused to grow in it everything well-measured. 19
مولانا محمد جوناگڑھی
اور زمین کو ہم نے پھیلا دیا ہے اور اس پر (اٹل) پہاڑ ڈال دیئے ہیں، اور اس میں ہم نے ہر چیز ایک معین مقدار سے اگا دی ہے
فتح محمد جالندھری
اور زمین کو بھی ہم ہی نے پھیلایا اور اس پر پہاڑ (بنا کر) رکھ دیئے اور اس میں ہر ایک سنجیدہ چیز اُگائی
احمد رضا خان بریلوی
اور ہم نے زمین پھیلائی اور اس میں لنگر ڈالے اور اس میں ہر چیز اندازے سے اگائی،
علامہ محمد حسین نجفی
اور ہم نے زمین کو پھیلا دیا اور اس میں پہاڑ گاڑ دیے اور اس میں ہر قسم کی چیزیں نپی تلی اگائیں۔
وَ جَعَلۡنَا لَکُمۡ فِیۡہَا مَعَایِشَ وَ مَنۡ لَّسۡتُمۡ لَہٗ بِرٰزِقِیۡنَ ﴿۲۰﴾
سید ابو الاعلیٰ مودودی
اور اس میں معیشت کے اسباب فراہم کیے، تمہارے لیے بھی اور اُن بہت سی مخلوقات کے لیے بھی جن کے رازق تم نہیں ہو
Tafheem-ul-Quran - Maududi
And We have provided sustenance for you on it and also for those of whom you are not the providers. 20
مولانا محمد جوناگڑھی
اور اسی میں ہم نے تمہاری روزیاں بنا دی ہیں اور جنہیں تم روزی دینے والے نہیں ہو
فتح محمد جالندھری
اور ہم ہی نے تمہارے لیے اور ان لوگوں کے لیے جن کو تم روزی نہیں دیتے اس میں معاش کے سامان پیدا کئے
احمد رضا خان بریلوی
اور تمہارے لیے اس میں روزیاں کردیں اور وہ کردیے جنہیں تم رزق نہیں دیتے
علامہ محمد حسین نجفی
اور ہم نے اس میں تمہارے لئے بھی معاش کے وسائل بنائے اور ان کیلئے بھی جن کے روزی رساں تم نہیں ہو۔
وَ اِنۡ مِّنۡ شَیۡءٍ اِلَّا عِنۡدَنَا خَزَآئِنُہٗ ۫ وَ مَا نُنَزِّلُہٗۤ اِلَّا بِقَدَرٍ مَّعۡلُوۡمٍ ﴿۲۱﴾
سید ابو الاعلیٰ مودودی
کوئی چیز ایسی نہیں جس کے خزانے ہمارے پاس نہ ہوں، اور جس چیز کو بھی ہم نازل کرتے ہیں ایک مقرر مقدار میں نازل کرتے ہیں
Tafheem-ul-Quran - Maududi
There is nothing except that its treasuries are with Us and We do not send it down except in a known measure. 21
مولانا محمد جوناگڑھی
اور جتنی بھی چیزیں ہیں ان سب کے خزانے ہمارے پاس ہیں، اور ہم ہر چیز کو اس کے مقرره انداز سے اتارتے ہیں
فتح محمد جالندھری
اور ہمارے ہاں ہر چیز کے خزانے ہیں اور ہم ان کو بمقدار مناسب اُتارتے رہتے ہیں
احمد رضا خان بریلوی
اور کوئی چیز نہیں جس کے ہمارے پاس خزانے نہ ہوں اور ہم اسے نہیں اتارتے مگر ایک معلوم انداز سے،
علامہ محمد حسین نجفی
اور کوئی چیز ایسی نہیں ہے جس کے خزانے ہمارے پاس نہ ہوں اور ہم اسے نہیں اتارتے مگر ایک معیّن مقدار میں۔
وَ اَرۡسَلۡنَا الرِّیٰحَ لَوَاقِحَ فَاَنۡزَلۡنَا مِنَ السَّمَآءِ مَآءً فَاَسۡقَیۡنٰکُمُوۡہُ ۚ وَ مَاۤ اَنۡتُمۡ لَہٗ بِخٰزِنِیۡنَ ﴿۲۲﴾
سید ابو الاعلیٰ مودودی
بار آور ہواؤں کو ہم ہی بھیجتے ہیں، پھر آسمان سے پانی برساتے ہیں، اور اُس پانی سے تمہیں سیراب کرتے ہیں اِس دولت کے خزانہ دار تم نہیں ہو
Tafheem-ul-Quran - Maududi
We send fertilizing winds, and then cause rain to descend from the sky, providing you abundant water to drink even though you could not have stored it up for yourselves. 22
