Mustadrak al-Hakim

حکیم بن معاویہ قشیری اپنے والد سے روایت کرتے ہیں کہ میں نے عرض کیا: یا رسول اللہ! ہم میں سے کسی کی بیوی کا اس پر کیا حق ہے؟ آپ صلی اللہ علیہ و آلہ وسلم نے فرمایا: ”یہ کہ جب تم کھانا کھاؤ تو اسے بھی کھلاؤ، جب تم لباس پہنو تو اسے بھی پہناؤ، اس کے چہرے پر مت مارو، اسے برا بھلا نہ کہو (یعنی بدصورت نہ کہو)، اور اس سے قطع تعلقی نہ کرو مگر صرف گھر کی حد تک (یعنی علیحدگی اختیار کرنی ہو تو گھر کے اندر ہی کرو)۔“
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ النِّكَاحِ/حدیث: 2799]