Mustadrak al-Hakim

سیدنا عبداللہ بن عمرو بن عاص رضی اللہ عنہما بیان کرتے ہیں کہ ہم نے رسول اللہ صلی اللہ علیہ و آلہ وسلم کے ساتھ ایک شخص کو دفنایا، جب ہم واپس مڑے اور آپ صلی اللہ علیہ و آلہ وسلم کے گھر کے دروازے کے برابر پہنچے تو وہاں ایک عورت تھی، ہمارا خیال نہیں کہ آپ صلی اللہ علیہ و آلہ وسلم نے اسے پہچان لیا تھا، آپ صلی اللہ علیہ و آلہ وسلم نے پوچھا: ”اے فاطمہ! تم کہاں سے آئی ہو؟“ انہوں نے عرض کیا: میں میت کے گھر والوں کے پاس سے آئی ہوں، میں نے ان کے میت پر رحم کھایا اور ان سے تعزیت کی۔ آپ صلی اللہ علیہ و آلہ وسلم نے فرمایا: ”شاید تم ان کے ساتھ «الکُدٰی» (قبرستان) تک چلی گئی تھیں؟“ انہوں نے عرض کیا: اللہ کی پناہ کہ میں ان کے ساتھ قبرستان تک جاتی جبکہ میں نے آپ کو اس بارے میں وہ سخت بات کہتے ہوئے سنا ہے جو آپ نے فرمائی تھی۔ آپ صلی اللہ علیہ و آلہ وسلم نے فرمایا: ”اگر تم ان کے ساتھ قبرستان تک چلی جاتیں تو تم جنت نہ دیکھتیں یہاں تک کہ تمہارے باپ کا دادا اسے دیکھ لیتا۔“ اور «الكُدي» سے مراد قبرستان ہے۔
اسے حیوہ بن شریح نے ربیعہ بن سیف سے روایت کیا ہے: [المستدرك على الصحيحين/كِتَابُ الْجَنَائِزِ/حدیث: 1398]