سورۃ رکوع 5 (آیات 139–182) — تفہیم القرآن

القرآن المجيد

وَ اِنَّ یُوۡنُسَ لَمِنَ الۡمُرۡسَلِیۡنَ ﴿۱۳۹﴾ؕ اِذۡ اَبَقَ اِلَی الۡفُلۡکِ الۡمَشۡحُوۡنِ ﴿۱۴۰﴾ۙ فَسَاہَمَ فَکَانَ مِنَ الۡمُدۡحَضِیۡنَ ﴿۱۴۱﴾ۚ فَالۡتَقَمَہُ الۡحُوۡتُ وَ ہُوَ مُلِیۡمٌ ﴿۱۴۲﴾ فَلَوۡ لَاۤ اَنَّہٗ کَانَ مِنَ الۡمُسَبِّحِیۡنَ ﴿۱۴۳﴾ۙ لَلَبِثَ فِیۡ بَطۡنِہٖۤ اِلٰی یَوۡمِ یُبۡعَثُوۡنَ ﴿۱۴۴﴾ۚؒ فَنَبَذۡنٰہُ بِالۡعَرَآءِ وَ ہُوَ سَقِیۡمٌ ﴿۱۴۵﴾ۚ وَ اَنۡۢبَتۡنَا عَلَیۡہِ شَجَرَۃً مِّنۡ یَّقۡطِیۡنٍ ﴿۱۴۶﴾ۚ وَ اَرۡسَلۡنٰہُ اِلٰی مِائَۃِ اَلۡفٍ اَوۡ یَزِیۡدُوۡنَ ﴿۱۴۷﴾ۚ فَاٰمَنُوۡا فَمَتَّعۡنٰہُمۡ اِلٰی حِیۡنٍ ﴿۱۴۸﴾ؕ فَاسۡتَفۡتِہِمۡ اَلِرَبِّکَ الۡبَنَاتُ وَ لَہُمُ الۡبَنُوۡنَ ﴿۱۴۹﴾ۙ اَمۡ خَلَقۡنَا الۡمَلٰٓئِکَۃَ اِنَاثًا وَّ ہُمۡ شٰہِدُوۡنَ ﴿۱۵۰﴾ اَلَاۤ اِنَّہُمۡ مِّنۡ اِفۡکِہِمۡ لَیَقُوۡلُوۡنَ ﴿۱۵۱﴾ۙ وَلَدَ اللّٰہُ ۙ وَ اِنَّہُمۡ لَکٰذِبُوۡنَ ﴿۱۵۲﴾ اَصۡطَفَی الۡبَنَاتِ عَلَی الۡبَنِیۡنَ ﴿۱۵۳﴾ؕ مَا لَکُمۡ ۟ کَیۡفَ تَحۡکُمُوۡنَ ﴿۱۵۴﴾ اَفَلَا تَذَکَّرُوۡنَ ﴿۱۵۵﴾ۚ اَمۡ لَکُمۡ سُلۡطٰنٌ مُّبِیۡنٌ ﴿۱۵۶﴾ۙ فَاۡتُوۡا بِکِتٰبِکُمۡ اِنۡ کُنۡتُمۡ صٰدِقِیۡنَ ﴿۱۵۷﴾ وَ جَعَلُوۡا بَیۡنَہٗ وَ بَیۡنَ الۡجِنَّۃِ نَسَبًا ؕ وَ لَقَدۡ عَلِمَتِ الۡجِنَّۃُ اِنَّہُمۡ لَمُحۡضَرُوۡنَ ﴿۱۵۸﴾ۙ سُبۡحٰنَ اللّٰہِ عَمَّا یَصِفُوۡنَ ﴿۱۵۹﴾ۙ اِلَّا عِبَادَ اللّٰہِ الۡمُخۡلَصِیۡنَ ﴿۱۶۰﴾ فَاِنَّکُمۡ وَ مَا تَعۡبُدُوۡنَ ﴿۱۶۱﴾ۙ مَاۤ اَنۡتُمۡ عَلَیۡہِ بِفٰتِنِیۡنَ ﴿۱۶۲﴾ۙ اِلَّا مَنۡ ہُوَ صَالِ الۡجَحِیۡمِ ﴿۱۶۳﴾ وَ مَا مِنَّاۤ اِلَّا لَہٗ مَقَامٌ مَّعۡلُوۡمٌ ﴿۱۶۴﴾ۙ وَّ اِنَّا لَنَحۡنُ الصَّآفُّوۡنَ ﴿۱۶۵﴾ۚ وَ اِنَّا لَنَحۡنُ الۡمُسَبِّحُوۡنَ ﴿۱۶۶﴾ وَ اِنۡ کَانُوۡا لَیَقُوۡلُوۡنَ ﴿۱۶۷﴾ۙ لَوۡ اَنَّ عِنۡدَنَا ذِکۡرًا مِّنَ الۡاَوَّلِیۡنَ ﴿۱۶۸﴾ۙ لَکُنَّا عِبَادَ اللّٰہِ الۡمُخۡلَصِیۡنَ ﴿۱۶۹﴾ فَکَفَرُوۡا بِہٖ فَسَوۡفَ یَعۡلَمُوۡنَ ﴿۱۷۰﴾ وَ لَقَدۡ سَبَقَتۡ کَلِمَتُنَا لِعِبَادِنَا الۡمُرۡسَلِیۡنَ ﴿۱۷۱﴾ۚۖ اِنَّہُمۡ لَہُمُ الۡمَنۡصُوۡرُوۡنَ ﴿۱۷۲﴾۪ وَ اِنَّ جُنۡدَنَا لَہُمُ الۡغٰلِبُوۡنَ ﴿۱۷۳﴾ فَتَوَلَّ عَنۡہُمۡ حَتّٰی حِیۡنٍ ﴿۱۷۴﴾ۙ وَّ اَبۡصِرۡہُمۡ فَسَوۡفَ یُبۡصِرُوۡنَ ﴿۱۷۵﴾ اَفَبِعَذَابِنَا یَسۡتَعۡجِلُوۡنَ ﴿۱۷۶﴾ فَاِذَا نَزَلَ بِسَاحَتِہِمۡ فَسَآءَ صَبَاحُ الۡمُنۡذَرِیۡنَ ﴿۱۷۷﴾ وَ تَوَلَّ عَنۡہُمۡ حَتّٰی حِیۡنٍ ﴿۱۷۸﴾ۙ وَّ اَبۡصِرۡ فَسَوۡفَ یُبۡصِرُوۡنَ ﴿۱۷۹﴾ سُبۡحٰنَ رَبِّکَ رَبِّ الۡعِزَّۃِ عَمَّا یَصِفُوۡنَ ﴿۱۸۰﴾ۚ وَ سَلٰمٌ عَلَی الۡمُرۡسَلِیۡنَ ﴿۱۸۱﴾ۚ وَ الۡحَمۡدُ لِلّٰہِ رَبِّ الۡعٰلَمِیۡنَ ﴿۱۸۲﴾٪