مولانا محمد جوناگڑھی
اور ہم بھیجتے ہیں بوجھل ہوائیں، پھر آسمان سے پانی برسا کر وه تمہیں پلاتے ہیں اور تم اس کا ذخیره کرنے والے نہیں ہو
فتح محمد جالندھری
اور ہم ہی ہوائیں چلاتے ہیں (جو بادلوں کے پانی سے) بھری ہوئی ہوتی ہیں اور ہم ہی آسمان سے مینہ برساتے ہیں اور ہم ہی تم کو اس کا پانی پلاتے ہیں اور تم تو اس کا خرانہ نہیں رکھتے
احمد رضا خان بریلوی
اور ہم نے ہوائیں بھیجیں بادلوں کو با رور کرنے والیاں تو ہم نے آسمان سے پانی اتارا پھر وہ تمہیں پینے کو دیا اور تم کچھ اس کے خزانچی نہیں
علامہ محمد حسین نجفی
اور ہم ہواؤں کو باردار بنا کر بھیجتے ہیں پھر آسمان سے پانی برساتے ہیں پھر وہ پانی ہم تمہیں پلاتے ہیں حالانکہ تم اسکے خزانہ دار نہیں ہو۔
وَ اِنَّا لَنَحۡنُ نُحۡیٖ وَ نُمِیۡتُ وَ نَحۡنُ الۡوٰرِثُوۡنَ ﴿۲۳﴾
سید ابو الاعلیٰ مودودی
زندگی اور موت ہم دیتے ہیں، اور ہم ہی سب کے وارث ہونے والے ہیں
Tafheem-ul-Quran - Maududi
It is indeed We Who grant life and cause death and it is We who shall be the sole Inheritors of all. 23
مولانا محمد جوناگڑھی
ہم ہی جلاتے اور مارتے ہیں اور ہم ہی (بالﺂخر) وارث ہیں
فتح محمد جالندھری
اور ہم ہی حیات بخشتے اور ہم ہی موت دیتے ہیں۔ اور ہم سب کے وارث (مالک) ہیں
احمد رضا خان بریلوی
اور بیشک ہم ہی جِلائیں اور ہم ہی ماریں اور ہم ہی وارث ہیں
علامہ محمد حسین نجفی
اور بلاشبہ ہم ہی زندہ کرتے ہیں اور ہم ہی مارتے ہیں اور ہم ہی (سب کے) وارث ہیں۔
وَ لَقَدۡ عَلِمۡنَا الۡمُسۡتَقۡدِمِیۡنَ مِنۡکُمۡ وَ لَقَدۡ عَلِمۡنَا الۡمُسۡتَاۡخِرِیۡنَ ﴿۲۴﴾
سید ابو الاعلیٰ مودودی
پہلے جو لوگ تم میں سے ہو گزرے ہیں اُن کو بھی ہم نے دیکھ رکھا ہے، اور بعد کے آنے والے بھی ہماری نگاہ میں ہیں
Tafheem-ul-Quran - Maududi
Surely We know those of you who have passed before and those who will come later. 24
مولانا محمد جوناگڑھی
اور تم میں سے آگے بڑھنے والے اور پیچھے ہٹنے والے بھی ہمارے علم میں ہیں
فتح محمد جالندھری
اور جو لوگ تم میں پہلے گزر چکے ہیں ہم کو معلوم ہیں اور جو پیچھے آنے والے ہیں وہ بھی ہم کو معلوم ہیں
احمد رضا خان بریلوی
اور بیشک ہمیں معلوم ہیں جو تم میں آگے بڑھے اور بیشک ہمیں معلوم ہیں جو تم میں پیچھے رہے،
علامہ محمد حسین نجفی
اور یقیناً ہم ان کو بھی جانتے ہیں جو تم سے پہلے ہو گزرے اور ان کو بھی جانتے ہیں جو بعد میں آنے والے ہیں۔
وَ اِنَّ رَبَّکَ ہُوَ یَحۡشُرُہُمۡ ؕ اِنَّہٗ حَکِیۡمٌ عَلِیۡمٌ ﴿٪۲۵﴾
سید ابو الاعلیٰ مودودی
یقیناً تمہارا رب ان سب کو اکٹھا کرے گا، وہ حکیم بھی ہے اور علیم بھی
Tafheem-ul-Quran - Maududi
Indeed your Lord will gather them all together. Surely He is All-Wise, All-Knowing. 25
مولانا محمد جوناگڑھی
آپ کا رب سب لوگوں کو جمع کرے گا یقیناً وه بڑی حکمتوں واﻻ بڑے علم واﻻ ہے
فتح محمد جالندھری
اور تمہارا پروردگار (قیامت کے دن) ان سب کو جمع کرے گا وہ بڑا دانا (اور) خبردار ہے
احمد رضا خان بریلوی
اور بیشک تمہارا رب ہی تمہیں قیامت میں اٹھائے گا بیشک وہی علم و حکمت والا ہے،
علامہ محمد حسین نجفی
