سورۃ رکوع 1 (آیات 1–36) — تفہیم القرآن

قرآن مجید

وَیۡلٌ لِّلۡمُطَفِّفِیۡنَ ۙ﴿۱﴾ الَّذِیۡنَ اِذَا اکۡتَالُوۡا عَلَی النَّاسِ یَسۡتَوۡفُوۡنَ ۫﴿ۖ۲﴾ وَ اِذَا کَالُوۡہُمۡ اَوۡ وَّزَنُوۡہُمۡ یُخۡسِرُوۡنَ ﴿ؕ۳﴾ اَلَا یَظُنُّ اُولٰٓئِکَ اَنَّہُمۡ مَّبۡعُوۡثُوۡنَ ۙ﴿۴﴾ لِیَوۡمٍ عَظِیۡمٍ ۙ﴿۵﴾ یَّوۡمَ یَقُوۡمُ النَّاسُ لِرَبِّ الۡعٰلَمِیۡنَ ؕ﴿۶﴾ کَلَّاۤ اِنَّ کِتٰبَ الۡفُجَّارِ لَفِیۡ سِجِّیۡنٍ ؕ﴿۷﴾ وَ مَاۤ اَدۡرٰىکَ مَا سِجِّیۡنٌ ؕ﴿۸﴾ کِتٰبٌ مَّرۡقُوۡمٌ ؕ﴿۹﴾ وَیۡلٌ یَّوۡمَئِذٍ لِّلۡمُکَذِّبِیۡنَ ﴿ۙ۱۰﴾ الَّذِیۡنَ یُکَذِّبُوۡنَ بِیَوۡمِ الدِّیۡنِ ﴿ؕ۱۱﴾ وَ مَا یُکَذِّبُ بِہٖۤ اِلَّا کُلُّ مُعۡتَدٍ اَثِیۡمٍ ﴿ۙ۱۲﴾ اِذَا تُتۡلٰی عَلَیۡہِ اٰیٰتُنَا قَالَ اَسَاطِیۡرُ الۡاَوَّلِیۡنَ ﴿ؕ۱۳﴾ کَلَّا بَلۡ ٜ رَانَ عَلٰی قُلُوۡبِہِمۡ مَّا کَانُوۡا یَکۡسِبُوۡنَ ﴿۱۴﴾ کَلَّاۤ اِنَّہُمۡ عَنۡ رَّبِّہِمۡ یَوۡمَئِذٍ لَّمَحۡجُوۡبُوۡنَ ﴿ؕ۱۵﴾ ثُمَّ اِنَّہُمۡ لَصَالُوا الۡجَحِیۡمِ ﴿ؕ۱۶﴾ ثُمَّ یُقَالُ ہٰذَا الَّذِیۡ کُنۡتُمۡ بِہٖ تُکَذِّبُوۡنَ ﴿ؕ۱۷﴾ کَلَّاۤ اِنَّ کِتٰبَ الۡاَبۡرَارِ لَفِیۡ عِلِّیِّیۡنَ ﴿ؕ۱۸﴾ وَ مَاۤ اَدۡرٰىکَ مَا عِلِّیُّوۡنَ ﴿ؕ۱۹﴾ کِتٰبٌ مَّرۡقُوۡمٌ ﴿ۙ۲۰﴾ یَّشۡہَدُہُ الۡمُقَرَّبُوۡنَ ﴿ؕ۲۱﴾ اِنَّ الۡاَبۡرَارَ لَفِیۡ نَعِیۡمٍ ﴿ۙ۲۲﴾ عَلَی الۡاَرَآئِکِ یَنۡظُرُوۡنَ ﴿ۙ۲۳﴾ تَعۡرِفُ فِیۡ وُجُوۡہِہِمۡ نَضۡرَۃَ النَّعِیۡمِ ﴿ۚ۲۴﴾ یُسۡقَوۡنَ مِنۡ رَّحِیۡقٍ مَّخۡتُوۡمٍ ﴿ۙ۲۵﴾ خِتٰمُہٗ مِسۡکٌ ؕ وَ فِیۡ ذٰلِکَ فَلۡیَتَنَافَسِ الۡمُتَنَافِسُوۡنَ ﴿ؕ۲۶﴾ وَ مِزَاجُہٗ مِنۡ تَسۡنِیۡمٍ ﴿ۙ۲۷﴾ عَیۡنًا یَّشۡرَبُ بِہَا الۡمُقَرَّبُوۡنَ ﴿ؕ۲۸﴾ اِنَّ الَّذِیۡنَ اَجۡرَمُوۡا کَانُوۡا مِنَ الَّذِیۡنَ اٰمَنُوۡا یَضۡحَکُوۡنَ ﴿۫ۖ۲۹﴾ وَ اِذَا مَرُّوۡا بِہِمۡ یَتَغَامَزُوۡنَ ﴿۫ۖ۳۰﴾ وَ اِذَا انۡقَلَبُوۡۤا اِلٰۤی اَہۡلِہِمُ انۡقَلَبُوۡا فَکِہِیۡنَ ﴿۫ۖ۳۱﴾ وَ اِذَا رَاَوۡہُمۡ قَالُوۡۤا اِنَّ ہٰۤؤُلَآءِ لَضَآلُّوۡنَ ﴿ۙ۳۲﴾ وَ مَاۤ اُرۡسِلُوۡا عَلَیۡہِمۡ حٰفِظِیۡنَ ﴿ؕ۳۳﴾ فَالۡیَوۡمَ الَّذِیۡنَ اٰمَنُوۡا مِنَ الۡکُفَّارِ یَضۡحَکُوۡنَ ﴿ۙ۳۴﴾ عَلَی الۡاَرَآئِکِ ۙ یَنۡظُرُوۡنَ ﴿ؕ۳۵﴾ ہَلۡ ثُوِّبَ الۡکُفَّارُ مَا کَانُوۡا یَفۡعَلُوۡنَ ﴿٪۳۶﴾