الترجمة

ترجمہ: سید ابو الاعلیٰ مودودی

اور یقیناً یونسؑ بھی رسولوں میں سے تھا ﴿۱۳۹﴾ یاد کرو جب وہ ایک بھری کشتی کی طرف بھاگ نکلا ﴿۱۴۰﴾ پھر قرعہ اندازی میں شریک ہوا اور اس میں مات کھائی ﴿۱۴۱﴾ آخرکار مچھلی نے اسے نگل لیا اور وہ ملامت زدہ تھا ﴿۱۴۲﴾ اب اگر وہ تسبیح کرنے والوں میں سے نہ ہوتا تو ﴿۱۴۳﴾ روز قیامت تک اسی مچھلی کے پیٹ میں رہتا ﴿۱۴۴﴾ آخرکار ہم نے اسے بڑی سقیم حالت میں ایک چٹیل زمین پر پھینک دیا ﴿۱۴۵﴾ اور اُس پر ایک بیل دار درخت اگا دیا ﴿۱۴۶﴾ اس کے بعد ہم نے اُسے ایک لاکھ، یا اس سے زائد لوگوں کی طرف بھیجا ﴿۱۴۷﴾ وہ ایمان لائے اور ہم نے ایک وقت خاص تک انہیں باقی رکھا ﴿۱۴۸﴾ پھر ذرا اِن لوگوں سے پوچھو، کیا (اِن کے دل کو یہ بات لگتی ہے کہ) تمہارے رب کے لیے تو ہوں بیٹیاں اور ان کے لیے ہوں بیٹے! ﴿۱۴۹﴾ کیا واقعی ہم نے ملائکہ کو عورتیں ہی بنا یا ہے اور یہ آنکھوں دیکھی بات کہہ رہے ہیں؟ ﴿۱۵۰﴾ خوب سن رکھو، دراصل یہ لوگ اپنی من گھڑت سے یہ بات کہتے ہیں ﴿۱۵۱﴾ کہ اللہ اولاد رکھتا ہے، اور فی الواقع یہ جھوٹے ہیں ﴿۱۵۲﴾ کیا اللہ نے بیٹوں کے بجائے بیٹیاں اپنے لیے پسند کر لیں؟ ﴿۱۵۳﴾ تمہیں کیا ہو گیا ہے، کیسے حکم لگا رہے ہو ﴿۱۵۴﴾ کیا تمہیں ہوش نہیں آتا ﴿۱۵۵﴾ یا پھر تمہارے پاس اپنی ان باتوں کے لیے کوئی صاف سند ہے ﴿۱۵۶﴾ تو لاؤ اپنی وہ کتاب اگر تم سچے ہو ﴿۱۵۷﴾ اِنہوں نے اللہ اور ملائکہ کے درمیان نسب کا رشتہ بنا رکھا ہے، حالانکہ ملائکہ خوب جانتے ہیں کہ یہ لوگ مجرم کی حیثیت سے پیش ہونے والے ہیں ﴿۱۵۸﴾ (اور وہ کہتے ہیں کہ) "اللہ اُن صفات سے پاک ہے ﴿۱۵۹﴾ جو اُس کے خالص بندوں کے سوا دوسرے لوگ اس کی طرف منسوب کرتے ہیں ﴿۱۶۰﴾ پس تم اور تمہارے یہ معبود ﴿۱۶۱﴾ اللہ سے کسی کو پھیر نہیں سکتے ﴿۱۶۲﴾ مگر صرف اُس کو جو دوزخ کی بھڑکتی ہوئی آگ میں جھلسنے والا ہو ﴿۱۶۳﴾ اور ہمارا حال تو یہ ہے کہ ہم میں سے ہر ایک کا ایک مقام مقرر ہے ﴿۱۶۴﴾ اور ہم صف بستہ خدمت گار ہیں ﴿۱۶۵﴾ اور تسبیح کرنے والے ہیں" ﴿۱۶۶﴾ یہ لوگ پہلے تو کہا کرتے تھے ﴿۱۶۷﴾ کہ کاش ہمارے پاس وہ "ذکر" ہوتا جو پچھلی قوموں کو ملا تھا ﴿۱۶۸﴾ تو ہم اللہ کے چیدہ بندے ہوتے ﴿۱۶۹﴾ مگر (جب وہ آ گیا) تو انہوں نے اس کا انکار کر دیا اب عنقریب اِنہیں (اِس روش کا نتیجہ) معلوم ہو جائے گا ﴿۱۷۰﴾ اپنے بھیجے ہوئے بندوں سے ہم پہلے ہی وعدہ کر چکے ہیں ﴿۱۷۱﴾ کہ یقیناً ان کی مدد کی جائے گی ﴿۱۷۲﴾ اور ہمارا لشکر ہی غالب ہو کر رہے گا ﴿۱۷۳﴾ پس اے نبیؐ، ذرا کچھ مدّت تک انہیں اِن کے حال پر چھوڑ دو ﴿۱۷۴﴾ اور دیکھتے رہو، عنقریب یہ خود بھی دیکھ لیں گے ﴿۱۷۵﴾ کیا یہ ہمارے عذاب کے لیے جلدی مچا رہے ہیں؟ ﴿۱۷۶﴾ جب وہ اِن کے صحن میں آ اترے گا تو وہ دن اُن لوگوں کے لیے بہت برا ہو گا جنہیں متنبہ کیا جا چکا ہے ﴿۱۷۷﴾ بس ذرا اِنہیں کچھ مدت کے لیے چھوڑ دو ﴿۱۷۸﴾ اور دیکھتے رہو، عنقریب یہ خود دیکھ لیں گے ﴿۱۷۹﴾ پاک ہے تیرا رب، عزت کا مالک، اُن تمام باتوں سے جو یہ لوگ بنا رہے ہیں ﴿۱۸۰﴾ اور سلام ہے مرسلین پر ﴿۱۸۱﴾ اور ساری تعریف اللہ ربّ العالمین ہی کے لیے ہے ﴿۱۸۲﴾

Translation: Tafheem-ul-Quran - Maududi

And Jonah too was one of the Messengers. ﴿139﴾ Call to mind when he fled to the laden ship, ﴿140﴾ cast lots, and was among the losers. ﴿141﴾ Then a fish swallowed him, and he was blameworthy. ﴿142﴾ Had he not been one of those who glorify Allah, ﴿143﴾ he would certainly have remained in its belly till the Day of Resurrection. ﴿144﴾ But We threw him on a wide bare tract of land while he was ill; ﴿145﴾ and caused a gourd tree to grow over him, ﴿146﴾ and We sent him forth to a nation of a hundred thousand or more, ﴿147﴾ and they believed. So We let them enjoy life for a while. ﴿148﴾ So ask their opinion: “(Are you convinced) that your Lord should have daughters and you should have sons? ﴿149﴾ Did We create the angels as females the while they witnessed?” ﴿150﴾ Behold, it is one of their fabrications that they say: ﴿151﴾ “Allah has begotten.” They are liars! ﴿152﴾ Did He choose daughters rather than sons? ﴿153﴾ What is the matter with you that you make such strange judgements? ﴿154﴾ Will you then not take heed? ﴿155﴾ Do you have any clear authority for such claims? ﴿156﴾ Bring your Book, if you are truthful. ﴿157﴾ They have established a kinship between Allah and the angels; and the angels know well that these people will be arraigned (as culprits). ﴿158﴾ (They say): “Exalted be Allah above what they attribute to Him, ﴿159﴾ all of them except the chosen servants of Allah. ﴿160﴾ So you and your deities ﴿161﴾ shall not be able to tempt anyone away from Allah ﴿162﴾ except him who shall roast in the Blazing Fire. ﴿163﴾ As for us, there is none but has an appointed station. ﴿164﴾ Verily we range ourselves in rows (as humble servants) ﴿165﴾ and we are of those who glorify Allah.” ﴿166﴾ They used to say before: ﴿167﴾ “If only we had the Reminder which had been granted to the people of yore ﴿168﴾ we would surely have been Allah's chosen servants.” ﴿169﴾ But when it came to them, they rejected it. They shall soon come to know (the end of such an attitude). ﴿170﴾ We have already given Our promise to Our Messengers ﴿171﴾ that they shall certainly be succoured, ﴿172﴾ and that Our hosts shall triumph. ﴿173﴾ So, (O Prophet), leave them alone for a while, ﴿174﴾ and see, and soon they too shall see. ﴿175﴾ Do they seek to hasten Our chastisement? ﴿176﴾ When that chastisement will descend upon their courtyard, evil shall that Day be for those who had been warned. ﴿177﴾ Leave them alone for a while, ﴿178﴾ and see; and they too shall soon see. ﴿179﴾ Exalted be your Lord, the Lord of Glory, above what they attribute to Him, ﴿180﴾ and peace be upon the Messengers, ﴿181﴾ and all praise be to Allah, the Lord of the Universe. ﴿182﴾

ترجمہ: مولانا محمد جوناگڑھی

اور بلاشبہ یونس (علیہ السلام) نبیوں میں سے تھے ﴿۱۳۹﴾ جب بھاگ کر پہنچے بھری کشتی پر ﴿۱۴۰﴾ پھر قرعہ اندازی ہوئی تو یہ مغلوب ہوگئے ﴿۱۴۱﴾ تو پھر انہیں مچھلی نے نگل لیا اور وه خود اپنے آپ کو ملامت کرنے لگ گئے ﴿۱۴۲﴾ پس اگر یہ پاکی بیان کرنے والوں میں سے نہ ہوتے ﴿۱۴۳﴾ تو لوگوں کے اٹھائے جانے کے دن تک اس کے پیٹ میں ہی رہتے ﴿۱۴۴﴾ پس انہیں ہم نے چٹیل میدان میں ڈال دیا اور وه اس وقت بیمار تھے ﴿۱۴۵﴾ اور ان پر سایہ کرنے واﻻ ایک بیل دار درخت ہم نے اگا دیا ﴿۱۴۶﴾ اور ہم نے انہیں ایک لاکھ بلکہ اور زیاده آدمیوں کی طرف بھیجا ﴿۱۴۷﴾ پس وه ایمان ﻻئے، اور ہم نے انہیں ایک زمانہ تک عیش وعشرت دی ﴿۱۴۸﴾ ان سے دریافت کیجئے! کہ کیا آپ کے رب کی تو بیٹیاں ہیں اور ان کے بیٹے ہیں؟ ﴿۱۴۹﴾ یا یہ اس وقت موجود تھے جبکہ ہم نے فرشتوں کو مؤنﺚ پیدا کیا ﴿۱۵۰﴾ آگاه رہو! کہ یہ لوگ صرف اپنی افترا پردازی سے کہہ رہے ہیں ﴿۱۵۱﴾ کہ اللہ تعالی کی اوﻻد ہے۔ یقیناً یہ محض جھوٹے ہیں ﴿۱۵۲﴾ کیا اللہ تعالی نے اپنے لیے بیٹیوں کو بیٹوں پر ترجیح دی ﴿۱۵۳﴾ تمہیں کیا ہو گیا ہے کیسے حکم لگاتے پھرتے ہو؟ ﴿۱۵۴﴾ کیا تم اس قدر بھی نہیں سمجھتے؟ ﴿۱۵۵﴾ یا تمہارے پاس اس کی کوئی صاف دلیل ہے ﴿۱۵۶﴾ تو جاؤ اگر سچے ہو تو اپنی ہی کتاب لے آؤ ﴿۱۵۷﴾ اور ان لوگوں نے تو اللہ کے اور جنات کے درمیان بھی قرابت داری ٹھہرائی ہے، اور حاﻻنکہ خود جنات کو معلوم ہے کہ وه (اس عقیده کے لوگ عذاب کے سامنے) پیش کیے جائیں گے ﴿۱۵۸﴾ جو کچھ یہ (اللہ کے بارے میں) بیان کر رہے ہیں اس سے اللہ تعالیٰ بالکل پاک ہے ﴿۱۵۹﴾ سوائے! اللہ کے مخلص بندوں کے ﴿۱۶۰﴾ یقین مانو کہ تم سب اور تمہارے معبودان (باطل) ﴿۱۶۱﴾ کسی ایک کو بھی بہکا نہیں سکتے ﴿۱۶۲﴾ بجز اس کے جو جہنمی ہی ہے ﴿۱۶۳﴾ (فرشتوں کا قول ہے کہ) ہم میں سے تو ہر ایک کی جگہ مقرر ہے ﴿۱۶۴﴾ اور ہم تو (بندگیٴ الٰہی میں) صف بستہ کھڑے ہیں ﴿۱۶۵﴾ اور اس کی تسبیح بیان کر رہے ہیں ﴿۱۶۶﴾ کفار تو کہا کرتے تھے ﴿۱۶۷﴾ کہ اگر ہمارے سامنے اگلے لوگوں کا ذکر ہوتا ﴿۱۶۸﴾ تو ہم بھی اللہ کے چیده بندے بن جاتے ﴿۱۶۹﴾ لیکن پھر اس قرآن کے ساتھ کفر کر گئے، پس اب عنقریب جان لیں گے ﴿۱۷۰﴾ اور البتہ ہمارا وعده پہلے ہی اپنے رسولوں کے لئے صادر ہو چکا ہے ﴿۱۷۱﴾ کہ یقیناً وه ہی مدد کیے جائیں گے ﴿۱۷۲﴾ اور ہمارا ہی لشکر غالب (اور برتر) رہے گا ﴿۱۷۳﴾ اب آپ کچھ دنوں تک ان سے منھ پھیر لیجئے ﴿۱۷۴﴾ اور انہیں دیکھتے رہیئے، اور یہ بھی آگے چل کر دیکھ لیں گے ﴿۱۷۵﴾ کیا یہ ہمارے عذاب کی جلدی مچا رہے ہیں؟ ﴿۱۷۶﴾ سنو! جب ہمارا عذاب ان کے میدان میں اتر آئے گا اس وقت ان کی جن کو متنبہ کر دیا گیا تھا بڑی بری صبح ہوگی ﴿۱۷۷﴾ آپ کچھ وقت تک ان کا خیال چھوڑ دیجئے ﴿۱۷۸﴾ اور دیکھتے رہئیے یہ بھی ابھی ابھی دیکھ لیں گے ﴿۱۷۹﴾ پاک ہے آپ کا رب جو بہت بڑی عزت واﻻ ہے ہر اس چیز سے (جو مشرک) بیان کرتے ہیں ﴿۱۸۰﴾ پیغمبروں پر سلام ہے ﴿۱۸۱﴾ اور سب طرح کی تعریف اللہ کے لئے ہے جو سارے جہان کا رب ہے ﴿۱۸۲﴾

