Mustadrak al-Hakim

سیدنا عبداللہ بن عمر رضی اللہ عنہما سے روایت ہے کہ میرے نکاح میں ایک ایسی خاتون تھی جو مجھے پسند تھی، لیکن سیدنا عمر رضی اللہ عنہ اسے ناپسند کرتے تھے، انہوں نے مجھ سے فرمایا کہ اسے طلاق دے دو، میں نے انکار کر دیا، پھر سیدنا عمر رضی اللہ عنہ رسول اللہ صلی اللہ علیہ و آلہ وسلم کے پاس گئے اور عرض کیا: یا رسول اللہ! عبداللہ بن عمر رضی اللہ عنہما کے پاس ایک عورت ہے جسے میں ناپسند کرتا ہوں، میں نے اسے طلاق دینے کا کہا تو اس نے انکار کر دیا، تب رسول اللہ صلی اللہ علیہ و آلہ وسلم نے مجھ سے فرمایا: ”اے عبداللہ بن عمر! اپنی بیوی کو طلاق دے دو اور اپنے باپ کی اطاعت کرو“، عبداللہ کہتے ہیں کہ پھر میں نے اسے طلاق دے دی۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كِتَابُ الْبِرِّ وَالصِّلَةِ/حدیث: 7440]