اردو ترجمہ

ترجمہ: سید ابو الاعلیٰ مودودی

تباہی ہے ڈنڈی مارنے والوں کے لیے ﴿۱﴾ جن کا حال یہ ہے کہ جب لوگوں سے لیتے ہیں تو پورا پورا لیتے ہیں ﴿۲﴾ اور جب ان کو ناپ کر یا تول کر دیتے ہیں تو انہیں گھاٹا دیتے ہیں ﴿۳﴾ کیا یہ لوگ نہیں سمجھتے کہ ایک بڑے دن، ﴿۴﴾ یہ اٹھا کر لائے جانے والے ہیں؟ ﴿۵﴾ اُس دن جبکہ سب لوگ رب العالمین کے سامنے کھڑے ہوں گے ﴿۶﴾ ہرگز نہیں، یقیناً بد کاروں کا نامہ اعمال قید خانے کے دفتر میں ہے ﴿۷﴾ اور تمہیں کیا معلوم کہ وہ قید خانے کا دفتر کیا ہے؟ ﴿۸﴾ ایک کتاب ہے لکھی ہوئی ﴿۹﴾ تباہی ہے اُس روز جھٹلانے والوں کے لیے ﴿۱۰﴾ جو روز جزا کو جھٹلاتے ہیں ﴿۱۱﴾ اور اُسے نہیں جھٹلاتا مگر ہر وہ شخص جو حد سے گزر جانے والا بد عمل ہے ﴿۱۲﴾ اُسے جب ہماری آیات سنائی جاتی ہیں تو کہتا ہے یہ تو اگلے وقتوں کی کہانیاں ہیں ﴿۱۳﴾ ہرگز نہیں، بلکہ دراصل اِن لوگوں کے دلوں پر اِن کے برے اعمال کا زنگ چڑھ گیا ہے ﴿۱۴﴾ ہرگز نہیں، بالیقین اُس روز یہ اپنے رب کی دید سے محروم رکھے جائیں گے ﴿۱۵﴾ پھر یہ جہنم میں جا پڑیں گے ﴿۱۶﴾ پھر اِن سے کہا جائے گا کہ یہ وہی چیز ہے جسے تم جھٹلایا کرتے تھے ﴿۱۷﴾ ہرگز نہیں، بے شک نیک آدمیوں کا نامہ اعمال بلند پایہ لوگوں کے دفتر میں ہے ﴿۱۸﴾ اور تمہیں کیا خبر کہ کیا ہے وہ بلند پایہ لوگوں کا دفتر؟ ﴿۱۹﴾ ایک لکھی ہوئی کتاب ہے ﴿۲۰﴾ جس کی نگہداشت مقرب فرشتے کرتے ہیں ﴿۲۱﴾ بے شک نیک لوگ بڑے مزے میں ہوں گے ﴿۲۲﴾ اونچی مسندوں پر بیٹھے نظارے کر رہے ہوں گے ﴿۲۳﴾ ان کے چہروں پر تم خوشحالی کی رونق محسوس کرو گے ﴿۲۴﴾ ان کو نفیس ترین سر بند شراب پلائی جائے گی جس پر مشک کی مہر لگی ہوگی ﴿۲۵﴾ جو لوگ دوسروں پر بازی لے جانا چاہتے ہوں وہ اِس چیز کو حاصل کرنے میں بازی لے جانے کی کوشش کریں ﴿۲۶﴾ اُس شراب میں تسنیم کی آمیزش ہوگی ﴿۲۷﴾ یہ ایک چشمہ ہے جس کے پانی کے ساتھ مقرب لوگ شراب پئیں گے ﴿۲۸﴾ مجرم لوگ دنیا میں ایمان لانے والوں کا مذاق اڑاتے تھے ﴿۲۹﴾ جب اُن کے پاس سے گزرتے تو آنکھیں مار مار کر اُن کی طرف اشارے کرتے تھے ﴿۳۰﴾ اپنے گھروں کی طرف پلٹتے تو مزے لیتے ہوئے پلٹتے تھے ﴿۳۱﴾ اور جب انہیں دیکھتے تو کہتے تھے کہ یہ بہکے ہوئے لوگ ہیں ﴿۳۲﴾ حالانکہ وہ اُن پر نگراں بنا کر نہیں بھیجے گئے تھے ﴿۳۳﴾ آج ایمان لانے والے کفار پر ہنس رہے ہیں ﴿۳۴﴾ مسندوں پر بیٹھے ہوئے ان کا حال دیکھ رہے ہیں ﴿۳۵﴾ مل گیا نا کافروں کو اُن حرکتوں کا ثواب جو وہ کیا کرتے تھے ﴿۳۶﴾

