Mustadrak al-Hakim

سیدنا انس بن مالک رضی اللہ عنہ سے روایت ہے، انہوں نے کہا: میں رسول اللہ صلی اللہ علیہ و آلہ وسلم کی صاحبزادی (کے جنازے) میں شریک تھا، آپ صلی اللہ علیہ و آلہ وسلم قبر کے کنارے تشریف فرما تھے اور میں نے دیکھا کہ آپ صلی اللہ علیہ و آلہ وسلم کی آنکھوں سے آنسو جاری تھے، آپ صلی اللہ علیہ و آلہ وسلم نے پوچھا: ”کیا تم میں کوئی ایسا شخص ہے جس نے آج کی رات اپنی اہلیہ سے قربت نہ کی ہو؟“ سیدنا ابو طلحہ رضی اللہ عنہ نے عرض کی: یا رسول اللہ! میں ہوں، آپ صلی اللہ علیہ و آلہ وسلم نے فرمایا: ”تو تم ان کی قبر میں اترو۔“
یہ حدیث امام بخاری اور امام مسلم کی شرط پر صحیح ہے لیکن ان دونوں نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7026]