بے شک تمہارا پروردگار (بروزِ قیامت) سب کو جمع کرے گا وہ بڑا حکمت والا، بڑا علم والا ہے۔
وَ لَقَدۡ خَلَقۡنَا الۡاِنۡسَانَ مِنۡ صَلۡصَالٍ مِّنۡ حَمَاٍ مَّسۡنُوۡنٍ ﴿ۚ۲۶﴾
سید ابو الاعلیٰ مودودی
ہم نے انسان کو سٹری ہوئی مٹی کے سوکھے گارے سے بنایا
Tafheem-ul-Quran - Maududi
Surely We brought man into being out of dry ringing clay which was wrought from black mud, 26
مولانا محمد جوناگڑھی
یقیناً ہم نے انسان کو کالی اور سڑی ہوئی کھنکھناتی مٹی سے، پیدا فرمایا ہے
فتح محمد جالندھری
اور ہم نے انسان کو کھنکھناتے سڑے ہوئے گارے سے پیدا کیا ہے
احمد رضا خان بریلوی
اور بیشک ہم نے آدمی کو بجتی ہوئی مٹی سے بنایا جو اصل میں ایک سیاہ بودار گارا تھی، ف۳۳)
علامہ محمد حسین نجفی
اور بلاشبہ ہم نے انسان کو سڑے ہوئے گارے کی کھنکھناتی مٹی سے پیدا کیا ہے۔
وَ الۡجَآنَّ خَلَقۡنٰہُ مِنۡ قَبۡلُ مِنۡ نَّارِ السَّمُوۡمِ ﴿۲۷﴾
سید ابو الاعلیٰ مودودی
اور اُس سے پہلے جنوں کو ہم آگ کی لپٹ سے پیدا کر چکے تھے
Tafheem-ul-Quran - Maududi
while We had brought the jinn into being before out of blazing fire. 27
مولانا محمد جوناگڑھی
اور اس سے پہلے جنات کو ہم نے لو والی آگ سے پیدا کیا
فتح محمد جالندھری
اور جنوں کو اس سے بھی پہلے بےدھوئیں کی آگ سے پیدا کیا تھا
احمد رضا خان بریلوی
اور جِن کو اس سے پہلے بنایا بے دھوئیں کی آگ سے،
علامہ محمد حسین نجفی
اور اس سے پہلے ہم نے جان کو بے دھواں تیز گرم آگ سے پیدا کیا۔
وَ اِذۡ قَالَ رَبُّکَ لِلۡمَلٰٓئِکَۃِ اِنِّیۡ خَالِقٌۢ بَشَرًا مِّنۡ صَلۡصَالٍ مِّنۡ حَمَاٍ مَّسۡنُوۡنٍ ﴿۲۸﴾
سید ابو الاعلیٰ مودودی
پھر یاد کرو اُس موقع کو جب تمہارے رب نے فرشتوں سے کہا کہ "میں سڑی ہوئی مٹی کے سوکھے گارے سے ایک بشر پیدا کر رہا ہوں
Tafheem-ul-Quran - Maududi
Recall when your Lord said to the angels: "I will indeed bring into being a human being out of dry ringing clay wrought from black mud. 28
مولانا محمد جوناگڑھی
اور جب تیرے پروردگار نے فرشتوں سے فرمایا کہ میں ایک انسان کو کالی اور سڑی ہوئی کھنکھناتی مٹی سے پیدا کرنے واﻻ ہوں
فتح محمد جالندھری
اور جب تمہارے پروردگار نے فرشتوں سے فرمایا کہ میں کھنکھناتے سڑے ہوئے گارے سے ایک بشر بنانے والا ہوں
احمد رضا خان بریلوی
اور یاد کرو جب تمہارے رب نے فرشتوں سے فرمایا کہ میں آدمی کو بنانے والا ہوں بجتی مٹی سے جو بدبودار سیاہ گارے سے ہے،
علامہ محمد حسین نجفی
(وہ وقت یاد کرو) جب آپ کے پروردگار نے فرشتوں سے کہا کہ میں سڑے ہوئے گارے کی کھنکھناتی ہوئی مٹی سے ایک بشر پیدا کرنے والا ہوں۔
فَاِذَا سَوَّیۡتُہٗ وَ نَفَخۡتُ فِیۡہِ مِنۡ رُّوۡحِیۡ فَقَعُوۡا لَہٗ سٰجِدِیۡنَ ﴿۲۹﴾
سید ابو الاعلیٰ مودودی
جب میں اُسے پورا بنا چکوں اور اس میں اپنی روح سے کچھ پھونک دوں تو تم سب اس کے آگے سجدے میں گر جانا"
Tafheem-ul-Quran - Maududi
When I have completed shaping him and have breathed into him of My Spirit, then fall you down before him in prostration." 29
مولانا محمد جوناگڑھی