Translation: Tafheem-ul-Quran - Maududi

Woe to the stinters; ﴿1﴾ those who, when they take from others by measure, take their full share; ﴿2﴾ but who, when they measure or weigh for others, give less than their due. ﴿3﴾ Do they not realise that they will be raised to life ﴿4﴾ on a Great Day, ﴿5﴾ a Day when mankind will stand before the Lord of the Universe? ﴿6﴾ No indeed! Verily the deeds of the wicked are in the Record locked up in the prison-house! ﴿7﴾ And how would you know what the Record of the prison-house is? ﴿8﴾ It is a Book inscribed. ﴿9﴾ Woe, then, to those that give the lie, ﴿10﴾ those that give the lie to the Day of Recompense. ﴿11﴾ Yet none gives the lie to it except the transgressor immersed in sin; ﴿12﴾ who, when Our verses are recited to him, says: “Mere tales of olden times!” ﴿13﴾ No indeed! The truth is that their hearts have become rusted on account of their evil deeds. ﴿14﴾ No indeed! On that Day they will be screened off from seeing their Lord, ﴿15﴾ and then they shall enter Hell, ﴿16﴾ whereafter they will be told: “This is what you used to give the lie to.” ﴿17﴾ No indeed! Verily, the deeds of the virtuous shall be in the record of the exalted ones. ﴿18﴾ And what do you know what the Record of the exalted ones is? ﴿19﴾ It is a Book inscribed, ﴿20﴾ which the angels placed near Allah to safeguard. ﴿21﴾ Verily the virtuous shall be in Bliss; ﴿22﴾ resting on couches, looking around. ﴿23﴾ You shall see upon their faces the glow of bliss. ﴿24﴾ They will be served a drink of the finest sealed wine, ﴿25﴾ whose seal is musk – so let all aspirants aspire after that – ﴿26﴾ a wine whose mixture is Tasnim, ﴿27﴾ a fountain at which the chosen ones shall drink. ﴿28﴾ Behold, the wicked were wont to laugh at the believers: ﴿29﴾ when they passed by them they winked, ﴿30﴾ and when they went back to their families, they went back jesting, ﴿31﴾ and when they saw the believers, they said: “Lo! These are the erring ones”; ﴿32﴾ (they said so although) they had not been appointed watchers over them. ﴿33﴾ But today the believers are laughing at the unbelievers; ﴿34﴾ seated upon their couches, they are looking around. ﴿35﴾ Have the unbelievers been duly rewarded for their deeds? ﴿36﴾

