Mustadrak al-Hakim

سیدنا نعیم بن دجاجہ رضی اللہ عنہ سے روایت ہے، انہوں نے کہا: میں سیدنا علی رضی اللہ عنہ کے پاس بیٹھا ہوا تھا کہ سیدنا عقبہ ابومسعود رضی اللہ عنہ تشریف لائے، تو سیدنا علی رضی اللہ عنہ نے ان سے (محبت بھرے لہجے میں) فرمایا: ”اے فروخ! کیا تم نے یہ بات کہی ہے؟ یا کیا تم لوگوں کو یہ فتویٰ دیتے ہو؟“ انہوں نے جواب دیا: ”میں تو انہیں انجام کے متعلق خبر دیتا ہوں اور انجام برا ہے“، سیدنا علی رضی اللہ عنہ نے فرمایا: ”ہمیں وہ بات سناؤ جو تم نے سو سال کے متعلق رسول اللہ صلی اللہ علیہ و آلہ وسلم سے سنی ہے“، انہوں نے کہا: میں نے رسول اللہ صلی اللہ علیہ و آلہ وسلم کو یہ فرماتے ہوئے سنا: ”سو سال کا عرصہ نہیں گزرے گا مگر زمین پر کوئی بھی آنکھ جھپکنے والا (زندہ انسان) باقی نہیں رہے گا“، سیدنا علی رضی اللہ عنہ نے فرمایا: ”تم سے غلطی ہوئی ہے، اور تم نے اپنے پہلے فتوے میں بھی غلطی کی تھی، آپ صلی اللہ علیہ و آلہ وسلم کی مراد تو صرف ان لوگوں سے تھی جو اس دن (روئے زمین پر) زندہ تھے، اور کیا خوشحالی اور تنگی سے نجات سو سال کے بعد ہی نہیں ہونی؟!“ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8730]