تو جب میں اسے پورا بنا چکوں اور اس میں اپنی روح پھونک دوں تو تم سب اس کے لیے سجدے میں گر پڑنا
فتح محمد جالندھری
جب اس کو (صورت انسانیہ میں) درست کر لوں اور اس میں اپنی (بےبہا چیز یعنی) روح پھونک دوں تو اس کے آگے سجدے میں گر پڑنا
احمد رضا خان بریلوی
تو جب میں اسے ٹھیک کرلوں اور اور میں اپنی طرف کی خاص معز ز ر وح پھونک دوں تو اس کے لیے سجدے میں گر پڑنا،
علامہ محمد حسین نجفی
پس جب میں اسے مکمل کر لوں اور اس میں اپنی (خاص) روح پھونک دوں تو تم اس کے سامنے سجدہ میں گر جاؤ۔
فَسَجَدَ الۡمَلٰٓئِکَۃُ کُلُّہُمۡ اَجۡمَعُوۡنَ ﴿ۙ۳۰﴾
سید ابو الاعلیٰ مودودی
چنانچہ تمام فرشتوں نے سجدہ کیا
Tafheem-ul-Quran - Maududi
So, the angels - all of them - fell down in prostration, 30
مولانا محمد جوناگڑھی
چنانچہ تمام فرشتوں نے سب کے سب نے سجده کر لیا
فتح محمد جالندھری
تو فرشتے تو سب کے سب سجدے میں گر پڑے
احمد رضا خان بریلوی
تو جتنے فرشتے تھے سب کے سب سجدے میں گرے،
علامہ محمد حسین نجفی
چنانچہ سب فرشتوں نے سجدہ کیا۔
اِلَّاۤ اِبۡلِیۡسَ ؕ اَبٰۤی اَنۡ یَّکُوۡنَ مَعَ السّٰجِدِیۡنَ ﴿۳۱﴾
سید ابو الاعلیٰ مودودی
سوائے ابلیس کے کہ اُس نے سجدہ کرنے والوں کا ساتھ دینے سے انکار کر دیا
Tafheem-ul-Quran - Maududi
except Iblis; he refused to join those who prostrated. 31
مولانا محمد جوناگڑھی
مگر ابلیس کے۔ کہ اس نے سجده کرنے والوں میں شمولیت کرنے سے (صاف) انکار کر دیا
فتح محمد جالندھری
مگر شیطان کہ اس نے سجدہ کرنے والوں کے ساتھ ہونے سے انکار کر دیا
احمد رضا خان بریلوی
سوا ابلیس کے، اس نے سجدہ والوں کا ساتھ نہ مانا
علامہ محمد حسین نجفی
سوائے ابلیس کے کہ اس نے سجدہ کرنے والوں کے ساتھ ہونے سے انکار کیا۔
قَالَ یٰۤـاِبۡلِیۡسُ مَا لَکَ اَلَّا تَکُوۡنَ مَعَ السّٰجِدِیۡنَ ﴿۳۲﴾
سید ابو الاعلیٰ مودودی
رب نے پوچھا "اے ابلیس، تجھے کیا ہوا کہ تو نے سجدہ کرنے والوں کا ساتھ نہ دیا؟
Tafheem-ul-Quran - Maududi
The Lord inquired: "Iblis! What is the matter with you that you did not join those who prostrated?" 32
مولانا محمد جوناگڑھی
(اللہ تعالیٰ نے) فرمایا اے ابلیس تجھے کیا ہوا کہ تو سجده کرنے والوں میں شامل نہ ہوا؟
فتح محمد جالندھری
(خدا نے فرمایا) کہ ابلیس! تجھے کیا ہوا کہ تو سجدہ کرنے والوں میں شامل نہ ہوا
احمد رضا خان بریلوی
فرمایا اے ابلیس تجھے کیا ہوا کہ سجدہ کرنے والوں سے الگ رہا،
علامہ محمد حسین نجفی
ارشاد ہوا: اے ابلیس! تجھے کیا ہوا کہ تو نے سجدہ کرنے والوں کا ساتھ نہ دیا؟
قَالَ لَمۡ اَکُنۡ لِّاَسۡجُدَ لِبَشَرٍ خَلَقۡتَہٗ مِنۡ صَلۡصَالٍ مِّنۡ حَمَاٍ مَّسۡنُوۡنٍ ﴿۳۳﴾
سید ابو الاعلیٰ مودودی
اس نے کہا "میرا یہ کام نہیں ہے کہ میں اِس بشر کو سجدہ کروں جسے تو نے سڑی ہوئی مٹی کے سوکھے گارے سے پیدا کیا ہے"
Tafheem-ul-Quran - Maududi
He said: "It does not behove of me to prostrate myself before a human being whom You have created out of dry ringing clay wrought from black mud." 33
مولانا محمد جوناگڑھی
وه بوﻻ کہ میں ایسا نہیں کہ اس انسان کو سجده کروں جسے تو نے کالی اور سڑی ہوئی کھنکھناتی مٹی سے پیدا کیا ہے
