Mustadrak al-Hakim

سیدنا انس بن مالک رضی اللہ عنہ سے روایت ہے کہ ایک عورت سیدہ عائشہ رضی اللہ عنہا کے پاس کچھ مانگنے آئی اور اس کے ساتھ اس کے دو بچے تھے۔ سیدہ عائشہ رضی اللہ عنہا نے اسے تین کھجوریں عطا کیں، اس عورت نے دونوں بچوں کو ایک ایک کھجور دے دی اور ایک کھجور اپنے (کھانے کے) لیے رکھ لی۔ ان دونوں بچوں نے اپنی کھجوریں کھا لیں، پھر اس عورت نے اپنی کھجور پکڑی اور اسے دو حصوں میں تقسیم کر دیا اور اپنے دونوں بچوں کو آدھی آدھی کھجور دے دی۔ جب نبی کریم صلی اللہ علیہ و آلہ وسلم تشریف لائے تو سیدہ عائشہ رضی اللہ عنہا نے آپ صلی اللہ علیہ و آلہ وسلم کو اس واقعے کی خبر دی، تو آپ صلی اللہ علیہ و آلہ وسلم نے فرمایا: ”تمہیں اس کی اس بات پر کیا تعجب ہے؟ یقیناً اللہ تعالیٰ نے اس کے اپنے بچوں پر رحم کرنے کی وجہ سے اس پر رحم فرمایا ہے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ الْبِرِّ وَالصِّلَةِ/حدیث: 7536]