Mustadrak al-Hakim

سیدہ عائشہ رضی اللہ عنہا سے روایت ہے کہ ایک شخص نے نبی کریم صلی اللہ علیہ و آلہ وسلم کے زمانے میں دوسرے شخص سے ایک غلام خریدا، وہ جب تک اللہ نے چاہا اس کے پاس رہا، پھر اسے کسی عیب کی وجہ سے جو اس نے پایا، واپس کر دیا، جب غلام واپس کیا گیا تو بیچنے والے نے عرض کیا: اے اللہ کے رسول! اس نے تو میرے غلام سے اتنے عرصے تک فائدہ (آمدنی) حاصل کیا ہے؟ تو نبی کریم صلی اللہ علیہ و آلہ وسلم نے فرمایا: ”فائدہ اس کے لیے ہے جو نقصان کا ذمہ دار ہے (یعنی آمدنی اس کی ہے جس کے قبضے میں شے ہلاک ہونے کا خطرہ تھا)۔“ [المستدرك على الصحيحين/كِتَابُ: الْبُيُوعِ/حدیث: 2206]