ترجمہ: فتح محمد جالندھری

اور یونس بھی پیغمبروں میں سے تھے ﴿۱۳۹﴾ جب بھاگ کر بھری ہوئی کشتی میں پہنچے ﴿۱۴۰﴾ اس وقت قرعہ ڈالا تو انہوں نے زک اُٹھائی ﴿۱۴۱﴾ پھر مچھلی نے ان کو نگل لیا اور وہ (قابل) ملامت (کام) کرنے والے تھے ﴿۱۴۲﴾ پھر اگر وہ (خدا کی) پاکی بیان نہ کرتے ﴿۱۴۳﴾ تو اس روز تک کہ لوگ دوبارہ زندہ کئے جائیں گے اسی کے پیٹ میں رہتے ﴿۱۴۴﴾ پھر ہم نے ان کو جب کہ وہ بیمار تھے فراخ میدان میں ڈال دیا ﴿۱۴۵﴾ اور ان پر کدو کا درخت اُگایا ﴿۱۴۶﴾ اور ان کو لاکھ یا اس سے زیادہ (لوگوں) کی طرف (پیغمبر بنا کر) بھیجا ﴿۱۴۷﴾ تو وہ ایمان لے آئے سو ہم نے بھی ان کو (دنیا میں) ایک وقت (مقرر) تک فائدے دیتے رہے ﴿۱۴۸﴾ ان سے پوچھو تو کہ بھلا تمہارے پروردگار کے لئے تو بیٹیاں اور ان کے لئے بیٹے ﴿۱۴۹﴾ یا ہم نے فرشتوں کو عورتیں بنایا اور وہ (اس وقت) موجود تھے ﴿۱۵۰﴾ دیکھو یہ اپنی جھوٹ بنائی ہوئی (بات) کہتے ہیں ﴿۱۵۱﴾ کہ خدا کے اولاد ہے کچھ شک نہیں کہ یہ جھوٹے ہیں ﴿۱۵۲﴾ کیا اس نے بیٹوں کی نسبت بیٹیوں کو پسند کیا ہے؟ ﴿۱۵۳﴾ تم کیسے لوگ ہو، کس طرح کا فیصلہ کرتے ہو ﴿۱۵۴﴾ بھلا تم غور کیوں نہیں کرتے ﴿۱۵۵﴾ یا تمہارے پاس کوئی صریح دلیل ہے ﴿۱۵۶﴾ اگر تم سچے ہو تو اپنی کتاب پیش کرو ﴿۱۵۷﴾ اور انہوں نے خدا میں اور جنوں میں رشتہ مقرر کیا۔ حالانکہ جنات جانتے ہیں کہ وہ (خدا کے سامنے) حاضر کئے جائیں گے ﴿۱۵۸﴾ یہ جو کچھ بیان کرتے ہیں خدا اس سے پاک ہے ﴿۱۵۹﴾ مگر خدا کے بندگان خالص (مبتلائے عذاب نہیں ہوں گے) ﴿۱۶۰﴾ سو تم اور جن کو تم پوجتے ہو ﴿۱۶۱﴾ خدا کے خلاف بہکا نہیں سکتے ﴿۱۶۲﴾ مگر اس کو جو جہنم میں جانے والا ہے ﴿۱۶۳﴾ اور (فرشتے کہتے ہیں کہ) ہم میں سے ہر ایک کا ایک مقام مقرر ہے ﴿۱۶۴﴾ اور ہم صف باندھے رہتے ہیں ﴿۱۶۵﴾ اور (خدائے) پاک (ذات) کا ذکر کرتے رہتے ہیں ﴿۱۶۶﴾ اور یہ لوگ کہا کرتے تھے ﴿۱۶۷﴾ کہ اگر ہمارے پاس اگلوں کی کوئی نصیحت (کی کتاب) ہوتی ﴿۱۶۸﴾ تو ہم خدا کے خالص بندے ہوتے ﴿۱۶۹﴾ لیکن (اب) اس سے کفر کرتے ہیں سو عنقریب ان کو (اس کا نتیجہ) معلوم ہوجائے گا ﴿۱۷۰﴾ اور اپنے پیغام پہنچانے والے بندوں سے ہمارا وعدہ ہوچکا ہے ﴿۱۷۱﴾ کہ وہی (مظفرو) منصور ہیں ﴿۱۷۲﴾ اور ہمارا لشکر غالب رہے گا ﴿۱۷۳﴾ تو ایک وقت تک ان سے اعراض کئے رہو ﴿۱۷۴﴾ اور انہیں دیکھتے رہو۔ یہ بھی عنقریب (کفر کا انجام) دیکھ لیں گے ﴿۱۷۵﴾ کیا یہ ہمارے عذاب کے لئے جلدی کر رہے ہیں ﴿۱۷۶﴾ مگر جب وہ ان کے میدان میں آ اُترے گا تو جن کو ڈر سنا دیا گیا تھا ان کے لئے برا دن ہوگا ﴿۱۷۷﴾ اور ایک وقت تک ان سے منہ پھیرے رہو ﴿۱۷۸﴾ اور دیکھتے رہو یہ بھی عنقریب (نتیجہ) دیکھ لیں گے ﴿۱۷۹﴾ یہ جو کچھ بیان کرتے ہیں تمہارا پروردگار جو صاحب عزت ہے اس سے (پاک ہے) ﴿۱۸۰﴾ اور پیغمبروں پر سلام ﴿۱۸۱﴾ اور سب طرح کی تعریف خدائے رب العالمین کو (سزاوار) ہے ﴿۱۸۲﴾

ترجمہ: احمد رضا خان بریلوی

اور بیشک یونس پیغمبروں سے ہے، ﴿۱۳۹﴾ جبکہ بھری کشتی کی طرف نکل گیا ﴿۱۴۰﴾ تو قرعہ ڈالا تو ڈھکیلے ہوؤں میں ہوا، ﴿۱۴۱﴾ پھر اسے مچھلی نے نگل لیا اور وہ اپنے آپ کو ملامت کرتا تھا ﴿۱۴۲﴾ تو اگر وہ تسبیح کرنے والا نہ ہوتا ﴿۱۴۳﴾ ضرور اس کے پیٹ میں رہتا جس دن تک لوگ اٹھائے جائیں گے ﴿۱۴۴﴾ پھر ہم نے اسے میدان میں ڈال دیا اور وہ بیمار تھا ﴿۱۴۵﴾ اور ہم نے اس پر کدو کا پیڑ اگایا ﴿۱۴۶﴾ اور ہم نے اسے لاکھ آدمیوں کی طرف بھیجا بلکہ زیادہ، ﴿۱۴۷﴾ تو وہ ایمان لے آئے تو ہم نے انہیں ایک وقت تک برتنے دیا ﴿۱۴۸﴾ تو ان سے پوچھو کیا تمہارے رب کے لیے بیٹیاں ہیں اور ان کے بیٹے ﴿۱۴۹﴾ یا ہم نے ملائکہ کو عورتیں پیدا کیا اور وہ حاضر تھے ﴿۱۵۰﴾ سنتے ہو بیشک وہ اپنے بہتان سے کہتے ہیں، ﴿۱۵۱﴾ کہ اللہ کی اولاد ہے اور بیشک وہ ضرور جھوٹے ہیں، ﴿۱۵۲﴾ کیا اس نے بیٹیاں پسند کیں بیٹے چھوڑ کر، ﴿۱۵۳﴾ تمہیں کیا ہے، کیسا حکم لگاتے ہو ﴿۱۵۴﴾ تو کیا دھیان نہیں کرتے ﴿۱۵۵﴾ یا تمہارے لیے کوئی کھلی سند ہے، ﴿۱۵۶﴾ تو اپنی کتاب لاؤ اگر تم سچے ہو، ﴿۱۵۷﴾ اور اس میں اور جنوں میں رشتہ ٹھہرایا اور بیشک جنوں کو معلوم ہے کہ وہ ضرور حاضر لائے جائیں گے ﴿۱۵۸﴾ پاکی ہے اللہ کو ان باتوں سے کہ یہ بتاتے ہیں، ﴿۱۵۹﴾ مگر اللہ کے چُنے ہوئے بندے ﴿۱۶۰﴾ تو تم اور جو کچھ تم اللہ کے سوا پوجتے ہو ﴿۱۶۱﴾ تم اس کے خلاف کسی کو بہکانے والے نہیں ﴿۱۶۲﴾ مگر اسے جو بھڑکتی آگ میں جانے والا ہے ﴿۱۶۳﴾ اور فرشتے کہتے ہیں ہم میں ہر ایک کا ایک مقام معلوم ہے ﴿۱۶۴﴾ اور بیشک ہم پر پھیلائے حکم کے منتظر ہیں، ﴿۱۶۵﴾ اور بیشک ہم اس کی تسبیح کرنے والے ہیں، ﴿۱۶۶﴾ اور بیشک وہ کہتے تھے ﴿۱۶۷﴾ اگر ہمارے پاس اگلوں کی کوئی نصیحت ہوتی ﴿۱۶۸﴾ تو ضرور ہم اللہ کے چُنے ہوئے بندے ہوتے ﴿۱۶۹﴾ تو اس کے منکر ہوئے تو عنقریب جان لیں گے ﴿۱۷۰﴾ اور بیشک ہمارا کلام گزر چکا ہے ہمارے بھیجے ہوئے بندوں کے لیے، ﴿۱۷۱﴾ کہ بیشک انہیں کی مدد ہوگی، ﴿۱۷۲﴾ اور بیشک ہمارا ہی لشکر غالب آئے گا، ﴿۱۷۳﴾ تو ایک وقت تم ان سے منہ پھیر لو ﴿۱۷۴﴾ اور انہیں دیکھتے رہو کہ عنقریب وہ دیکھیں گے ﴿۱۷۵﴾ تو کیا ہمارے عذاب کی جلدی کرتے ہیں، ﴿۱۷۶﴾ پھر جب اترے گا ان کے آنگن میں تو ڈرائے گیوں کی کیا ہی بری صبح ہوگی، ﴿۱۷۷﴾ اور ایک وقت تک ان سے منہ پھیرلو، ﴿۱۷۸﴾ اور انتظار کرو کہ وہ عنقریب دیکھیں گے، ﴿۱۷۹﴾ پاکی ہے تمہارے رب کو عزت والے رب کو ان کی باتوں سے ﴿۱۸۰﴾ اور سلام ہے پیغمبروں پر ﴿۱۸۱﴾ اور سب خوبیاں اللہ کو سارے جہاں کا رب ہے، ﴿۱۸۲﴾

