Mustadrak al-Hakim

سیدنا عبداللہ بن مسعود رضی اللہ عنہ سے روایت ہے، انہوں نے کہا: میں نبی کریم صلی اللہ علیہ و آلہ وسلم کی خدمت میں حاضر ہوا جبکہ آپ صلی اللہ علیہ و آلہ وسلم چمڑے کے ایک سرخ خیمے میں تقریباً چالیس آدمیوں کے ساتھ تشریف فرما تھے، آپ صلی اللہ علیہ و آلہ وسلم نے فرمایا: ”تمہارے لیے (فتوحات کے) دروازے کھول دیے گئے ہیں، تمہاری مدد کی جائے گی اور تم مالِ غنیمت پاؤ گے، پس تم میں سے جو اس دور کو پائے اسے چاہیے کہ اللہ سے ڈرے، نیکی کا حکم دے، برائی سے روکے اور صلہ رحمی کرے؛ اور اس شخص کی مثال جو اپنی قوم کی ناحق معاملے میں مدد کرتا ہے اس اونٹ جیسی ہے جو (کنویں میں) گر رہا ہو اور وہ (اسے بچانے کے لیے) اس کی دم پکڑ کر کھینچ رہا ہو (مطلب یہ کہ وہ اسے ہلاکت سے نہیں بچا سکتا)۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ الْبِرِّ وَالصِّلَةِ/حدیث: 7462]