Mustadrak al-Hakim

ہشام بن اسحاق بن عبداللہ بن کنانہ اپنے والد سے روایت کرتے ہیں، انہوں نے کہا: ایک امیر نے مجھے سیدنا عبداللہ بن عباس رضی اللہ عنہما کے پاس نماز استسقاء کے بارے میں پوچھنے کے لیے بھیجا، تو سیدنا ابن عباس رضی اللہ عنہما نے فرمایا: ”اسے خود مجھ سے پوچھنے میں کیا رکاوٹ تھی؟ رسول اللہ صلی اللہ علیہ و آلہ وسلم انتہائی عاجزی، سادہ لباس، خشوع و خضوع، گریہ و زاری اور ٹھہر ٹھہر کر چلتے ہوئے نکلے، پھر آپ صلی اللہ علیہ و آلہ وسلم نے دو رکعتیں پڑھائیں جیسے آپ صلی اللہ علیہ و آلہ وسلم عید میں پڑھاتے تھے، اور آپ صلی اللہ علیہ و آلہ وسلم نے تمہارے اس خطبے جیسا خطبہ نہیں دیا۔“ [المستدرك على الصحيحين/كِتَابُ الِاسْتِسْقَاءِ/حدیث: 1234]