سورج اور اُس کی دھوپ کی قسم

قسم ہے سورج کی اور اس کی دھوپ کی

سورج کی قسم اور اس کی روشنی کی

سورج اور اس کی روشنی کی قسم،

قَسم ہے سورج اور اس کی ضیاء و شعا ع کی۔

اور چاند کی قسم جبکہ وہ اُس کے پیچھے آتا ہے

قسم ہے چاند کی جب اس کے پیچھے آئے

اور چاند کی جب اس کے پیچھے نکلے

اور چاند کی جب اس کے پیچھے آئے

اور چاند کی جب وہ اس (سورج) کے پیچھے آئے۔

اور دن کی قسم جبکہ وہ (سورج کو) نمایاں کر دیتا ہے

قسم ہے دن کی جب سورج کو نمایاں کرے

اور دن کی جب اُسے چمکا دے

اور دن کی جب اسے چمکائے

دن کی جب وہ اس (سورج) کو خوب روشن کر دے۔

اور رات کی قسم جبکہ وہ (سورج کو) ڈھانک لیتی ہے

قسم ہے رات کی جب اسے ڈھانﭗ لے

اور رات کی جب اُسے چھپا لے

اور رات کی جب اسے چھپائے

اور رات کی جب کہ وہ اسے ڈھانپ لے۔

اور آسمان کی اور اُس ذات کی قسم جس نے اُسے قائم کیا

قسم ہے آسمان کی اور اس کے بنانے کی

اور آسمان کی اور اس ذات کی جس نے اسے بنایا

اور آسمان اور اس کے بنانے والے کی قسم،

اور آسمان کی اور اس (ذات) کی جس نے اسے بنایا۔

اور زمین کی اور اُس ذات کی قسم جس نے اُسے بچھایا

قسم ہے زمین کی اور اسے ہموار کرنے کی

اور زمین کی اور اس کی جس نے اسے پھیلایا

اور زمین اور اس کے پھیلانے والے کی قسم،

اور زمین کی اور جس نے اسے بچھایا۔

اور نفس انسانی کی اور اُس ذات کی قسم جس نے اُسے ہموار کیا

قسم ہے نفس کی اور اسے درست بنانے کی

اور انسان کی اور اس کی جس نے اس (کے اعضا) کو برابر کیا

اور جان کی اور اس کی جس نے اسے ٹھیک بنایا

اور انسانی نفس کی اور اس کی جس نے اسے درست بنایا۔

پھر اُس کی بدی اور اُس کی پرہیز گاری اس پر الہام کر دی

پھر سمجھ دی اس کو بدکاری کی اور بچ کر چلنے کی

پھر اس کو بدکاری (سے بچنے) اور پرہیزگاری کرنے کی سمجھ دی

پھر اس کی بدکاری اور اس کی پرہیزگاری دل میں ڈالی

پھر اسے اس کی بدکاری اور پرہیزگاری کا الہام (القاء) کیا۔

یقیناً فلاح پا گیا وہ جس نے نفس کا تزکیہ کیا

جس نے اسے پاک کیا وه کامیاب ہوا

کہ جس نے (اپنے) نفس (یعنی روح) کو پاک رکھا وہ مراد کو پہنچا

بیشک مراد کو پہنچایا جس نے اسے ستھرا کیا

بےشک وہ شخص فلاح پاگیا جس نے اس (نفس) کا تزکیہ کیا۔

اور نامراد ہوا وہ جس نے اُس کو دبا دیا

اور جس نے اسے خاک میں ملا دیا وه ناکام ہوا

اور جس نے اسے خاک میں ملایا وہ خسارے میں رہا

اور نامراد ہوا جس نے اسے معصیت میں چھپایا،

اور وہ شخص نامراد ہوا جس نے (گناہ سے آلودہ کر کے) اسے دبا دیا۔

ثمود نے اپنی سرکشی کی بنا پر جھٹلایا

(قوم) ﺛمود نے اپنی سرکشی کے باعﺚ جھٹلایا

(قوم) ثمود نے اپنی سرکشی کے سبب (پیغمبر کو) جھٹلایا

ثمود نے اپنی سرکشی سے جھٹلایا

قومِ ثمود نے اپنی سرکشی کی وجہ سے (اپنے پیغمبر(ص) کو) جھٹلایا۔

جب اُس قوم کا سب سے زیادہ شقی آدمی بپھر کر اٹھا

جب ان میں کا بڑا بدبخت اٹھ کھڑا ہوا

جب ان میں سے ایک نہایت بدبخت اٹھا

جبکہ اس کا سب سے بدبخت اٹھ کھڑا ہوا،

جب ان کا سب سے زیادہ بدبخت (آدمی) اٹھ کھڑا ہوا۔

تو اللہ کے رسول نے اُن لوگوں سے کہا کہ خبردار، اللہ کی اونٹنی کو (ہاتھ نہ لگانا) اوراُس کے پانی پینے (میں مانع نہ ہونا)

انہیں اللہ کے رسول نے فرما دیا تھا کہ اللہ تعالیٰ کی اونٹنی اور اس کے پینے کی باری کی (حفاﻇت کرو)

تو خدا کے پیغمبر (صالح) نے ان سے کہا کہ خدا کی اونٹنی اور اس کے پانی پینے کی باری سے عذر کرو

تو ان سے اللہ کے رسول نے فرمایا اللہ کے ناقہ اور اس کی پینے کی باری سے بچو

تو اللہ کے رسول(ع) (صالح(ع)) نے ان لوگوں سے کہا کہ اللہ کی اونٹنی اور اس کے پانی پینے سے خبر دار رہنا (اس کا خیال رکھنا)۔

مگر انہوں نے اُس کی بات کو جھوٹا قرار دیا اور اونٹنی کو مار ڈالا آخرکار اُن کے گناہ کی پاداش میں ان کے رب نے ان پر ایسی آفت توڑی کہ ایک ساتھ سب کو پیوند خاک کر دیا

ان لوگوں نے اپنے پیغمبر کو جھوٹا سمجھ کر اس اونٹنی کی کوچیں کاٹ دیں، پس ان کے رب نے ان کے گناہوں کے باعﺚ ان پر ہلاکت ڈالی اور پھر ہلاکت کو عام کر دیا اور اس بستی کو برابر کردیا

مگر انہوں نے پیغمبر کو جھٹلایا اور اونٹنی کی کونچیں کاٹ دیں تو خدا نے ان کےگناہ کے سبب ان پر عذاب نازل کیا اور سب کو (ہلاک کر کے) برابر کر دیا

تو انہوں نے اسے جھٹلایا پھر ناقہ کی کوچیں کاٹ دیں تو ان پر ان کے رب نے ان کے گناہ کے سبب تباہی ڈال کر وہ بستی برابر کردی

پس ان لوگوں نے ان (رسول(ع)) کو جھٹلایا اور اونٹنی کی کونچیں کاٹ دیں تو ان کے پروردگار نے ان کے گناہ (عظیم) کی پاداش میں ان پر ہلاکت نازل کی اور اسی (بستی) کو زمین کے برابر کر دیا۔

اور اسے (اپنے ا س فعل کے) کسی برے نتیجے کا کوئی خوف نہیں ہے

وه نہیں ڈرتا اس کے تباه کن انجام سے

اور اس کو ان کے بدلہ لینے کا کچھ بھی ڈر نہیں

اور اس کے پیچھا کرنے والے کا اسے خوف نہیں

اور اللہ کو اس واقعہ کے انجام کا کوئی خوف نہیں ہے۔