فتح محمد جالندھری
(اس نے) کہا کہ میں ایسا نہیں ہوں کہ انسان کو جس کو تو نے کھنکھناتے سڑے ہوئے گارے سے بنایا ہے سجدہ کروں
احمد رضا خان بریلوی
بولا مجھے زیبا نہیں کہ بشر کو سجدہ کروں جسے تو نے بجتی مٹی سے بنایا جو سیاہ بودار گارے سے تھی،
علامہ محمد حسین نجفی
اس نے کہا میں ایسا نہیں ہوں کہ ایسے بشر کو سجدہ کروں جسے تو نے سڑے ہوئے گارے کی کھنکھناتی ہوئی مٹی سے پیدا کیا ہے۔
قَالَ فَاخۡرُجۡ مِنۡہَا فَاِنَّکَ رَجِیۡمٌ ﴿ۙ۳۴﴾
سید ابو الاعلیٰ مودودی
رب نے فرمایا "اچھا تو نکل جا یہاں سے کیونکہ تو مردود ہے
Tafheem-ul-Quran - Maududi
The Lord said: "Then get out of here; you are rejected, 34
مولانا محمد جوناگڑھی
فرمایا اب تو بہشت سے نکل جا کیوں کہ تو رانده درگاه ہے
فتح محمد جالندھری
(خدا نے) فرمایا یہاں سے نکل جا۔ تو مردود ہے
احمد رضا خان بریلوی
فرمایا تو جنت سے نکل جا کہ تو مردود ہے،
علامہ محمد حسین نجفی
ارشاد ہوا (یہاں سے) نکل جا کہ تو مردود (راندہ ہوا) ہے۔
وَّ اِنَّ عَلَیۡکَ اللَّعۡنَۃَ اِلٰی یَوۡمِ الدِّیۡنِ ﴿۳۵﴾
سید ابو الاعلیٰ مودودی
اور اب روز جزا تک تجھ پر لعنت ہے"
Tafheem-ul-Quran - Maududi
and there shall be a curse upon you till the Day of Recompense." 35
مولانا محمد جوناگڑھی
اور تجھ پر میری پھٹکار ہے قیامت کے دن تک
فتح محمد جالندھری
اور تجھ پر قیامت کے دن تک لعنت (برسے گی)
احمد رضا خان بریلوی
اور بیشک قیامت تک تجھ پر لعنت ہے
علامہ محمد حسین نجفی
اور روزِ جزا (قیامت) تک تجھ پر لعنت ہے۔
قَالَ رَبِّ فَاَنۡظِرۡنِیۡۤ اِلٰی یَوۡمِ یُبۡعَثُوۡنَ ﴿۳۶﴾
سید ابو الاعلیٰ مودودی
اُس نے عرض کیا "میرے رب، یہ بات ہے تو پھر مجھے اُس روز تک کے لیے مہلت دے جبکہ سب انسان دوبارہ اٹھائے جائیں گے"
Tafheem-ul-Quran - Maududi
Iblis said: "My Lord! Grant me respite till the Day when they will be resurrected." 36
مولانا محمد جوناگڑھی
کہنے لگا کہ اے میرے رب! مجھے اس دن تک کی ڈھیل دے کہ لوگ دوباره اٹھا کھڑے کیے جائیں
فتح محمد جالندھری
(اس نے) کہا کہ پروردگار مجھے اس دن تک مہلت دے جب لوگ (مرنے کے بعد) زندہ کئے جائیں گے
احمد رضا خان بریلوی
بولا اے میرے رب تو مجھے مہلت دے اس دن تک کہ وہ اٹھائے جائیں
علامہ محمد حسین نجفی
اس نے کہا کہ اے میرے رب! مجھے اس دن تک مہلت دے جب لوگ دوبارہ اٹھائے جائیں گے۔
قَالَ فَاِنَّکَ مِنَ الۡمُنۡظَرِیۡنَ ﴿ۙ۳۷﴾
سید ابو الاعلیٰ مودودی
فرمایا "اچھا، تجھے مہلت ہے
Tafheem-ul-Quran - Maududi
Allah said: "For sure you are granted respite 37
مولانا محمد جوناگڑھی
فرمایا کہ اچھا تو ان میں سے ہے جنہیں مہلت ملی ہے
فتح محمد جالندھری
فرمایا کہ تجھے مہلت دی جاتی ہے
احمد رضا خان بریلوی
فرمایا تو ان میں سے ہے جن کو اس معلوم،
علامہ محمد حسین نجفی
فرمایا بے شک تو مہلت پانے والوں میں سے ہے۔
اِلٰی یَوۡمِ الۡوَقۡتِ الۡمَعۡلُوۡمِ ﴿۳۸﴾
سید ابو الاعلیٰ مودودی
اُس دن تک جس کا وقت ہمیں معلوم ہے"
Tafheem-ul-Quran - Maududi
until the day of a known time." 38
