Mustadrak al-Hakim

سیدنا قیس بن سعد رضی اللہ عنہ سے روایت ہے، انہوں نے کہا: میں (عراق کے شہر) حیرہ گیا تو میں نے وہاں کے لوگوں کو دیکھا کہ وہ اپنے ایک سردار (مرزبان) کو سجدہ کر رہے ہیں، میں نے (اپنے دل میں) کہا کہ رسول اللہ صلی اللہ علیہ و آلہ وسلم اس بات کے زیادہ حقدار ہیں کہ انہیں سجدہ کیا جائے، چنانچہ میں رسول اللہ صلی اللہ علیہ و آلہ وسلم کی خدمت میں حاضر ہوا اور عرض کیا: میں حیرہ گیا تھا اور میں نے دیکھا کہ وہ لوگ اپنے سردار کو سجدہ کرتے ہیں، حالانکہ اے اللہ کے رسول! آپ زیادہ حقدار ہیں کہ آپ کو سجدہ کیا جائے۔ آپ صلی اللہ علیہ و آلہ وسلم نے فرمایا: ”تمہارا کیا خیال ہے، اگر تم میری قبر کے پاس سے گزرو تو کیا اسے سجدہ کرو گے؟“ میں نے عرض کیا: نہیں، آپ صلی اللہ علیہ و آلہ وسلم نے فرمایا: ”پس ایسا نہ کرو، اگر میں کسی کو یہ حکم دینے والا ہوتا کہ وہ کسی انسان کو سجدہ کرے تو میں عورتوں کو حکم دیتا کہ وہ اپنے شوہروں کو سجدہ کریں، اس عظیم حق کی وجہ سے جو اللہ نے ان (مردوں) کا ان (عورتوں) پر رکھا ہے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ النِّكَاحِ/حدیث: 2798]