Mustadrak al-Hakim

سیدنا عثمان بن عفان رضی اللہ عنہ سے روایت ہے کہ انہوں نے سیدنا عمر رضی اللہ عنہ کی صاحبزادی کا رشتہ مانگا لیکن انہوں نے انکار کر دیا، یہ بات نبی کریم صلی اللہ علیہ و آلہ وسلم تک پہنچی، تو جب عمر رضی اللہ عنہ آپ صلی اللہ علیہ و آلہ وسلم کی خدمت میں حاضر ہوئے تو آپ صلی اللہ علیہ و آلہ وسلم نے فرمایا: ”اے عمر! کیا میں تمہیں ایسا داماد نہ بتاؤں جو تمہارے لیے عثمان سے بہتر ہو، اور عثمان کو ایسا سسر نہ بتاؤں جو ان کے لیے تم سے بہتر ہو؟“ انہوں نے عرض کیا: جی ہاں، اے اللہ کے رسول صلی اللہ علیہ و آلہ وسلم ! آپ صلی اللہ علیہ و آلہ وسلم نے فرمایا: ”تم اپنی صاحبزادی کا نکاح مجھ سے کر دو، اور میں اپنی صاحبزادی کا نکاح عثمان سے کر دوں گا۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4618]