مولانا محمد جوناگڑھی
روز مقرر کے وقت تک کی
فتح محمد جالندھری
وقت مقرر (یعنی قیامت) کے دن تک
احمد رضا خان بریلوی
وقت کے دن تک مہلت ہے،
علامہ محمد حسین نجفی
(جنہیں) وقتِ معلوم تک مہلت دی گئی ہے۔
قَالَ رَبِّ بِمَاۤ اَغۡوَیۡتَنِیۡ لَاُزَیِّنَنَّ لَہُمۡ فِی الۡاَرۡضِ وَ لَاُغۡوِیَنَّہُمۡ اَجۡمَعِیۡنَ ﴿ۙ۳۹﴾
سید ابو الاعلیٰ مودودی
وہ بولا "میرے رب، جیسا تو نے مجھے بہکایا اُسی طرح اب میں زمین میں اِن کے لیے دل فریبیاں پیدا کر کے اِن سب کو بہکا دوں گا
Tafheem-ul-Quran - Maududi
Iblis said: "My Lord! In the manner You led me to error, I will make things on earth seem attractive to them and lead all of them to error, 39
مولانا محمد جوناگڑھی
(شیطان نے) کہا کہ اے میرے رب! چونکہ تو نے مجھے گمراه کیا ہے مجھے بھی قسم ہے کہ میں بھی زمین میں ان کے لئے معاصی کو مزین کروں گا اور ان سب کو بہکاؤں گا بھی
فتح محمد جالندھری
(اس نے) کہا کہ پروردگار جیسا تونے مجھے رستے سے الگ کیا ہے میں بھی زمین میں لوگوں کے لیے (گناہوں) کو آراستہ کر دکھاؤں گا اور سب کو بہکاؤں گا
احمد رضا خان بریلوی
بولا اے رب میرے! قسم اس کی کہ تو نے مجھے گمراہ کیا میں انہیں زمین میں بھلاوے دوں گا اور ضرور میں ان سب کو بے راہ کروں گا
علامہ محمد حسین نجفی
اس نے کہا اے میرے رب! چونکہ تو نے مجھے گمراہ کیا ہے تو میں بھی زمین میں ان (بندوں) کے لئے گناہوں کو خوشنما بناؤں گا اور سب کو گمراہ کروں گا۔
اِلَّا عِبَادَکَ مِنۡہُمُ الۡمُخۡلَصِیۡنَ ﴿۴۰﴾
سید ابو الاعلیٰ مودودی
سوائے تیرے اُن بندوں کے جنہیں تو نے اِن میں سے خالص کر لیا ہو"
Tafheem-ul-Quran - Maududi
except those of Your servants whom You have singled out for Yourself." 40
مولانا محمد جوناگڑھی
سوائے تیرے ان بندوں کے جو منتخب کر لیے گئے ہیں
فتح محمد جالندھری
ہاں ان میں جو تیرے مخلص بندے ہیں (ان پر قابو چلنا مشکل ہے)
احمد رضا خان بریلوی
مگر جو ان میں تیرے چنے ہوئے بندے ہیں،
علامہ محمد حسین نجفی
سوائے تیرے مخلص بندوں کے۔
قَالَ ہٰذَا صِرَاطٌ عَلَیَّ مُسۡتَقِیۡمٌ ﴿۴۱﴾
سید ابو الاعلیٰ مودودی
فرمایا "یہ راستہ ہے جو سیدھا مجھ تک پہنچتا ہے
Tafheem-ul-Quran - Maududi
Allah said: "Here is the path that leads straight to Me. 41
مولانا محمد جوناگڑھی
ارشاد ہوا کہ ہاں یہی مجھ تک پہنچنے کی سیدھی راه ہے
فتح محمد جالندھری
(خدا نے) فرمایا کہ مجھ تک (پہنچنے کا) یہی سیدھا رستہ ہے
احمد رضا خان بریلوی
فرمایا یہ راستہ سیدھا میری طرف آتا ہے،
علامہ محمد حسین نجفی
فرمایا یہ سیدھا راستہ ہے مجھ تک پہنچنے والا۔
اِنَّ عِبَادِیۡ لَیۡسَ لَکَ عَلَیۡہِمۡ سُلۡطٰنٌ اِلَّا مَنِ اتَّبَعَکَ مِنَ الۡغٰوِیۡنَ ﴿۴۲﴾
سید ابو الاعلیٰ مودودی
بے شک، جو میرے حقیقی بندے ہیں ان پر تیرا بس نہ چلے گا تیرا بس تو صرف اُن بہکے ہوئے لوگوں ہی پر چلے گا جو تیری پیروی کریں
Tafheem-ul-Quran - Maududi
Over My true servants you will be able to exercise no power, your power will be confined to the erring ones, those who choose to follow you. 42
