Mustadrak al-Hakim

سیدنا عقبہ بن عامر رضی اللہ عنہ سے روایت ہے کہ ایک شخص رسول اللہ صلی اللہ علیہ و آلہ وسلم کی خدمت میں حاضر ہوا اور عرض کیا: اے اللہ کے رسول صلی اللہ علیہ و آلہ وسلم ! ہم میں سے کوئی گناہ کر بیٹھتا ہے، آپ صلی اللہ علیہ و آلہ وسلم نے فرمایا: ”وہ اس کے نامہ اعمال میں لکھ دیا جاتا ہے“ اس نے عرض کیا: پھر وہ اس سے مغفرت مانگتا اور توبہ کرتا ہے، آپ صلی اللہ علیہ و آلہ وسلم نے فرمایا: ”اسے معاف کر دیا جاتا ہے اور اس کی توبہ قبول کر لی جاتی ہے“ اس نے عرض کیا: وہ دوبارہ گناہ کر بیٹھتا ہے، آپ صلی اللہ علیہ و آلہ وسلم نے فرمایا: ”وہ (دوبارہ) لکھ دیا جاتا ہے، اور اللہ تعالیٰ (معاف کرنے سے) نہیں اکتاتا یہاں تک کہ تم خود (توبہ کرنے سے) اکتا جاؤ۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ التَّوْبَةِ وَالْإِنَابَةِ/حدیث: 7851]