☽
30 Jumada al-Ula 1448 AH
بِسْمِ اللَّهِ الرَّحْمَنِ الرَّحِيمِ
surah044
Surah الدخان — 59 Ayat — Page 2 of 2
اِنَّ الۡمُتَّقِیۡنَ فِیۡ مَقَامٍ اَمِیۡنٍ ﴿ۙ۵۱﴾
سید ابو الاعلیٰ مودودی
خدا ترس لوگ امن کی جگہ میں ہوں گے
Tafheem-ul-Quran - Maududi
Verily the God-fearing shall be in a secure place 51
مولانا محمد جوناگڑھی
بیشک (اللہ سے) ڈرنے والے امن چین کی جگہ میں ہوں گے
فتح محمد جالندھری
بےشک پرہیزگار لوگ امن کے مقام میں ہوں گے
احمد رضا خان بریلوی
بیشک ڈر والے امان کی جگہ میں ہیں
علامہ محمد حسین نجفی
بےشک جو پرہیزگار لوگ ہیں وہ امن و سکون کی جگہ پر ہوں گے۔
فِیۡ جَنّٰتٍ وَّ عُیُوۡنٍ ﴿ۚۙ۵۲﴾
سید ابو الاعلیٰ مودودی
باغوں اور چشموں میں
Tafheem-ul-Quran - Maududi
amidst gardens and springs. 52
مولانا محمد جوناگڑھی
باغوں اور چشموں میں
فتح محمد جالندھری
(یعنی) باغوں اور چشموں میں
احمد رضا خان بریلوی
باغوں اور چشموں میں،
علامہ محمد حسین نجفی
یعنی باغوں میں اور چشموں میں۔
یَّلۡبَسُوۡنَ مِنۡ سُنۡدُسٍ وَّ اِسۡتَبۡرَقٍ مُّتَقٰبِلِیۡنَ ﴿ۚۙ۵۳﴾
سید ابو الاعلیٰ مودودی
حریر و دیبا کے لباس پہنے، آمنے سامنے بیٹھے ہوں گے
Tafheem-ul-Quran - Maududi
Attired in silk and brocade, they shall be arrayed face to face. 53
مولانا محمد جوناگڑھی
باریک اور دبیز ریشم کے لباس پہنے ہوئے آمنے سامنے بیٹھے ہوں گے
فتح محمد جالندھری
حریر کا باریک اور دبیز لباس پہن کر ایک دوسرے کے سامنے بیٹھے ہوں گے
احمد رضا خان بریلوی
پہنیں گے کریب اور قنادیز آمنے سامنے
علامہ محمد حسین نجفی
وہ سندس و اسبترق (باریک اور دبیز ریشم) کے کپڑے پہنے ہوئے آمنے سامنے بیٹھے ہوں گے۔
کَذٰلِکَ ۟ وَ زَوَّجۡنٰہُمۡ بِحُوۡرٍ عِیۡنٍ ﴿ؕ۵۴﴾
سید ابو الاعلیٰ مودودی
یہ ہوگی ان کی شان اور ہم گوری گوری آہو چشم عورتیں ان سے بیاہ دیں گے
Tafheem-ul-Quran - Maududi
Thus shall it be: and We shall espouse them to fair, wide-eyed maidens. 54
مولانا محمد جوناگڑھی
یہ اسی طرح ہے اور ہم بڑی بڑی آنکھوں والی حوروں سے ان کا نکاح کردیں گے
فتح محمد جالندھری
اس طرح (کا حال ہوگا) اور ہم بڑی بڑی آنکھوں والی سفید رنگ کی عورتوں سے ان کے جوڑے لگائیں گے
احمد رضا خان بریلوی
یونہی ہے، اور ہم نے انہیں بیاہ دیا نہایت سیاہ اور روشن بڑی آنکھوں والیوں سے،
علامہ محمد حسین نجفی
یہ بات اسی طرح ہے اور ہم ان کی گوری رنگت اور بڑی آنکھوں والی عورتوں (حوروں) سے شادی کریں گے۔
یَدۡعُوۡنَ فِیۡہَا بِکُلِّ فَاکِہَۃٍ اٰمِنِیۡنَ ﴿ۙ۵۵﴾
سید ابو الاعلیٰ مودودی
وہاں وہ اطمینان سے ہر طرح کی لذیذ چیزیں طلب کریں گے
Tafheem-ul-Quran - Maududi
While resting in security, they shall call for all kinds of fruit. 55
مولانا محمد جوناگڑھی
دل جمعی کے ساتھ وہاں ہر طرح کے میوؤں کی فرمائشیں کرتے ہوں گے
فتح محمد جالندھری
وہاں خاطر جمع سے ہر قسم کے میوے منگوائیں گے (اور کھائیں گے)
احمد رضا خان بریلوی
اس میں ہر قسم کا میوہ مانگیں گے امن و امان سے