ترجمہ: علامہ محمد حسین نجفی

اور یقیناً یونس(ع) (بھی) پیغمبروں میں سے تھے۔ ﴿۱۳۹﴾ جبکہ وہ (سوار ہونے کیلئے) بھری ہوئی کشتی کی طرف بھاگ کر گئے۔ ﴿۱۴۰﴾ پھر وہ قرعہ اندازی میں شریک ہوئے تو وہ پھینک دیئے گئے۔ ﴿۱۴۱﴾ تو انہیں مچھلی نے نگل لیا درآنحالیکہ کہ وہ (اپنے آپ کو) ملامت کر رہے تھے۔ ﴿۱۴۲﴾ پس اگر وہ تسبیح (خدا) کرنے والوں میں سے نہ ہوتے۔ ﴿۱۴۳﴾ تو (دوبارہ) اٹھائے جانے والے دن (قیامت) تک اسی (مچھلی) کے پیٹ میں رہتے۔ ﴿۱۴۴﴾ سو ہم نے انہیں (مچھلی کے پیٹ سے نکال کر) ایک کھلے میدان میں ڈال دیا۔ اس حال میں کہ وہ بیمار تھے۔ ﴿۱۴۵﴾ اور ہم نے ان پر (سایہ کرنے کیلئے) کدو کا ایک درخت لگا دیا۔ ﴿۱۴۶﴾ اور ہم نے ان کو ایک لاکھ یا اس سے کچھ زیادہ لوگوں کی طرف بھیجا۔ ﴿۱۴۷﴾ پس وہ ایمان لائے تو ہم نے انہیں ایک مدت تک (زندگی سے) لطف اندوز ہونے دیا۔ ﴿۱۴۸﴾ ان سے ذرا پوچھئے! کہ تمہارے پروردگار کیلئے بیٹیاں ہیں اور خود ان کیلئے بیٹے؟ ﴿۱۴۹﴾ کیا ہم نے فرشتوں کو عورت پیدا کیا اور وہ دیکھ رہے تھے؟ ﴿۱۵۰﴾ آگاہ ہو جاؤ کہ یہ دروغ بافی کرتے ہیں۔ ﴿۱۵۱﴾ جب کہتے ہیں کہ اللہ کے اولاد ہے اور بلاشبہ وہ جھوٹے ہیں۔ ﴿۱۵۲﴾ کیا اللہ نے بیٹوں کے مقابلہ میں بیٹیوں کو ترجیح دی۔ ﴿۱۵۳﴾ تمہیں کیا ہوگیا ہے تم کیا فیصلہ کرتے ہو؟ ﴿۱۵۴﴾ کیا تم اتنا بھی نہیں سمجھتے؟ ﴿۱۵۵﴾ کیا تمہارے پاس کوئی واضح دلیل ہے؟ ﴿۱۵۶﴾ اگر تم سچے ہو تو پھر اپنی وہ دستاویز پیش کرو۔ ﴿۱۵۷﴾ کیا ان لوگوں نے اس (خدا) اور جنوں کے درمیان کوئی رشتہ ناطہ قرار دیا ہے؟ حالانکہ خود جنات جانتے ہیں کہ وہ (جزا و سزا کیلئے) پکڑ کر حاضر کئے جائیں گے۔ ﴿۱۵۸﴾ پاک ہے اللہ (ان غلطیوں سے) جو وہ بیان کرتے ہیں۔ ﴿۱۵۹﴾ ہاں البتہ اللہ کے مخلص اور برگزیدہ بندے اس سے مستثنیٰ ہیں۔ ﴿۱۶۰﴾ سو تم اور جن کی تم پرستش کرتے ہو۔ ﴿۱۶۱﴾ تم (سب مل کر بھی) اللہ سے کسی کو پھیر نہیں سکتے۔ ﴿۱۶۲﴾ سوائے اس کے جو دوزخ کی بھڑکتی آگ کو تاپنے والا ہے۔ ﴿۱۶۳﴾ اور (فرشتوں) میں سے کوئی ایسا نہیں مگر یہ کہ اس کا ایک خاص مقام ہے۔ ﴿۱۶۴﴾ اور بے شک ہم صف بستہ حاضر ہیں۔ ﴿۱۶۵﴾ اور بے شک ہم تسبیح و تقدیس کرنے والے ہیں۔ ﴿۱۶۶﴾ اور (کفار بعثتِ نبوی(ص) سے پہلے) کہا کرتے تھے۔ ﴿۱۶۷﴾ تو اگر ہمارے پاس پہلے والے لوگوں کی طرح کوئی نصیحت (والی کتاب) ہوتی۔ ﴿۱۶۸﴾ تو یقیناً ہم اللہ کے برگزیدہ بندوں میں سے ہوتے۔ ﴿۱۶۹﴾ اور جب وہ (کتاب آئی) تو اس کا انکار کر دیا سو عنقریب (اس کا انجام) معلوم کر لیں گے۔ ﴿۱۷۰﴾ اور ہمارا وعدہ پہلے ہو چکا ہے اپنے ان بندوں کے ساتھ جو رسول ہیں۔ ﴿۱۷۱﴾ کہ یقیناً ان کی نصرت اور مدد کی جائے گی۔ ﴿۱۷۲﴾ اور ہمارا لشکر بہرحال غالب آنے والا ہے۔ ﴿۱۷۳﴾ سو ایک مدت تک ان سے بے اعتنائی کیجئے۔ ﴿۱۷۴﴾ اور انہیں دیکھتے رہئے اور عنقریب وہ خود بھی (اپنا انجام) دیکھ لیں گے۔ ﴿۱۷۵﴾ کیا وہ ہمارے عذاب کیلئے جلدی کرتے ہیں؟ ﴿۱۷۶﴾ تو جب وہ ان کے ہاں نازل ہو جائے گا تو وہ بڑی بری صبح ہوگی ڈرائے ہوؤں کیلئے۔ ﴿۱۷۷﴾ اور ایک مدت تک ان سے بے توجہی کیجئے۔ ﴿۱۷۸﴾ اور دیکھئے وہ بھی دیکھ رہے ہیں۔ ﴿۱۷۹﴾ پاک ہے آپ کا پروردگار جوکہ عزت کا مالک ہے ان (غلط) باتوں سے جو وہ بیان کرتے ہیں۔ ﴿۱۸۰﴾ اور سلام ہو رسولوں(ع) پر۔ ﴿۱۸۱﴾ اور ہر طرح کی تعریف ہے اس اللہ کیلئے جو سارے جہانوں کا پروردگار ہے۔ ﴿۱۸۲﴾

