Mustadrak al-Hakim

سیدنا ابو مسعود عقبہ بن عمرو رضی اللہ عنہ سے روایت ہے، انہوں نے کہا: میری نظر میں کوئی ایسا شخص نہیں جو اللہ تعالیٰ کی طرف سے محمد صلی اللہ علیہ و آلہ وسلم پر نازل کردہ علم کا عبد اللہ بن مسعود رضی اللہ عنہ سے بڑھ کر جاننے والا ہو، تو سیدنا ابو موسیٰ اشعری رضی اللہ عنہ نے فرمایا: ”اگر آپ یہ فرما رہے ہیں تو بلاشبہ وہ اس وقت بھی (فرمانِ نبوی) سنتے تھے جب ہم نہیں سنتے تھے اور وہ (نبی کریم صلی اللہ علیہ و آلہ وسلم کی بارگاہ میں) اس وقت بھی داخل ہوتے تھے جب ہمیں داخلے کی اجازت نہیں ہوتی تھی۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5466]