ترجمہ: مولانا محمد جوناگڑھی

بڑی خرابی ہے ناپ تول میں کمی کرنے والوں کی ﴿۱﴾ کہ جب لوگوں سے ناپ کر لیتے ہیں تو پورا پورا لیتے ہیں ﴿۲﴾ اور جب انہیں ناپ کر یا تول کر دیتے ہیں تو کم دیتے ہیں ﴿۳﴾ کیا انہیں اپنے مرنے کے بعد جی اٹھنے کا خیال نہیں ﴿۴﴾ اس عظیم دن کے لئے ﴿۵﴾ جس دن سب لوگ رب العالمین کے سامنے کھڑے ہوں گے ﴿۶﴾ یقیناً بدکاروں کا نامہٴ اعمال سِجِّينٌ میں ہے ﴿۷﴾ تجھے کیا معلوم سِجِّينٌ کیا ہے؟ ﴿۸﴾ (یہ تو) لکھی ہوئی کتاب ہے ﴿۹﴾ اس دن جھٹلانے والوں کی بڑی خرابی ہے ﴿۱۰﴾ جو جزا وسزا کے دن کو جھٹلاتے رہے ﴿۱۱﴾ اسے صرف وہی جھٹلاتا ہےجو حد سے آگے نکل جانے واﻻ (اور) گناه گار ہوتا ہے ﴿۱۲﴾ جب اس کے سامنے ہماری آیتیں پڑھی جاتی ہیں تو کہہ دیتا ہے کہ یہ اگلوں کے افسانے ہیں ﴿۱۳﴾ یوں نہیں بلکہ ان کے دلوں پر ان کےاعمال کی وجہ سے زنگ (چڑھ گیا) ہے ﴿۱۴﴾ ہرگز نہیں یہ لوگ اس دن اپنے رب سےاوٹ میں رکھے جائیں گے ﴿۱۵﴾ پھر یہ لوگ بالیقین جہنم میں جھونکے جائیں گے ﴿۱۶﴾ پھر کہہ دیا جائے گا کہ یہی ہے وه جسے تم جھٹلاتے رہے ﴿۱۷﴾ یقیناً یقیناً نیکو کاروں کا نامہٴ اعمال عِلِّیین میں ہے ﴿۱۸﴾ تجھے کیا پتہ کہ عِلِّیین کیا ہے؟ ﴿۱۹﴾ (وه تو) لکھی ہوئی کتاب ہے ﴿۲۰﴾ مقرب (فرشتے) اس کا مشاہده کرتے ہیں ﴿۲۱﴾ یقیناً نیک لوگ (بڑی) نعمتوں میں ہوں گے ﴿۲۲﴾ مسہریوں پر بیٹھے دیکھ رہے ہوں گے ﴿۲۳﴾ تو ان کے چہروں سے ہی نعمتوں کی تروتازگی پہچان لے گا ﴿۲۴﴾ یہ لوگ سربمہر خالص شراب پلائے جائیں گے ﴿۲۵﴾ جس پر مشک کی مہر ہوگی، سبقت لے جانے والوں کو اسی میں سبقت کرنی چاہئے ﴿۲۶﴾ اور اس کی آمیزش تسنیم کی ہوگی ﴿۲۷﴾ (یعنی) وه چشمہ جس کا پانی مقرب لوگ پیئں گے ﴿۲۸﴾ گنہگار لوگ ایمان والوں کی ہنسی اڑایا کرتے تھے ﴿۲۹﴾ اور ان کے پاس سے گزرتے ہوئے آپس میں آنکھ کےاشارے کرتے تھے ﴿۳۰﴾ اور جب اپنے والوں کی طرف لوٹتے تو دل لگیاں کرتے تھے ﴿۳۱﴾ اور جب انہیں دیکھتے تو کہتے یقیناً یہ لوگ گمراه (بے راه) ہیں ﴿۳۲﴾ یہ ان پر پاسبان بنا کر تو نہیں بھیجے گئے ﴿۳۳﴾ پس آج ایمان والے ان کافروں پر ہنسیں گے ﴿۳۴﴾ تختوں پر بیٹھے دیکھ رہے ہوں گے ﴿۳۵﴾ کہ اب ان منکروں نے جیسا یہ کرتے تھے پورا پورا بدلہ پالیا ﴿۳۶﴾

