Mustadrak al-Hakim

سیدنا عبداللہ بن عمر رضی اللہ عنہما سے روایت ہے، انہوں نے کہا: جب رسول اللہ صلی اللہ علیہ و آلہ وسلم مدینہ منورہ تشریف لائے تو آپ صلی اللہ علیہ و آلہ وسلم نے اپنے صحابہ کے درمیان بھائی چارہ (مواخات) قائم کیا، تب سیدنا علی رضی اللہ عنہ اس حال میں حاضر ہوئے کہ ان کی آنکھوں سے آنسو جاری تھے، انہوں نے عرض کیا: یا رسول اللہ! آپ نے اپنے تمام اصحاب کے درمیان بھائی چارہ قائم فرما دیا لیکن میرے اور کسی کے درمیان بھائی چارہ قائم نہیں کیا، تو رسول اللہ صلی اللہ علیہ و آلہ وسلم نے ارشاد فرمایا: ”اے علی! تم دنیا اور آخرت میں میرے بھائی ہو۔“ سالم بن ابی حفصہ نے بھی جمیع سے اس روایت کی متابعت کی ہے جس کے سیاق میں کچھ اضافہ (زیادتی) موجود ہے۔ [المستدرك على الصحيحين/كِتَابُ الْهِجْرَةِ/حدیث: 4334]