مولانا محمد جوناگڑھی
میرے بندوں پر تجھے کوئی غلبہ نہیں، لیکن ہاں جو گمراه لوگ تیری پیروی کریں
فتح محمد جالندھری
جو میرے (مخلص) بندے ہیں ان پر تجھے کچھ قدرت نہیں (کہ ان کو گناہ میں ڈال سکے) ہاں بد راہوں میں سے جو تیرے پیچھے چل پڑے
احمد رضا خان بریلوی
بیشک میرے بندوں پر تیرا کچھ قابو نہیں سوا ان گمراہوں کے جو تیرا ساتھ دیں،
علامہ محمد حسین نجفی
جو میرے خاص بندے ہیں ان پر تیرا کوئی قابو نہ ہوگا سوائے ان گمراہوں کے جو تیری پیروی کریں گے۔
وَ اِنَّ جَہَنَّمَ لَمَوۡعِدُہُمۡ اَجۡمَعِیۡنَ ﴿۟ۙ۴۳﴾
سید ابو الاعلیٰ مودودی
اور ان سب کے لیے جہنم کی وعید ہے"
Tafheem-ul-Quran - Maududi
Surely Hell is the promised place for all of them." 43
مولانا محمد جوناگڑھی
یقیناً ان سب کے وعدے کی جگہ جہنم ہے
فتح محمد جالندھری
اور ان سب کے وعدے کی جگہ جہنم ہے
احمد رضا خان بریلوی
اور بیشک جہنم ان سب کا وعدہ ہے،
علامہ محمد حسین نجفی
اور بے شک جہنم ان سب کی وعدہ گاہ ہے۔
لَہَا سَبۡعَۃُ اَبۡوَابٍ ؕ لِکُلِّ بَابٍ مِّنۡہُمۡ جُزۡءٌ مَّقۡسُوۡمٌ ﴿٪۴۴﴾
سید ابو الاعلیٰ مودودی
یہ جہنم (جس کی وعید پیروان ابلیس کے لیے کی گئی ہے) اس کے سات دروازے ہیں ہر دروازے کے لیے اُن میں سے ایک حصہ مخصوص کر دیا گیا ہے
Tafheem-ul-Quran - Maududi
There are seven gates in it, and to each gate a portion of them has been allotted. 44
مولانا محمد جوناگڑھی
جس کے سات دروازے ہیں۔ ہر دروازے کے لیے ان کا ایک حصہ بٹا ہوا ہے
فتح محمد جالندھری
اس کے سات دروازے ہیں۔ ہر ایک دروازے کے لیے ان میں سے جماعتیں تقسیم کردی گئی ہیں
احمد رضا خان بریلوی
اس کے سات دروازے ہیں، ہر دروازے کے لیے ان میں سے ایک حصہ بٹا ہوا ہے،
علامہ محمد حسین نجفی
اس کے سات دروازے ہیں (اور) ہر دروازے کے لئے ان (لوگوں) میں سے ایک حصہ ہے۔
اِنَّ الۡمُتَّقِیۡنَ فِیۡ جَنّٰتٍ وَّ عُیُوۡنٍ ﴿ؕ۴۵﴾
سید ابو الاعلیٰ مودودی
بخلاف اِس کے متقی لوگ باغوں اور چشموں میں ہوں گے
Tafheem-ul-Quran - Maududi
As for the God-fearing, they shall be amid gardens and springs. 45
مولانا محمد جوناگڑھی
پرہیزگار جنتی لوگ باغوں اور چشموں میں ہوں گے
فتح محمد جالندھری
جو متقی ہیں وہ باغوں اور چشموں میں ہوں گے
احمد رضا خان بریلوی
بیشک ڈر والے باغوں اور چشموں میں ہیں
علامہ محمد حسین نجفی
بے شک پرہیزگار لوگ بہشتوں اور چشموں میں ہوں گے۔
اُدۡخُلُوۡہَا بِسَلٰمٍ اٰمِنِیۡنَ ﴿۴۶﴾
سید ابو الاعلیٰ مودودی
اور اُن سے کہا جائے گا کہ داخل ہو جاؤ ان میں سلامتی کے ساتھ بے خوف و خطر
Tafheem-ul-Quran - Maududi
They will be told: "Enter it in peace and security." 46
مولانا محمد جوناگڑھی
(ان سے کہا جائے گا) سلامتی اور امن کے ساتھ اس میں داخل ہو جاؤ
فتح محمد جالندھری
(ان سے کہا جائے گا کہ) ان میں سلامتی (اور خاطر جمع سے) داخل ہوجاؤ
احمد رضا خان بریلوی
ان میں داخل ہو سلامتی کے ساتھ امان میں،
علامہ محمد حسین نجفی
(ان سے کہا جائے گا) کہ تم سلامتی اور امن و امان کے ساتھ ان میں داخل ہو جاؤ۔
وَ نَزَعۡنَا مَا فِیۡ صُدُوۡرِہِمۡ مِّنۡ غِلٍّ اِخۡوَانًا عَلٰی سُرُرٍ مُّتَقٰبِلِیۡنَ ﴿۴۷﴾