ترجمہ: فتح محمد جالندھری

ناپ اور تول میں کمی کرنے والوں کے لیے خرابی ہے ﴿۱﴾ جو لوگوں سے ناپ کر لیں تو پورا لیں ﴿۲﴾ اور جب ان کو ناپ کر یا تول کر دیں تو کم کر دیں ﴿۳﴾ کیا یہ لوگ نہیں جانتے کہ اٹھائے بھی جائیں گے ﴿۴﴾ (یعنی) ایک بڑے (سخت) دن میں ﴿۵﴾ جس دن (تمام) لوگ رب العالمین کے سامنے کھڑے ہوں گے ﴿۶﴾ سن رکھو کہ بدکارروں کے اعمال سجّین میں ہیں ﴿۷﴾ اور تم کیا جانتے ہوں کہ سجّین کیا چیز ہے؟ ﴿۸﴾ ایک دفتر ہے لکھا ہوا ﴿۹﴾ اس دن جھٹلانے والوں کی خرابی ہے ﴿۱۰﴾ (یعنی) جو انصاف کے دن کو جھٹلاتے ہیں ﴿۱۱﴾ اور اس کو جھٹلاتا وہی ہے جو حد سے نکل جانے والا گنہگار ہے ﴿۱۲﴾ جب اس کو ہماری آیتیں سنائی جاتی ہیں تو کہتا ہے کہ یہ تو اگلے لوگوں کے افسانے ہیں ﴿۱۳﴾ دیکھو یہ جو (اعمال بد) کرتے ہیں ان کا ان کے دلوں پر زنگ بیٹھ گیا ہے ﴿۱۴﴾ بےشک یہ لوگ اس روز اپنے پروردگار (کے دیدار) سے اوٹ میں ہوں گے ﴿۱۵﴾ پھر دوزخ میں جا داخل ہوں گے ﴿۱۶﴾ پھر ان سے کہا جائے گا کہ یہ وہی چیز ہے جس کو تم جھٹلاتے تھے ﴿۱۷﴾ (یہ بھی) سن رکھو کہ نیکوکاروں کے اعمال علیین میں ہیں ﴿۱۸﴾ اور تم کو کیا معلوم کہ علیین کیا چیز ہے؟ ﴿۱۹﴾ ایک دفتر ہے لکھا ہوا ﴿۲۰﴾ جس کے پاس مقرب (فرشتے) حاضر رہتے ہیں ﴿۲۱﴾ بےشک نیک لوگ چین میں ہوں گے ﴿۲۲﴾ تختوں پر بیٹھے ہوئے نظارے کریں گے ﴿۲۳﴾ تم ان کے چہروں ہی سے راحت کی تازگی معلوم کر لو گے ﴿۲۴﴾ ان کو خالص شراب سربمہر پلائی جائے گی ﴿۲۵﴾ جس کی مہر مشک کی ہو گی تو (نعمتوں کے) شائقین کو چاہیے کہ اسی سے رغبت کریں ﴿۲۶﴾ اور اس میں تسنیم (کے پانی) کی آمیزش ہو گی ﴿۲۷﴾ وہ ایک چشمہ ہے جس میں سے (خدا کے) مقرب پیئیں گے ﴿۲۸﴾ جو گنہگار (یعنی کفار) ہیں وہ (دنیا میں) مومنوں سے ہنسی کیا کرتے تھے ﴿۲۹﴾ اور جب ان کے پاس سے گزرتے تو حقارت سے اشارے کرتے ﴿۳۰﴾ اور جب اپنے گھر کو لوٹتے تو اتراتے ہوئے لوٹتے ﴿۳۱﴾ اور جب ان (مومنوں) کو دیکھتے تو کہتے کہ یہ تو گمراہ ہیں ﴿۳۲﴾ حالانکہ وہ ان پر نگراں بنا کر نہیں بھیجے گئے تھے ﴿۳۳﴾ تو آج مومن کافروں سے ہنسی کریں گے ﴿۳۴﴾ (اور) تختوں پر (بیٹھے ہوئے ان کا حال) دیکھ رہے ہوں گے ﴿۳۵﴾ تو کافروں کو ان کے عملوں کا (پورا پورا) بدلہ مل گیا ﴿۳۶﴾

