Mustadrak al-Hakim

سیدنا عمرو بن حمق رضی اللہ عنہ بیان کرتے ہیں کہ رسول اللہ صلی اللہ علیہ و آلہ وسلم نے فرمایا: ”جب اللہ عزوجل کسی بندے سے محبت فرماتا ہے تو اسے «عَسَلَه» ”شہد جیسا میٹھا“ بنا دیتا ہے۔“ عرض کیا گیا: ”اے اللہ کے رسول! اسے شہد جیسا میٹھا بنانے سے کیا مراد ہے؟“ آپ صلی اللہ علیہ و آلہ وسلم نے فرمایا: ”وہ اس کی موت سے ذرا پہلے اسے کسی عملِ صالح کی توفیق بخشتا ہے یہاں تک کہ اس کے پڑوسی“ یا آپ صلی اللہ علیہ و آلہ وسلم نے فرمایا ”اس کے ارد گرد رہنے والے اس سے راضی و خوش ہو جاتے ہیں۔“ [المستدرك على الصحيحين/كِتَابُ الْجَنَائِزِ/حدیث: 1273]