سید ابو الاعلیٰ مودودی
اُن کے دلوں میں جو تھوڑی بہت کھوٹ کپٹ ہوگی اسے ہم نکال دیں گے، وہ آپس میں بھائی بھائی بن کر آمنے سامنے تختوں پر بیٹھیں گے
Tafheem-ul-Quran - Maududi
And We shall purge their breasts of all traces of rancour; and they shall be seated on couches facing one another as brothers. 47
مولانا محمد جوناگڑھی
ان کے دلوں میں جو کچھ رنجش وکینہ تھا، ہم سب کچھ نکال دیں گے، وه بھائی بھائی بنے ہوئے ایک دوسرے کے آمنے سامنے تختوں پر بیٹھے ہوں گے
فتح محمد جالندھری
اور ان کے دلوں میں جو کدورت ہوگی ان کو ہم نکال کر (صاف کر) دیں گے (گویا) بھائی بھائی تختوں پر ایک دوسرے کے سامنے بیٹھے ہوئے ہیں
احمد رضا خان بریلوی
اور ہم نے ان کے سینوں میں جو کچھ کینے تھے سب کھینچ لیے آپس میں بھائی ہیں تختوں پر روبرو بیٹھے،
علامہ محمد حسین نجفی
اور ہم ان کے سینوں سے ہر قسم کی کدورت نکال دیں گے اور وہ بھائیوں کی طرح تختوں پر آمنے سامنے بیٹھے ہوں گے۔
لَا یَمَسُّہُمۡ فِیۡہَا نَصَبٌ وَّ مَا ہُمۡ مِّنۡہَا بِمُخۡرَجِیۡنَ ﴿۴۸﴾
سید ابو الاعلیٰ مودودی
اُنہیں نہ وہاں کسی مشقت سے پالا پڑے گا اور نہ وہ وہاں سے نکالے جائیں گے
Tafheem-ul-Quran - Maududi
They shall face no fatigue in it, nor shall they ever be driven out of it. 48
مولانا محمد جوناگڑھی
نہ تو وہاں انہیں کوئی تکلیف چھو سکتی ہے اور نہ وه وہاں سے کبھی نکالے جائیں گے
فتح محمد جالندھری
نہ ان کو وہاں کوئی تکلیف پہنچے گی اور نہ وہاں سے نکالے جائیں گے
احمد رضا خان بریلوی
نہ انہیں اس میں کچھ تکلیف پہنچے نہ وہ اس میں سے نکالے جائیں،
علامہ محمد حسین نجفی
ان کے اندر انہیں کوئی تکلیف و زحمت چھوئے گی بھی نہیں اور نہ ہی وہ وہاں سے نکالے جائیں گے۔
نَبِّیٔۡ عِبَادِیۡۤ اَنِّیۡۤ اَنَا الۡغَفُوۡرُ الرَّحِیۡمُ ﴿ۙ۴۹﴾
سید ابو الاعلیٰ مودودی
اے نبیؐ، میرے بندوں کو خبر دے دو کہ میں بہت درگزر کرنے والا اور رحیم ہوں
Tafheem-ul-Quran - Maududi
(O Prophet), declare to My servants that I am indeed Ever Forgiving, Most Merciful. 49
مولانا محمد جوناگڑھی
میرے بندوں کو خبر دے دو کہ میں بہت ہی بخشنے واﻻ اور بڑا ہی مہربان ہوں
فتح محمد جالندھری
(اے پیغمبر) میرے بندوں کو بتادو کہ میں بڑا بخشنے والا (اور) مہربان ہوں
احمد رضا خان بریلوی
خبردو (۵۴) میرے بندوں کو کہ بیشک میں ہی ہوں بخشے والا مہربان،
علامہ محمد حسین نجفی
(اے رسول) میرے بندوں کو آگاہ کر دو کہ میں بڑا بخشنے والا، بڑا رحم کرنے والا ہوں۔
وَ اَنَّ عَذَابِیۡ ہُوَ الۡعَذَابُ الۡاَلِیۡمُ ﴿۵۰﴾
سید ابو الاعلیٰ مودودی
مگر اِس کے ساتھ میرا عذاب بھی نہایت دردناک عذاب ہے
Tafheem-ul-Quran - Maududi
At the same time, My chastisement is highly painful. 50
مولانا محمد جوناگڑھی
اور ساتھ ہی میرے عذاب بھی نہایت دردناک ہیں
فتح محمد جالندھری
اور یہ کہ میرا عذاب بھی درد دینے والا عذاب ہے
احمد رضا خان بریلوی
اور میرا ہی عذاب دردناک عذاب ہے،
علامہ محمد حسین نجفی
اور یہ بھی (بتا دو) کہ میرا عذاب بھی بڑا دردناک عذاب ہے۔