التفسير

تفہیم القرآن مولانا مودودیؒ

(رکوع۵) اور یقیناً یُونسؑ بھی رسُولوں میں سے تھا۔ ⁷⁷ یاد کرو جب وہ ایک بھر ی کشتی کی طرف بھاگ نکلا، ⁷⁸ پھر قرعہ اندازی میں شریک ہوا اور اس میں مات کھائی۔ آخر کار مچھلی نے اسے نگل لیا اور وہ ملامت زدہ تھا۔ اب اگر وہ تسبیح کرنے والوں میں سے نہ ہوتا ⁸⁰ تو روزِ قیامت تک اسی مچھلی کے پیٹ میں رہتا۔ ⁸¹ آخر کار ہم نے اسے بڑی سقیم حالت میں ایک چٹیل زمین میں پھینک دیا۔ ⁸² اور اُس پر ایک بیلدار درخت ⁸³ اُگا دیا۔ اس کے بعد ہم نے اُسے ایک لاکھ، یا اس سے زائد لوگوں کی طرف بھیجا، ⁸⁴ وہ ایمان لائے اور ہم نے ایک وقتِ خاص تک انہیں باقی رکھا۔ ⁸⁵
پھر ذرا اِن لوگوں سے پوچھو، ⁸⁶ کیا (اِن کے دل کو یہ بات لگتی ہے کہ)تمہارے ربّ کے لیے توہوں بیٹیاں اور اِن کے لیے ہوں بیٹے! ⁸⁷ کیا واقعی ہم نے ملائکہ کو عورتیں ہی بنایا ہے اور یہ آنکھوں دیکھی بات کہہ رہے ہیں؟ خوب سُن رکھو، دراصل یہ لوگ اپنی من گھڑت سے یہ بات کہتے ہیں کہ اللہ اولاد رکھتا ہے، اور فی الواقع یہ جھُوٹے ہیں۔ کیا اللہ نے بیٹوں کے بجائے بیٹیاں اپنے لیے پسند کر لیں؟ تمہیں کیا ہوگیا ہے، کیسے حکم لگا رہے ہو ۔ کیا تمہیں ہوش نہیں آتا۔ یا پھر تمہارے پاس اِن باتوں کے لیے کوئی صاف سَنَد ہے ، تو لاوٴ اپنی وہ کتاب اگر تم سچے ہو۔ ⁸⁸
اِنہوں نے اللہ اور ملائکہ ⁸⁹ کے درمیان نسب کا رشتہ بنا رکھا ہے، حالانکہ ملائکہ خوب جانتے ہیں کہ یہ لوگ مُجرم کی حیثیت سے پیش ہونے والے ہیں( اور وہ کہتے ہیں کہ )” اللہ اُن صفات سے پاک ہے جو اُس کی خالص بندوں کے سوا دُوسرے لوگ اس کی طرف منسُوب کرتے ہیں۔ پس تم اور تمہارے یہ معبُود اللہ سے کسی کو پھیر نہیں سکتے مگر صرف اُس کو جو دوزخ کی بھڑکتی ہوئی آگ میں جھُلسنے والا ہو۔ ⁹⁰ اور ہمارا حال تو یہ ہے کہ ہم میں سے ہر ایک کا ایک مقام مقرر ہے، ⁹¹ اور ہم صف بستہ خدمت گار ہیں اور تسبیح کرنے والے ہیں۔“
یہ لوگ پہلے تو کہا کرتے تھے کہ کاش ہمارے پاس وہ ”ذِکر“ ہوتا جو پچھلی قوموں کو ملا تھا تو ہم اللہ کے چیدہ بندے ہوتے۔ ⁹² مگر (جب وہ آگیا)تو انہوں نے اس کا انکار کر دیا۔ اب عنقریب اِنہیں (اِس روش کا نتیجہ)معلوم ہو جائے گا۔ اپنے بھیجے ہوئے بندوں سے ہم پہلے ہے وعدہ کر چکے ہیں کہ یقیناً ان کی مدد کی جائے گی اور ہمارا لشکر ہی غالب ہو کر رہے گا۔ ⁹³ پس اے نبیؐ ، ذرا کچھ مدّت تک انہیں اِن کے حال پر چھوڑ دو اور دیکھتے رہو، عنقریب یہ خود بھی دیکھ لیں گے ⁹⁴ ۔ کیا یہ ہمارے عذاب کے لیے جلدی مچا رہے ہیں؟ جب وہ اِن کے صحن میں آ اُترے گا تو وہ دن اُن لوگوں کے لیے بہت بُرا ہوگا جنہیں متنبّہ کیا جا چکا ہے۔ بس ذرا اِنہیں کچھ مدّت کے لیے چھوڑ دو اور دیکھتے رہو، عنقریب یہ خود دیکھ لیں گے۔
پاک ہے تیرا ربّ، عزّت کا مالک ، اُن تمام باتوں سے جو یہ لوگ بنا رہے ہیں۔ اور سلام ہے مرسلین پر ، اور ساری تعریف اللہ ربّ العالمین ہی کے لیے ہے۔ ؏۵

Tafheem ul Quran Sayyid Abul A'la Maududi

And indeed Jonah also was one of the Messengers.⁷⁷ Remember when he fled to the laden vessel;⁷⁸ then he took part in the casting of lots and lost. At last, the fish swallowed him, for he was blameworthy.⁷⁹ Had he not been of those who glorify⁸⁰ (Us)"he would have remained in the fish's belly till the Day of Resurrection.⁸¹ At last We cast him on a bare shore in a state of sickness,⁸² and caused a creeper⁸³ to grow over him. Then We sent him to a hundred thousand people, or more.⁸⁴ They believed in him and We let them live till an appointed time.⁸⁵ Just ask the people⁸⁶ (whether it appeals to them) that their Lord should have daughters and they should have sons!⁸⁷ Have We really created the angels females and they are eye-witnesses of it? Note it well: they, in fact, invent a falsehood when they say, "Allah has children." They are utter liars. Did Allah choose daughters for Himself instead of sons? What is the matter with you? How you judge? Will you not have sense? Or, if you have a clear authority for this, then bring your Book if you are truthful.⁸⁸ They have invented a blood-relationship between Allah and the angels,⁸⁹ whereas the angels know full well that these people will be brought up as culprits. (And they say) "Allah is free from the things which the other people than His true servants attribute to Him. Therefore you and your gods cannot turn anyone from Allah, except him who shall burn in the blazing Fire of Hell.⁹⁰ As for ourselves, each one of us has an appointed place,⁹¹ and we are the ranged servants and the glorifiers (of Allah)." Before this they used to say, "If we had the 'Admonition' which the earlier people had received, we would have been the chosen servants of Allah."⁹² But (when it did come) they denied it. Now, they will soon come to know (the consequences of this attitude). We have already promised Our servants whom We sent that they would certainly be helped, and Our army alone would be triumphant.⁹³ Therefore, O Prophet, leave them for a while to themselves and watch (them); soon they will see it for themselves.⁹⁴ Are they clamoring for our torment? The day when it descends in their courtyards, will be a dreadful day for those who have been warned. So leave them alone for a while and watch; soon they will themselves see. Glorified is your Lord, Lord of Honour, (and free) from all that they attribute to Him., and peace on the Messengers, and all praise is only for Allah, Lord of the Universe.

تفسیر ابن کثیر حافظ ابن کثیرؒ

آیات 139–148

واقعہ یونس علیہ السلام ٭٭

حضرت یونس علیہ السلام کا قصہ سورۃ یونس میں بیان ہو چکا ہے۔ بخاری مسلم میں حدیث ہے کہ { کسی بندے کو یہ لائق نہیں کہ وہ کہے میں یونس بن متی سے افضل ہوں }۔۱؎ [صحیح بخاری:3413] ‏‏‏‏ یہ نام ممکن ہے آپ علیہ السلام کی والدہ کا ہو اور ممکن ہے والد کا ہو۔ یہ بھاگ کر مال و اسباب سے لدی ہوئی کشتی پر سوار ہوگئے۔ وہاں قرعہ اندازی ہوئی اور یہ مغلوب ہوگئے کشتی کے چلتے ہی چاروں طرف سے موجیں اٹھیں اور سخت طوفان آیا۔ یہاں تک کہ سب کو اپنی موت کا اور کشتی کے ڈوب جانے کا یقین ہو گیا۔ سب آپس میں کہنے لگے کہ قرعہ ڈالو جس کے نام کا قرعہ نکلے اسے سمندر میں ڈال دو تاکہ سب بچ جائیں اور کشتی اس طوفان سے چھوٹ جائے۔ تین دفعہ قرعہ اندازی ہوئی اور تینوں مرتبہ اللہ کے پیارے پیغبمر یونس علیہ السلام کا ہی نام نکلا۔ اہل کشتی آپ علیہ السلام کو پانی میں بہانا نہیں چاہتے تھے لیکن کیا کرتے باربار کی قرعہ اندازی پر بھی آپ علیہ السلام کا نام نکلتا رہا اور خود آپ علیہ السلام کپڑے اتار کر باوجود ان لوگوں کے روکنے کے سمندر میں کود پڑے۔ اس وقت بحر اخضر کی ایک بہت بڑی مچھلی کو جناب باری کا فرمان سرزد ہوا کہ ’ وہ دریاؤں کو چیرتی پھاڑتی جائے اور یونس کو نگل لے لیکن نہ تو ان کا جسم زخمی ہو نہ کوئی ہڈی ٹوٹے ‘۔ چنانچہ اس مچھلی نے پیغمبر اللہ علیہ السلام کو نگل لیا اور سمندروں میں چلنے پھرنے لگی۔ جب یونس علیہ السلام پوری طرح مچھلی کے پیٹ میں جا چکے تو آپ علیہ السلام کو خیال گذرا کہ میں مر چکا ہوں لیکن جب ہاتھ پیروں کو حرکت دی اور ہلے جلے تو زندگی کا یقین کر کے وہیں کھڑے ہو کر نماز شروع کر دی اور اللہ تعالیٰ سے عرض کی کہ ”اے پروردگار میں نے تیرے لیے اس جگہ مسجد بنائی ہے جہاں کوئی نہ پہنچا ہو گا۔‏‏‏‏“ تین دن یا سات دن یا چالیس دن ایک ایک دن سے بھی کم یا صرف ایک رات تک مچھلی کے پیٹ میں رہے۔ ’ اگر یہ ہماری پاکیزگی بیان کرنے والوں میں سے نہ ہوتے، یعنی جبکہ فراخی اور کشادگی اور امن و امان کی حالت میں تھے اس وقت ان کی نیکیاں اگر نہ ہوتیں ‘۔ ایک حدیث بھی اس قسم کی ہے جو عنقریب بیان ہو گی ان شاءاللہ تعالیٰ۔

