☽ 5 Jumada al-Akhirah 1448 AH بِسْمِ اللَّهِ الرَّحْمَنِ الرَّحِيمِ
Surah Al-'Adiyat
Rukoo 1 of 1 Verses 1–11
Quran→ Surah Al-'Adiyat→ Rukoo 1

The Holy Qur'an

وَ الۡعٰدِیٰتِ ضَبۡحًا ۙ﴿۱﴾ فَالۡمُوۡرِیٰتِ قَدۡحًا ۙ﴿۲﴾ فَالۡمُغِیۡرٰتِ صُبۡحًا ۙ﴿۳﴾ فَاَثَرۡنَ بِہٖ نَقۡعًا ۙ﴿۴﴾ فَوَسَطۡنَ بِہٖ جَمۡعًا ۙ﴿۵﴾ اِنَّ الۡاِنۡسَانَ لِرَبِّہٖ لَکَنُوۡدٌ ۚ﴿۶﴾ وَ اِنَّہٗ عَلٰی ذٰلِکَ لَشَہِیۡدٌ ۚ﴿۷﴾ وَ اِنَّہٗ لِحُبِّ الۡخَیۡرِ لَشَدِیۡدٌ ؕ﴿۸﴾ اَفَلَا یَعۡلَمُ اِذَا بُعۡثِرَ مَا فِی الۡقُبُوۡرِ ۙ﴿۹﴾ وَ حُصِّلَ مَا فِی الصُّدُوۡرِ ﴿ۙ۱۰﴾ اِنَّ رَبَّہُمۡ بِہِمۡ یَوۡمَئِذٍ لَّخَبِیۡرٌ ٪﴿۱۱﴾

Translation

ترجمہ: سید ابو الاعلیٰ مودودی
قسم ہے اُن (گھوڑوں) کی جو پھنکارے مارتے ہوئے دوڑتے ہیں ﴿۱﴾ پھر (اپنی ٹاپوں سے) چنگاریاں جھاڑتے ہیں ﴿۲﴾ پھر صبح سویرے چھاپہ مارتے ہیں ﴿۳﴾ پھر اس موقع پر گرد و غبار اڑاتے ہیں ﴿۴﴾ پھر اِسی حالت میں کسی مجمع کے اندر جا گھستے ہیں ﴿۵﴾ حقیقت یہ ہے کہ انسان اپنے رب کا بڑا ناشکرا ہے ﴿۶﴾ اور وہ خود اِس پر گواہ ہے ﴿۷﴾ اور وہ مال و دولت کی محبت میں بری طرح مبتلا ہے ﴿۸﴾ تو کیا وہ اُس حقیقت کو نہیں جانتا جب قبروں میں جو کچھ (مدفون) ہے اُسے نکال لیا جائے گا ﴿۹﴾ اور سینوں میں جو کچھ (مخفی) ہے اُسے برآمد کر کے اس کی جانچ پڑتال کی جائے گی؟ ﴿۱۰﴾ یقیناً اُن کا رب اُس روز اُن سے خوب باخبر ہوگا ﴿۱۱﴾

Tafsir

تفہیم القرآن مولانا مودودیؒ

شروع اللہ کے نام سے جو بڑا مہربان اور نہایت رحم والا ہے قسم ہے اُن (گھوڑوں) کی جو پھُنکارے مارتے ہوئے دَوڑتے ہیں،1 پھر (اپنی ٹاپوں سے) چِنگاریاں جھاڑتے ہیں،2 پھر صبح سویرے چھاپہ مارتے ہیں،3 پھر اس موقع پر گَردوغبار اُڑاتے ہیں، پھر اِسی حالت میں کسی مجمع کے اندر جا گھُستے ہیں۔ حقیقت یہ ہے کہ انسان اپنے ربّ کا بڑا ناشکرا ہے،4 اور وہ خود اِس پر گواہ ہے،5 اور وہ مال و دولت کی محبت میں بُری طرح مُبتلا ہے۔6 تو کیا وہ اُس وقت کو نہیں جانتا جب قبروں میں جو کچھ (مدفون) ہے اُسے نکال لیا جائے گا،7 اور سینوں میں جو کچھ (مخفی) ہے اُسے بر آمد کر کے اس کی جانچ پڑتال کی جائے گی؟ 8 یقیناً اُن کا ربّ اُس روز اُن سے خوب باخبر ہوگا۔9 ؏۱
← Previous Rukoo Full Surah Next Rukoo →