ترجمہ: احمد رضا خان بریلوی

کم تولنے والوں کی خرابی ہے، ﴿۱﴾ وہ کہ جب اوروں سے ناپ لیں پورا لیں، ﴿۲﴾ اور جب انہیں ناپ تول کردی کم کردیں، ﴿۳﴾ کیا ان لوگوں کو گمان نہیں کہ انہیں اٹھنا ہے، ﴿۴﴾ ایک عظمت والے دن کے لیے ﴿۵﴾ جس دن سب لوگ رب العالمین کے حضور کھڑے ہوں گے، ﴿۶﴾ بیشک کافروں کی لکھت سب سے نیچی جگہ سجین میں ہے ﴿۷﴾ اور تو کیا جانے سجین کیسی ہے ﴿۸﴾ وہ لکھت ایک مہر کیا نوشتہ ہے ﴿۹﴾ اس دن جھٹلانے والوں کی خرابی ہے، ﴿۱۰﴾ جو انصاف کے دن کو جھٹلاتے ہیں ﴿۱۱﴾ اور اسے نہ جھٹلائے گا مگر ہر سرکش ﴿۱۲﴾ جب اس پر ہماری آیتیں پڑھی جائیں کہے اگلوں کی کہانیاں ہیں، ﴿۱۳﴾ کوئی نہیں بلکہ ان کے دلوں پر زنگ چڑھادیا ہے ان کی کمائیوں نے ﴿۱۴﴾ ہاں ہاں بیشک وہ اس دن اپنے رب کے دیدار سے محروم ہیں ﴿۱۵﴾ پھر بیشک انہیں جہنم میں داخل ہونا، ﴿۱۶﴾ پھر کہا جائے گا، یہ ہے وہ جسے تم جھٹلاتے تھے ﴿۱۷﴾ ہاں ہاں بیشک نیکوں کی لکھت سب سے اونچا محل علیین میں ہے ﴿۱۸﴾ اور تو کیا جانے علیین کیسی ہے ﴿۱۹﴾ وہ لکھت ایک مہر کیا نوشتہ ہے ﴿۲۰﴾ کہ مقرب جس کی زیارت کرتے ہیں، ﴿۲۱﴾ بیشک نیکوکار ضرور چین میں ہیں، ﴿۲۲﴾ تختوں پر دیکھتے ہیں ﴿۲۳﴾ تو ان کے چہروں میں چین کی تازگی پہنچانے ﴿۲۴﴾ نتھری شراب پلائے جائیں گے جو مہُر کی ہوئی رکھی ہے ﴿۲۵﴾ اس کی مہُر مشک پر ہے، اور اسی پر چاہیے کہ للچائیں للچانے والے ﴿۲۶﴾ اور اس کی ملونی تسنیم سے ہے ﴿۲۷﴾ وہ چشمہ جس سے مقربانِ بارگاہ پیتے ہیں ﴿۲۸﴾ بیشک مجرم لوگ ایمان والوں سے ہنسا کرتے تھے، ﴿۲۹﴾ اور جب وہ ان پر گزرتے تو یہ آپس میں ان پر آنکھوں سے اشارے کرتے ﴿۳۰﴾ اور جب (ف۹۳۳ اپنے گھر پلٹتے خوشیاں کرتے پلٹتے ﴿۳۱﴾ اور جب مسلمانوں کو دیکھتے کہتے بیشک یہ لوگ بہکے ہوئے ہیں ﴿۳۲﴾ اور یہ کچھ ان پر نگہبان بناکر نہ بھیجے گئے ﴿۳۳﴾ تو آج ایمان والے کافروں سے ہنستے ہیں ﴿۳۴﴾ تختوں پر بیٹھے دیکھتے ہیں ﴿۳۵﴾ کیوں کچھ بدلا ملا کافروں کو اپنے کیے کا ﴿۳۶﴾