سیدنا ابن عباس رضی اللہ عنہ کی حدیث میں ہے { آرام اور راحت کے وقت اللہ تعالیٰ کی عبادت کرو تو وہ سختی اور بے چینی کے وقت تمہاری مدد کرے گا۔ یہ بھی کہا گیا ہے کہ اگر یہ پابند نماز نہ ہوتے اور یہ بھی کہا گیا ہے کہ اگر مچھلی کے پیٹ میں نماز نہ پڑھتے اور یہ بھی کہا گیا ہے کہ اگر یہ «لَّآ اِلٰهَ اِلَّآ اَنْتَ سُبْحٰــنَكَ اِنِّىْ كُنْتُ مِنَ الظّٰلِمِيْنَ» ۱؎ [21-الأنبياء:87] ‏‏‏‏ کے ساتھ ہماری تسبیح نہ کرتے }۔ چنانچہ قرآن کریم کی اور آیتوں میں ہے کہ ’ اس نے اندھیروں میں یہی کلمات کہے اور ہم نے اس کی دعا قبول فرما کر اسے غم سے نجات دی اور اسی طرح ہم مومنوں کو نجات دیتے ہیں ‘۔ ابن ابی حاتم کی ایک حدیث میں ہے کہ { یونس علیہ السلام نے جب مچھلی کے پیٹ میں ان کلمات کو کہا تو یہ دعا عرش اللہ کے اردگرد منڈلانے لگی اور فرشتوں نے کہا ”اللہ یہ آواز تو کہیں بہت ہی دور کی ہے لیکن اس آواز سے ہمارے کان آشنا ضرور ہیں۔‏‏‏‏“ اللہ نے فرمایا ’ اب بھی پہچان لیا یہ کس کی آواز ہے؟ ‘ انہوں نے کہا نہیں پہچانا فرمایا ’ یہ میرے بندے یونس کی آواز ہے ‘۔ فرشتوں نے کہا وہی یونس جس کے نیک اعمال اور مقبول دعائیں ہمیشہ آسمان پر چڑھتی رہتی تھیں؟ اللہ اس پر تو ضرور رحم فرما اس کی دعا قبول کر وہ تو آسانیوں میں بھی تیرا نام لیا کرتا تھا۔ اسے بلا سے نجات دے۔ اللہ نے فرمایا ’ ہاں! میں اسے نجات دوں گا ‘۔ چنانچہ مچھلی کو حکم ہوا کہ میدان میں یونس کو اگل دے اور اس نے اگل دیا اور وہیں اللہ تعالیٰ نے ان پر ان کی نخیفی کمزوری اور بیماری کی وجہ سے چھاؤں کے لیے کدو کی بیل اگا دی اور ایک جنگلی بکری کو مقرر کر دیا جو صبح شام ان کے پاس آ جاتی تھی اور یہ اس کا دودھ پی لیا کرتے تھے }۔۱؎ [تفسیر ابن جریر الطبری:29601:ضعیف] ‏‏‏‏

سیدنا ابوہریرہ رضی اللہ عنہ کی روایت سے یہ واقعات مرفوع احادیث سے سورۃ انبیاء کی تفسیر میں بیان ہو چکے ہیں۔ ’ ہم نے انہیں اس زمین میں ڈال دیا جہاں سبزہ روئیدگی گھاس کچھ نہ تھا ‘۔ دجلہ کے کنارے یا یمن کی سر زمین پر یہ لادے گئے تھے۔ وہ اس وقت کمزور تھے جیسے پرندوں کے بچے ہوتے ہیں۔ یا بچہ جس وقت پیدا ہوتا ہے۔ یعنی صرف سانس چل رہا تھا اور طاقت ہلنے جلنے کی بھی نہ تھی۔ «یقطین» کدو کے درخت کو بھی کہتے ہیں اور ہر اس درخت کو جس کا تنا نہ ہو یعنی بیل ہو اور اس درخت کو بھی جس کی عمر ایک سال سے زیادہ نہیں ہوتی۔ کدو میں بہت سے فوائد ہیں یہ بہت جلد اگتا اور بڑھتا ہے اس کے پتوں کا سایہ گھنا اور فرحت بخش ہوتا ہے کیونکہ وہ بڑے بڑے ہوتے ہیں اور اس کے پاس مکھیاں نہیں آتیں۔ یہ غذا کا کام دے جاتا ہے اور چھلکے اور گودے سمیت کھایا جاتا ہے۔ صحیح حدیث میں ہے کہ { نبی کریم صلی اللہ علیہ وسلم کو کدو یعنی گھیا بہت پسند تھا اور برتن میں سے چن چن کر اسے کھاتے تھے }۔۱؎ [صحیح بخاری:5435] ‏‏‏‏

پھر انہیں ایک لاکھ بلکہ زیادہ آدمیوں کی طرف رسالت کے ساتھ بھیجا گیا۔ سیدنا ابن عباس رضی اللہ عنہ فرماتے ہیں اس سے پہلے آپ رسول نہ تھے۔ مجاہد رحمہ اللہ فرماتے ہیں مچھلی کے پیٹ میں جانے سے پہلے ہی آپ علیہ السلام اس قوم کی طرف رسول بنا کر بھیجے گئے تھے۔ دونوں قولوں سے اس طرح تضاد اٹھ سکتا ہے کہ پہلے بھی ان کی طرف بھیجے گئے تھے اب دوبارہ بھی ان ہی کی طرف بھیجے گئے اور وہ سب ایمان لائے اور آپ کی تصدیق کی۔ بغوی رحمہ اللہ کہتے ہیں مچھلی کے پیٹ سے نجات پانے کے بعد دوسری قوم کی طرف بھیجے گئے تھے۔ یہاں «اَوْ» معنی میں بلکہ کے ہے اور وہ ایک لاکھ تیس ہزار یا اس سے بھی کچھ اوپر۔ یا ایک لاکھ چالیس ہزار سے بھی زیادہ یا ستر ہزار سے بھی زیادہ یا ایک لاکھ دس ہزار اور ایک غریب مرفوع حدیث کی رو سے { ایک لاکھ بیس ہزار تھے }۔ ۱؎ [سنن ترمذي:3229،قال الشيخ الألباني:ضعیف] ‏‏‏‏ یہ مطلب بھی بیان کیا گیا ہے کہ انسانی اندازہ ایک لاکھ سے زیادہ ہی کا تھا۔ ابن جریر رحمہ اللہ کا یہی مسلک ہے اور یہی مسلک ان کا آیت «‏‏‏‏اَوْ اَشَدُّ قَسْوَةً» [2-البقرة:74] ‏‏‏‏ اور آیت «اَوْ اَشَدَّ خَشْـيَةً» ۱؎ [4-النساء:77] ‏‏‏‏ اور آیت «اَوْ اَدْنٰى» ۱؎ [53-النجم:9] ‏‏‏‏ میں ہے یعنی ’ اس سے کم نہیں اس سے زائد ہے ‘۔ پس قوم یونس علیہ السلام سب کی سب مسلمان ہو گئی، یونس علیہ السلام کی تصدیق کی اور اللہ پر ایمان لے آئے۔ ’ ہم نے بھی ان کے مقررہ وقت یعنی موت کی گھڑی تک دنیوی فائدے دئے اور آیت میں ہے «فَلَوْلَا كَانَتْ قَرْ‌يَةٌ آمَنَتْ فَنَفَعَهَا إِيمَانُهَا إِلَّا قَوْمَ يُونُسَ لَمَّا آمَنُوا كَشَفْنَا عَنْهُمْ عَذَابَ الْخِزْيِ فِي الْحَيَاةِ الدُّنْيَا وَمَتَّعْنَاهُمْ إِلَىٰ حِينٍ» ۱؎ [10-يونس:98] ‏‏‏‏ ’ کسی بستی کے ایمان نے انہیں (‏‏‏‏عذاب آ چکنے کے بعد) نفع نہیں دیا سوائے قوم یونس کے وہ جب ایمان لائے تو ہم نے ان پر سے عذاب ہٹا لیے اور انہیں ایک معیاد معین تک بہرہ مند کیا ‘۔

آیات 149–160

مشرکین کا اللہ تعالٰی کے لئے دوہرا معیار ٭٭

اللہ تعالیٰ مشرکوں کی بیوقوفی بیان فرما رہا ہے کہ ’ اپنے لیے تو لڑکے پسند کرتے ہیں اور اللہ کے لیے لڑکیاں مقرر کرتے ہیں۔ اگر لڑکی ہونے کی خبر یہ پائیں تو چہرے سیاہ پڑ جاتے ہیں اور اللہ کی لڑکیاں ثابت کرتے ہیں ‘۔ پس فرماتا ہے ’ ان سے پوچھ تو سہی کہ یہ تقسیم کیسی ہے؟ کہ تمہارے تو لڑکے ہوں اور اللہ کے لیے لڑکیاں ہوں؟ ‘ پھر فرماتا ہے کہ ’ یہ فرشتوں کو لڑکیاں کس ثبوت پر کہتے ہیں؟ کیا ان کی پیدائش کے وقت وہ موجود تھے ‘۔ قرآن کی اور آیت «‏‏‏‏وَجَعَلُوا الْمَلَائِكَةَ الَّذِينَ هُمْ عِبَادُ الرَّ‌حْمَـٰنِ إِنَاثًا أَشَهِدُوا خَلْقَهُمْ سَتُكْتَبُ شَهَادَتُهُمْ وَيُسْأَلُونَ» ‏‏‏‏ ۱؎ [43-الزخرف:19] ‏‏‏‏، میں بھی یہی بیان ہے۔ دراصل یہ قول ان کا محض جھوٹ ہے۔ کہ اللہ کے ہاں اولاد ہے۔ وہ اولاد سے پاک ہے۔ پس ان لوگوں کے تین جھوٹ اور تین کفر ہوئے اول تو یہ کہ فرشتے اللہ کی اولاد ہیں دوسرے یہ کہ اولاد بھی لڑکیاں تیسرے یہ کہ خود فرشتوں کی عبادت شروع کر دی۔

