Mustadrak al-Hakim

حمید سے روایت ہے کہ سیدنا انس بن مالک رضی اللہ عنہ نے رسول اللہ صلی اللہ علیہ و آلہ وسلم سے ایک حدیث بیان کی تو ایک شخص نے دریافت کیا: ”کیا آپ نے یہ خود رسول اللہ صلی اللہ علیہ و آلہ وسلم سے سنی ہے؟“ اس پر آپ بہت زیادہ غضبناک ہوئے اور فرمایا: ”اللہ کی قسم! ہم تمہیں جو کچھ بھی بیان کرتے ہیں وہ سب ہم نے خود رسول اللہ صلی اللہ علیہ و آلہ وسلم سے نہیں سنا ہوتا، بلکہ ہم میں سے بعض بعض کو (احادیث) بیان کرتے تھے اور ہم ایک دوسرے پر (جھوٹ کا) اتہام نہیں لگاتے تھے۔“
اب ان صحابہ کرام کی جماعت کا ذکر جن کے مناقب ہمیں پہنچے اور ان کا تذکرہ پچھلے مذکورہ صحابہ سے مؤخر ہو گیا، نیز ان کی ولادت اور وفات کے اوقات کی معرفت؛ ان میں سے ایک حمل بن مالک بن نابغہ ہذلی ہیں۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6601]