Mustadrak al-Hakim

سیدنا ابوموسیٰ اشعری رضی اللہ عنہ سے روایت ہے کہ ایک رات نبی کریم صلی اللہ علیہ و آلہ وسلم کا ان کے پاس سے گزر ہوا جبکہ سیدہ عائشہ رضی اللہ عنہا بھی آپ صلی اللہ علیہ و آلہ وسلم کے ہمراہ تھیں، ابوموسیٰ قرآن کی تلاوت کر رہے تھے، آپ صلی اللہ علیہ و آلہ وسلم کھڑے ہو گئے اور ان کی تلاوت سننے لگے، پھر آگے تشریف لے گئے، جب صبح ہوئی اور ابوموسیٰ رضی اللہ عنہ نبی کریم صلی اللہ علیہ و آلہ وسلم کی خدمت میں حاضر ہوئے تو آپ صلی اللہ علیہ و آلہ وسلم نے فرمایا: ”اے ابوموسیٰ! کل رات میرا تمہارے پاس سے گزر ہوا تھا جبکہ تم تلاوت کر رہے تھے، پس ہم تمہاری قرأت سننے کے لیے رک گئے تھے“، سیدنا ابوموسیٰ رضی اللہ عنہ نے عرض کیا: ”اے اللہ کے نبی! اگر مجھے آپ کی موجودگی کا علم ہوتا تو میں آپ کے لیے (قرآن کو) اور زیادہ سجا کر اور خوبصورت آواز میں تلاوت کرتا۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6079]