پھر فرماتا ہے کہ «‏‏‏‏أَلَكُمُ الذَّكَرُ وَلَهُ الْأُنثَىٰ تِلْكَ إِذًا قِسْمَةٌ ضِيزَىٰ» [ 53-النجم: 21، 22 ] ‏‏‏‏ آخر کس چیز نے اللہ کو مجبور کیا کہ اس نے لڑکے تو لیے نہیں اور لڑکیاں اپنی ذات کے لیے پسند فرمائیں؟ جیسے اور آیت میں ہے کہ «أَفَأَصْفَاكُمْ رَ‌بُّكُم بِالْبَنِينَ وَاتَّخَذَ مِنَ الْمَلَائِكَةِ إِنَاثًا إِنَّكُمْ لَتَقُولُونَ قَوْلًا عَظِيمًا» ۱؎ [17-الإسراء:40] ‏‏‏‏ ’ تمہیں تو لڑکوں سے نوازے اور فرشتوں کو اپنی لڑکیاں بنائے یہ تو تمہاری نہایت درجہ کی لغویات ہے ‘۔ یہاں فرمایا ’ کیا تمہیں عقل نہیں جو ایسی دور از قیاس باتیں بناتے ہو تم سمجھتے نہیں ہو ڈرو کہ اللہ پر جھوٹ باندھنا کیسا برا ہے؟ اچھا گر کوئی دلیل تمہارے پاس ہو تو لاؤ اسی کو پیش کرو۔ یا اگر کسی آسمانی کتاب سے تمہارے اس قول کی سند ہو اور تم سچے ہو تو لاؤ اسی کو سامنے لے آؤ۔ یہ تو ایسی لچر اور فضول بات ہے جس کی کوئی عقلی یا نقلی دلیل ہو ہی نہیں سکتی ‘۔ اتنے ہی پر بس نہ کی، جنات میں اور اللہ میں بھی رشتے داری قائم کی۔ مشرکوں کے اس قول پر کہ فرشتے اللہ کی لڑکیاں ہیں سیدنا صدیق اکبر رضی اللہ عنہ نے سوال کیا کہ ”پھر ان کی مائیں کون ہیں؟“ تو انہوں نے کہا جن سرداروں کی لڑکیاں۔ حالانکہ خود جنات کو اس کا یقین و علم ہے کہ اس قول کے قائل قیامت کے دن عذابوں میں مبتلا کئے جائیں گے۔ ان میں بعض دشمنان اللہ تو یہاں تک کم عقلی کرتے تھے کہ شیطان بھی اللہ کا بھائی ہے۔ ۱؎ [تفسیر ابن جریر الطبری:535/10:] ‏‏‏‏ نعوذ باللہ۔ اللہ تعالیٰ اس سے بہت پاک منزہ اور بالکل دور ہے جو یہ مشرک اس کی ذات پر الزام لگاتے ہیں اور جھوٹے بہتان باندھتے ہیں۔ اس کے بعد استثناء منقطع ہے اور ہے مثبت مگر اس صورت میں کہ «یَصِفُوْنَ» کی ضمیر کا مرجع تمام لوگ قرار دیئے جائیں۔ پس ان میں سے ان لوگوں کو الگ کر لیا جو حق کے ماتحت ہیں اور تمام نبیوں رسولوں علیہم السلام پر ایمان رکھتے ہیں۔ امام ابن جریر رحمہ اللہ فرماتے ہیں کہ یہ استثناء «اِنَّهُمْ لَمُحْضَرُوْنَ» سے ہے یعنی ’ سب کے سب عذاب میں پھانس لیے جائیں گے مگر وہ بندگان جو اخلاص والے تھے ‘۔ یہ قول ذرا تامل طلب ہے «وَاللهُ اَعْلَمُ» ۔

آیات 161–170

فرشتوں کے اوصاف ٭٭

اللہ تعالیٰ مشرکوں سے فرما رہا ہے کہ ’ تمہاری گمراہی اور شرک و کفر کی تعلیم وہی قبول کریں گے جو جہنم کے لیے پیدا کئے گئے ہوں۔ جو عقل سے خالی کانوں سے بہرے اور آنکھوں کے اندھے ہوں جو مثل چوپایوں کے بلکہ ان سے بھی بدرجہا بدتر ہوں ‘ ۱؎ [7-الأعراف:179] ‏‏‏‏۔ جیسے اور جگہ فرمایا ہے کہ ’ اس سے وہی گمراہ ہو سکتے ہیں جو دماغ کے خالی اور باطل کے شیدائی ہوں ‘ ۱؎ [51-الذاريات:9-8] ‏‏‏‏۔ ازاں بعد فرشتوں کی برأت اور ان کی تسلی و رضا ایمان و اطاعت کا ذکر فرمایا کہ ’ وہ خود کہتے ہیں کہ ہم میں سے ہر ایک کے لیے ایک مقرر جگہ اور ایک مقام عبادت مخصوص ہے جس سے نہ ہم ہٹ سکتے ہیں نہ اس میں کمی بیشی کر سکتے ہیں ‘۔ نبی کریم صلی اللہ علیہ وسلم کا فرمان ہے کہ { آسمان چر چرا رہا ہے اور واقع میں اسے چر چرانا بھی چاہیئے اس میں ایک قدم رکھنے جتنی جگہ بھی خالی نہیں جہاں کوئی نہ کوئی فرشتہ رکوع سجدے میں پڑا ہوا نہ ہو۔ پھر آپ صلی اللہ علیہ وسلم نے ان تینوں آیتوں کی تلاوت کی } ۱؎ [الدر المنشور للسیوطی:539/5:موضوع] ‏‏‏‏ ایک روایت میں { آسمان دنیا کا لفظ ہے } ۱؎ [سلسلة احادیث صحیحه البانی:1059،] ‏‏‏‏۔ سیدنا ابن مسعود رضی اللہ عنہ فرماتے ہیں ایک بالشت بھر جگہ آسمانوں میں ایسی نہیں جہاں پر کسی نہ کسی فرشتے کے قدم یا پیشانی نہ ہو۔

قتادہ رحمہ اللہ فرماتے ہیں پہلے تو مرد عورت ایک ساتھ نماز پڑھتے تھے لیکن اس آیت کے نزول کے بعد مردوں کو آگے بڑھا دیا گیا اور عورتوں کو پیچھے کر دیا گیا۔ ’ اور ہم سب فرشتے صفہ بستہ عبادت اللہ کی کیا کرتے ہیں‘۔ آیت «‏‏‏‏وَالصّــٰفّٰتِ صَفًّا» ۱؎ [ 37- الصافات: 1 ] ‏‏‏‏ کی تفسیر میں اس کا بیان گذر چکا ہے۔ ولید بن عبداللہ رحمہ اللہ فرماتے ہیں کہ اس آیت کے نازل ہونے تک نماز کی صفیں نہیں تھیں پھر صفیں مقرر ہو گئیں۔ سیدنا عمر رضی اللہ عنہ اقامت کے بعد لوگوں کی طرف منہ کر کے فرماتے تھے ”صفیں ٹھیک درست کرلو سیدھے کھڑے ہو جاؤ اللہ تعالیٰ تم سے بھی فرشتوں کی طرف صف بندی چاہتا ہے۔ جیسے وہ فرماتے ہیں «وَإِنَّا لَنَحْنُ الصَّافُّونَ» “ ۱؎ [37-الصافات:165] ‏‏‏‏ ”اے فلاں آگے بڑھ اے فلاں پیچھے ہٹ۔‏‏‏‏“ پھر آپ رضی اللہ عنہ آگے بڑھ کر نماز شروع کرتے۔ [ابن ابی حاتم] ‏‏‏‏ صحیح مسلم میں ہے { نبی کریم صلی اللہ علیہ وسلم فرماتے ہیں { ہمیں تین فضیلتیں ایسی دی گئی ہیں جن میں اور کوئی ہمارے ساتھ نہیں۔ ہماری صفیں فرشتوں جیسی بنائی گئیں۔ ہمارے لیے ساری زمین مسجد بنائی گئی اور ہمارے لیے زمین کی مٹی پاک کرنے والی بنائی گئی } }۔ ۱؎ [صحیح مسلم:522] ‏‏‏‏ ’ ہم اللہ کی تسبیح اور پاکی بیان کرنے والے ہیں اس کی بزرگی اور بڑائی بیان کرتے ہیں۔ تمام نقصانوں سے اسے پاک مانتے ہیں۔ ہم سب فرشتے اس کے غلام ہیں اس کے محتاج ہیں اس کے سامنے اپنی پستی اور عاجزی کا اظہار کرنے والے ہیں ‘۔ پس یہ تینوں اوصاف فرشتوں کے ہیں۔ یہ بھی کہا گیا ہے کہ تسبیح کرنے والوں سے مراد نماز پڑھنے والے ہیں۔