ترجمہ: علامہ محمد حسین نجفی

بربادی ہے ناپ تول میں کمی کرنے (ڈنڈی مارنے) والوں کے لئے۔ ﴿۱﴾ جب وہ (اپنے لئے) لوگوں سےناپ کر لیں تو پورا لیتے ہیں۔ ﴿۲﴾ اور جب لوگوں کو ناپ کر یا تول کر دیتے ہیں تو انہیں گھاٹا دیتے ہیں۔ ﴿۳﴾ کیا یہ لوگ خیال نہیں کرتے کہ وہ (دوبارہ زندہ کر کے) اٹھائے جائیں گے۔ ﴿۴﴾ ایک بڑے (سخت) دن کیلئے۔ ﴿۵﴾ جس دن تمام لوگ ربُ العالمین کی بارگاہ میں پیشی کیلئے کھڑے ہوں گے۔ ﴿۶﴾ ہرگز نہیں! بےشک بدکاروں کا نامۂ اعمال سِجِّین (قید خانہ کے دفتر) میں ہے۔ ﴿۷﴾ تمہیں کیا معلوم کہ سِجِّین کیا ہے؟ ﴿۸﴾ یہ ایک لکھی ہوئی کتاب ہے (جس میں بدکاروں کے عمل درج ہیں)۔ ﴿۹﴾ بربادی ہے اس دن جھٹلانے والوں کیلئے۔ ﴿۱۰﴾ جو جزا و سزا کے دن (قیامت) کو جھٹلاتے ہیں۔ ﴿۱۱﴾ اور اس دن کو نہیں جھٹلاتا مگر وہ شخص جو حد سے گزر نے والا (اور) گنہگار ہے۔ ﴿۱۲﴾ کہ جب اس کے سامنے ہماری آیتیں پڑھی جاتی ہیں تو وہ کہتا ہے کہ یہ تو پہلے زمانے والوں کے افسانے ہیں۔ ﴿۱۳﴾ ہرگز نہیں بلکہ ان کے دلوں پر ان کے اعمال کا زَنگ چڑھ گیا ہے جو وہ کرتے ہیں۔ ﴿۱۴﴾ ہرگز (ایسا نہیں کہ جزا وسزا نہ ہو) یہ لوگ اس دن اپنے پروردگار (کی رحمت سے) (محجوب اور محروم) رہیں گے۔ ﴿۱۵﴾ پھر یہ لوگ جہنم میں ڈالے جائیں گے۔ ﴿۱۶﴾ پھر (ان سے) کہا جائے گا کہ یہی وہ جہنم ہے جس کو تم جھٹلاتے تھے۔ ﴿۱۷﴾ ہرگز (ایسا) نہیں (کہ جزا و سزا نہ ہو) یقیناً نیکو کاروں کا نامۂ اعمال علیین (بلند مرتبہ لوگوں کے دفتر) میں ہے۔ ﴿۱۸﴾ اور تمہیں کیا معلوم کہ علیین (بلند مرتبہ لوگوں کا دفتر) کیا ہے؟ ﴿۱۹﴾ وہ ایک لکھی ہوئی کتاب ہے (جس میں نیکو کاروں کے عمل درج ہیں)۔ ﴿۲۰﴾ جس کامشاہدہ مقرب فرشتے کرتے ہیں۔ ﴿۲۱﴾ بےشک نیکوکار لوگ عیش و آرام میں ہوں گے۔ ﴿۲۲﴾ اونچی مسندوں پر بیٹھ کر دیکھ رہے ہونگے (نظارے کر رہے ہوں گے)۔ ﴿۲۳﴾ تم ان کے چہروں پر راحت و آرام کی شادابی محسوس کرو گے۔ ﴿۲۴﴾ انہیں سر بمہر عمدہ شراب (طہور) پلائی جائے گی۔ ﴿۲۵﴾ جس پر مشک کی مہر ہوگی۔ اس چیز میں سبقت لے جانے والوں کو سبقت (اور رغبت) کرنی چاہیے۔ ﴿۲۶﴾ ور اس (شراب میں) تسنیم کی آمیزش ہوگی۔ ﴿۲۷﴾ یہ وہ چشمہ ہے جس سے مقرب لوگ پئیں گے۔ ﴿۲۸﴾ بےشک جو مجرم لوگ تھے وہ (دارِ دنیا میں) اہلِ ایمان پر ہنستے تھے۔ ﴿۲۹﴾ جب ان کے پاس سے گزرتے تھے تو آنکھیں مارا کرتے تھے۔ ﴿۳۰﴾ اور جب اپنے گھر والوں کی طرف لوٹتے تھے تو دل لگیاں کرتے ہوئے لوٹتے تھے۔ ﴿۳۱﴾ اور جب ان (اہلِ ایمان) کو دیکھتے تھے تو کہتے تھے کہ یہ بھٹکے ہوئے لوگ ہیں۔ ﴿۳۲﴾ حالانکہ وہ انکے نگران بنا کر نہیں بھیجے گئے تھے۔ ﴿۳۳﴾ پس آج اہلِ ایمان کافروں (اور منکروں) پر ہنستے ہوں گے۔ ﴿۳۴﴾ اونچی مسندوں پر بیٹھے ہوئے (ان کی حالت) دیکھ رہے ہونگے۔ ﴿۳۵﴾ کیا کافروں کو ان کے کئے ہوئے (کرتوتوں) کا پورا بدلہ مل گیا ہے۔ ﴿۳۶﴾

