Mustadrak al-Hakim

سیدنا علی رضی اللہ عنہ سے روایت ہے کہ رسول اللہ صلی اللہ علیہ و آلہ وسلم نے مجھے بلا کر فرمایا: ”اے علی! تم میں عیسیٰ (علیہ السلام) کی ایک مثال پائی جاتی ہے، یہودیوں نے ان سے ایسا بغض رکھا کہ ان کی والدہ پر بہتان تراشی کی اور عیسائیوں نے ان سے ایسی (حد سے بڑھی ہوئی) محبت کی کہ انہیں اس مقام پر پہنچا دیا جو ان کا نہیں تھا۔“ سیدنا علی رضی اللہ عنہ نے فرمایا: ”آگاہ رہو! میرے معاملے میں بھی دو قسم کے لوگ ہلاک ہوں گے، ایک وہ محبت کرنے والا جو حد سے بڑھ کر میری ایسی تعریفیں کرے گا جو مجھ میں نہیں، اور دوسرا وہ بغض رکھنے والا بہتان طراز جسے میرا بغض اس بات پر ابھارے گا کہ وہ مجھ پر بہتان باندھے۔ یاد رکھو! میں نہ تو نبی ہوں اور نہ ہی مجھ پر وحی نازل ہوتی ہے، بلکہ میں اپنی استطاعت کے مطابق کتاب اللہ اور سنتِ نبوی صلی اللہ علیہ و آلہ وسلم پر عمل کرتا ہوں، پس میں تمہیں اللہ کی اطاعت کا جو بھی حکم دوں تو اس میں میری فرمانبرداری تم پر لازم ہے خواہ وہ تمہیں پسند ہو یا ناپسند، لیکن اگر میں یا کوئی اور تمہیں اللہ کی نافرمانی کا حکم دے، تو یاد رکھو کہ اللہ عزوجل کی معصیت میں کسی کی کوئی اطاعت نہیں، اطاعت تو صرف نیک کاموں (معروف) میں ہوتی ہے۔“
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4672]