اور آیت میں ہے «وَقَالُوا اتَّخَذَ الرَّحْمٰنُ وَلَدًا» ۱؎ [19-مريم:88] ‏‏‏‏، یعنی ’ کفار نے کہا اللہ کی اولاد ہے ‘، اللہ اس سے پاک ہے البتہ فرشتے اس کے محترم بندے ہیں اس کے فرمان سے آگے نہیں بڑھتے، اس کے احکام پر عمل کرتے ہیں وہ ان کا آگا پیچھا بخوبی جانتا ہے وہ کسی کی شفاعت کا بھی اختیار نہیں رکھتے بجز اس کے جس کے لیے رحمان راضی ہو وہ تو خوف اللہ سے تھرتھراتے رہتے ہیں۔ ان میں سے جو اپنے آپ کو لائق عبادت کہے ہم اسے جہنم میں جھونک دیں ظالموں کی سزا ہمارے ہاں یہی ہے۔ نبی کریم صلی اللہ علیہ وسلم ان کے پاس آئے، اس سے پہلے تو یہ کہتے تھے کہ اگر ہمارے پاس کوئی آ جائے جو ہمیں اللہ کی راہ کی تعلیم دیتا اور ہمارے سامنے اگلے لوگوں کے واقعات بطور نصیحت پیش کرتا اور ہمارے پاس کتاب اللہ لے آتا تو یقیناً ہم مخلص مسلمان بن جاتے۔ جیسے اور آیت میں ہے «‏‏‏‏وَأَقْسَمُوا بِاللَّـهِ جَهْدَ أَيْمَانِهِمْ لَئِن جَاءَهُمْ نَذِيرٌ‌ لَّيَكُونُنَّ أَهْدَىٰ مِنْ إِحْدَى الْأُمَمِ فَلَمَّا جَاءَهُمْ نَذِيرٌ‌ مَّا زَادَهُمْ إِلَّا نُفُورً‌ا» ۱؎ [35-فاطر:42] ‏‏‏‏، یعنی ’ بڑی پختہ قسمیں کھا کھا کر کہتے تھے کہ اگر کوئی نبی کریم ہماری موجودگی میں آ جائیں تو ہم بڑے نیک بن جائیں گے اور ہدایت کی راہ کی طرف سب سے پہلے دوڑیں گے، لیکن جب نبی اللہ آ گئے تو بھاگ کھڑے ہوئے ‘۔ اور آیت میں فرمایا «‏‏‏‏أَن تَقُولُوا إِنَّمَا أُنزِلَ الْكِتَابُ عَلَىٰ طَائِفَتَيْنِ مِن قَبْلِنَا وَإِن كُنَّا عَن دِرَ‌اسَتِهِمْ لَغَافِلِينَ» الخ ۱؎ [6-الأنعام:156-157] ‏‏‏‏، پس یہاں فرمایا کہ ’ جب یہ تمنا پوری ہوئی تو کفر کرنے لگے۔ اب انہیں عنقریب معلوم ہو جائے گا کہ اللہ سے کفر کرنے کا اور نبی کریم صلی اللہ علیہ وسلم کو جھٹلانے کا کیا نتیجہ نکلتا ہے؟‘

آیات 171–179

عذاب الٰہی آ کر رہے گا ٭٭

ارشاد باری ہے کہ ہم تو اگلی کتابوں میں بھی لکھ آئے ہیں پہلے نبیوں کی زبانی بھی دنیا کو سنا چکے ہیں کہ دنیا اور آخرت میں ہمارے رسول اور ان کے تابعداروں ہی کا انجام بہتر ہوتا ہے جیسے فرمایا «كَتَبَ اللّٰهُ لَاَغْلِبَنَّ اَنَا وَرُسُلِيْ ۭ اِنَّ اللّٰهَ قَوِيٌّ عَزِيْزٌ» ۱؎ [58-المجادلة:21] ‏‏‏‏، اور فرمایا «اِنَّا لَنَنْصُرُ رُسُلَنَا وَالَّذِيْنَ اٰمَنُوْا فِي الْحَيٰوةِ الدُّنْيَا وَيَوْمَ يَقُوْمُ الْاَشْهَادُ» ۱؎ [40-غافر:51] ‏‏‏‏، یعنی ’ میں، میرے رسول اور ایماندار ہی دونوں جہان میں غالب رہیں گے ‘۔ یہاں بھی یہی فرمایا کہ ’ رسولوں سے ہمارا وعدہ ہو چکا ہے۔ کہ وہ منصور ہیں۔ ہم خود ان کی مدد کریں گے۔ دیکھتے چلے آؤ کہ ان کے دشمن کس طرح خاک میں ملا دیئے گئے؟ یاد رکھو ہمارا لشکر ہی غالب رہے گا۔ انجام کار انہی کے ہاتھ رہے گا۔ تو ایک وقت مقررہ تک صبر و استقامت سے معاملہ دیکھتا رہ ان کی ایذاؤں پر صبر کر ہم تجھے ان سب پر غالب کر دیں گے۔ دنیا نے دیکھ لیا کہ یہی ہوا بھی تو انہیں دیکھتا رہ کہ کس طرح اللہ کی پکڑ ان پر نازل ہوتی ہے؟ اور کس طرح یہ ذلت و توہین کے ساتھ پکڑ لیے جاتے ہیں؟ یہ خود ان تمام رسوائیوں کو ابھی ابھی دیکھ لیں گے۔ تعجب سا تعجب ہے کہ یہ طرح طرح کے چھوٹے چھوٹے عذابوں کی گرفت کے باوجود ابھی تک بڑے عذاب کو محال جانتے ہوئے کہتے ہیں کہ وہ کب آئے گا؟ ‘ پس انہیں جواب ملتا ہے کہ ’ جب عذاب ان کے میدانوں میں، محلوں میں، انگنائیوں میں آئے گا وہ دن ان پر بڑا ہی بھاری دن ہو گا۔ یہ ہلاک اور برباد کر دیئے جائیں گے ‘۔

صحیح بخاری شریف میں ہے کہ { خیبر کے میدانوں میں نبی کریم صلی اللہ علیہ وسلم کا لشکر صبح ہی صبح کفار کی بے خبری میں پہنچ گیا وہ لوگ حسب عادت اپنی کھیتیوں کے آلات لے کر شہر سے نکلے اور اس اللہ کی فوج کو دیکھ کر بھاگے اور شہر والوں کو خبر کی، اس وقت آپ صلی اللہ علیہ وسلم نے یہی فرمایا کہ { اللہ بہت بڑا ہے خیبر خراب ہوا۔ ہم جب کسی قوم کے میدان میں اتر آتے ہیں اس وقت ان کی درگت ہوتی ہے } }۔ ۱؎ [صحیح بخاری:371] ‏‏‏‏ پھر دوبارہ پہلے حکم کی تاکید کی کہ ’ تو ان سے ایک مدت معین تک کے لیے بے پرواہ ہو جا اور انہیں چھوڑ دے اور دیکھتا رہ یہ بھی دیکھ لیں گے ‘۔

آیات 180–182

اللہ تعالٰی مشرکین کے بہتانات سے مبرا ہے ٭٭

اللہ تعالیٰ ان تمام چیزوں سے اپنی برأت بیان فرماتا ہے جو مشرکین اس کی طرف منسوب کرتے تھے۔ جیسے اولاد شریک وغیرہ۔ وہ بہت بڑی اور لازوال عزت والا ہے۔ ان جھوٹے اور مفتری لوگوں کے بہتان سے وہ پاک اور منزہ ہے۔ اللہ کے رسولوں پر سلام ہے اس لیے کہ ان کی تمام باتیں ان عیوب سے مبرا ہیں جو مشرکوں کی باتوں میں موجود ہیں بلکہ نبیوں کی باتیں اور اوصاف جو اللہ تعالیٰ کے بارے میں بیان کرتے ہیں سب صحیح اور برحق ہیں۔ اسی کی ذات کے لیے تمام حمد و ثناء ہے دنیا اور آخرت میں ابتداء اور انتہاء کا وہی سزاوار تعریف ہے۔ ہر حال میں قابل حمد وہی ہے۔ تسبیح سے ہر طرح کے نقصان سے اس کی ذات پاک سے دوری ثابت ہوتی ہے، تو ثابت ہوتا ہے کہ ہر طرح کے کمالات کی مالک اس کی ذات واحد ہے۔ اسی کو صاف لفظوں میں حمد ثابت کیا۔ تاکہ نقصانات کی نفی اور کمالات کا اثبات ہو جائے۔ ایسے ہی قران کریم کی بہت سی آیتوں میں تسبیح اور حمد کو ایک ساتھ بیان کیا گیا ہے۔

حضرت قتادہ رحمہ اللہ سے مروی ہے کہ { نبی کریم صلی اللہ علیہ وسلم نے فرمایا { تم جب مجھ پر سلام بھیجو اور نبیوں پر بھی سلام بھیجو کیونکہ میں بھی منجملہ اور نبیوں میں سے ایک نبی ہی ہوں }۔ } ۱؎ [تفسیر ابن جریر الطبری:29704:] ‏‏‏‏ یہ حدیث مسند میں بھی مروی ہے۔ ابویعلیٰ کی ایک ضعیف حدیث میں ہے { جب حضور صلی اللہ علیہ وسلم سلام کا ارادہ کرتے تو ان تینوں آیتوں کو پڑھ کرسلام کرتے }۔ ۱؎ [مسند ابویعلیٰ:1118:ضعیف] ‏‏‏‏ ابن ابی حاتم میں ہے { جو شخص یہ چاہے کہ بھرپور پیمانے سے ناپ کر اجر پائے تو وہ جس کسی مجلس میں ہو وہاں سے اٹھتے ہوئے یہ تینوں آیتیں پڑھ لے } ۱؎ [الدر المنشور للسیوطی:554/5:ضعیف] ‏‏‏‏، اور سند سے یہ روایت سیدنا علی رضی اللہ عنہ سے موقوفاً مروی ہے۔۱؎ [بغوی:40/4:ضعیف] ‏‏‏‏ طبرانی کی حدیث میں ہے { جو شخص ہر فرض نماز کے بعد تین مرتبہ ان تینوں آیتوں کی تلاوت کرے اسے بھرپور اجر پورے پیمانے سے ناپ کر ملے گا }۔۱؎ [طبرانی کبیر:5124:ضعیف] ‏‏‏‏ مجلس کے کفارے کے بارے میں بہت سی احادیث میں آیا ہے کہ { یہ پڑھے «سُبْحَانَکَ اللّٰهُمَّ وَبِحَمْدِکَ اَلَّااِلٰهَ اِلَّااَنْتَ اَسْتَغْفِرُکَ وَاَتُوْبُ اِلَیْکَ» }۔ ۱؎ [سنن ابوداود:4857،قال الشيخ الألباني:صحیح] ‏‏‏‏ میں نے اس مسئلہ پر ایک مستقل کتاب لکھی ہے۔

الركوع السابق → (4) السورة كاملة ← الركوع التالي