علامہ محمد حسین نجفی
وہ اس میں بڑے امن و سکون کے ساتھ ہر قِسم کے میوے طلب کریں گے۔
لَا یَذُوۡقُوۡنَ فِیۡہَا الۡمَوۡتَ اِلَّا الۡمَوۡتَۃَ الۡاُوۡلٰی ۚ وَ وَقٰہُمۡ عَذَابَ الۡجَحِیۡمِ ﴿ۙ۵۶﴾
سید ابو الاعلیٰ مودودی
وہاں موت کا مزہ وہ کبھی نہ چکھیں گے، بس دنیا میں جو موت آ چکی سو آ چکی اور اللہ اپنے فضل سے،
Tafheem-ul-Quran - Maududi
They shall not taste death except the death in this world. And Allah will save them from the chastisement of Hell 56
مولانا محمد جوناگڑھی
وہاں وه موت چکھنے کے نہیں ہاں پہلی موت (جو وه مر چکے)، انہیں اللہ تعالیٰ نے دوزخ کی سزا سے بچا دیا
فتح محمد جالندھری
(اور) پہلی دفعہ کے مرنے کے سوا (کہ مرچکے تھے) موت کا مزہ نہیں چکھیں گے۔ اور خدا ان کو دوزخ کے عذاب سے بچا لے گا
احمد رضا خان بریلوی
اس میں پہلی موت کے سوا پھر موت نہ چکھیں گے اور اللہ نے انہیں آگ کے عذاب سے بچالیا،
علامہ محمد حسین نجفی
وہ وہاں پہلے والی موت کے سوا موت کامزہ نہیں چکھیں گے اور اللہ نے انہیں دوزخ کے عذاب سے بچا لیا ہے۔
فَضۡلًا مِّنۡ رَّبِّکَ ؕ ذٰلِکَ ہُوَ الۡفَوۡزُ الۡعَظِیۡمُ ﴿۵۷﴾
سید ابو الاعلیٰ مودودی
ان کو جہنم کے عذاب سے بچا دے گا یہی بڑی کامیابی ہے
Tafheem-ul-Quran - Maududi
as a favour from your Lord. That is the great triumph. 57
مولانا محمد جوناگڑھی
یہ صرف تیرے رب کا فضل ہے، یہی ہے بڑی کامیابی
فتح محمد جالندھری
یہ تمہارے پروردگار کا فضل ہے۔ یہی تو بڑی کامیابی ہے
احمد رضا خان بریلوی
تمہارے رب کے فضل سے، یہی بڑی کامیابی ہے،
علامہ محمد حسین نجفی
یہ سب کچھ آپ کے پروردگار کے فضل و کرم سے ہوگا اور یہ بڑی کامیابی ہے۔
فَاِنَّمَا یَسَّرۡنٰہُ بِلِسَانِکَ لَعَلَّہُمۡ یَتَذَکَّرُوۡنَ ﴿۵۸﴾
سید ابو الاعلیٰ مودودی
اے نبیؐ، ہم نے اِس کتاب کو تمہاری زبان میں سہل بنا دیا ہے تاکہ یہ لوگ نصیحت حاصل کریں
Tafheem-ul-Quran - Maududi
(O Prophet), We have made this Book easy in your tongue so that they may take heed. 58
مولانا محمد جوناگڑھی
ہم نے اس (قرآن) کو تیری زبان میں آسان کردیا تاکہ وه نصیحت حاصل کریں
فتح محمد جالندھری
ہم نے اس (قرآن) کو تمہاری زبان میں آسان کردیا ہے تاکہ یہ لوگ نصیحت پکڑیں
احمد رضا خان بریلوی
تو ہم نے اس قرآن کو تمہاری زبان میں آسان کیا کہ وہ سمجھیں
علامہ محمد حسین نجفی
پس ہم نے اس (قرآن) کو آپ کی زبان پر بالکل آسان بنا دیا تاکہ وہ نصیحت حاصل کریں۔
فَارۡتَقِبۡ اِنَّہُمۡ مُّرۡتَقِبُوۡنَ ﴿٪۵۹﴾
سید ابو الاعلیٰ مودودی
اب تم بھی انتظار کرو، یہ بھی منتظر ہیں
Tafheem-ul-Quran - Maududi
Wait, then; they too are waiting. 59
مولانا محمد جوناگڑھی
اب تو منتظر ره یہ بھی منتظر ہیں
فتح محمد جالندھری
پس تم بھی انتظار کرو یہ بھی انتظار کر رہے ہیں
احمد رضا خان بریلوی
تو تم انتظار کرو وہ بھی کسی انتظار میں ہیں
علامہ محمد حسین نجفی
(اچھا) آپ انتظار کیجئے! یقیناً وہ بھی انتظار کر رہے ہیں۔