تفسیر

تفہیم القرآن مولانا مودودیؒ

شروع اللہ کے نام سے جو بڑا مہربان اور نہایت رحم والا ہے تباہی ہے ڈنڈی مارنے والوں کے لیے۔¹ جن کا حال یہ ہے کہ جب لوگوں سے لیتے ہیں تو پورا پورا لیتے ہیں، اور جب ان کو ناپ کو یا تول کر دیتے ہیں تو انہیں گھاٹا دیتے ہیں۔² کیا یہ لوگ نہیں سمجھتے کہ ایک بڑے دن³ یہ اُٹھا کر لائے جانے والے ہیں؟ اُس دن جبکہ سب لوگ ربّ العالمین کے سامنے کھڑے ہوں گے۔
ہر گز نہیں،⁴ یقیناً بدکاروں کا نامہٴ اعمال قیدخانے کے دفتر میں ہے۔⁵ اور تمہیں کیا معلوم کہ وہ قید خانے کا دفتر کیا ہے؟ ایک کتاب ہے لکھی ہوئی۔ تباہی ہے اُس روز جھُٹلانے والوں کے لیے جو روزِ جزا کو جھُٹلاتے ہیں۔ اور اُسے نہیں جھُٹلاتا مگر ہر وہ شخص جو حد سے گزر جانے والا بدعمل ہے۔ اُسے جب ہماری آیات سُنائی جاتی ہیں⁶ تو کہتا ہے یہ تو اگلے وقتوں کی کہانیاں ہیں۔ ہر گز نہیں، بلکہ دراصل اِن لوگوں کے دلوں پر اِن کے بُرے اعمال کا زنگ چڑھ گیا ہے۔⁷ ہر گز نہیں، بالیقین اُس روز یہ اپنے ربّ کی دید سے محروم رکھے جائیں گے،⁸ پھر یہ جہنّم میں جا پڑیں گے، پھر اِن سے کہا جائے گا کہ یہ وہی چیز ہے جسے تم جھُٹلایا کرتے تھے۔
ہر گز نہیں،⁹ بے شک نیک آدمیوں کا نامہٴ اعمال بلند پایہ لوگوں کے دفتر میں ہے۔ اور تمہیں کیا خبر کہ کیا ہے وہ بلند پایہ لوگوں کا دفتر؟ ایک لکھی ہوئی کتاب ہے جس کی نگہداشت مقرب فرشتے کرتے ہیں۔ بے شک نیک لوگ بڑے مزے میں ہوں گے، اُونچی مسندوں پر بیٹھے نظارے کر رہے ہوں گے، ان کے چہروں پر تم خوشحالی کی رونق محسوس کرو گے۔ ان کو نفیس ترین سر بند شراب پلائی جائے گی جس پر مُشک کی مُہر لگی ہوگی۔¹⁰ جو لوگ دُوسروں پر بازی لے جانا چاہتے ہوں وہ اِس چیز کو حاصل کرنے میں بازی لے جانے کی کوشش کریں۔ اُس شراب میں تسنیم کی آمیزش ہوگی،¹¹ یہ ایک چشمہ ہے جس کے پانی کے ساتھ مقَرَّب لوگ شراب پئیں گے۔
مجرم لوگ دنیا میں ایمان لانے والوں کا مذاق اُڑاتے تھے، جب اُن کے پاس سے گزرتے تو آنکھیں مار مار کر اُن کی طرف اشارے کرتے تھے، اپنے گھروں کی طرف پلٹتے تو مزے لیتے ہوئے پلٹتے تھے،¹² اور جب انہیں دیکھتے تو کہتے تھے کہ یہ بہکے ہوئے لوگ ہیں،¹³ حالانکہ وہ اُن پر نگراں بنا کر نہیں بھیجے گئے تھے۔¹⁴ آج ایمان لانے والے کُفّار پر ہنس رہے ہیں ، مسندوں پر بیٹھے ہوئے ان کا حال دیکھ رہے ہیں، مِل گیا نا کافروں کو اُن حرکتوں کا ثواب جو وہ کیا کرتے تھے۔¹ ؏۱

Tafheem ul Quran Sayyid Abul A'la Maududi

Woe to those who give short weight,¹ who, when they take by measure from others, take it fully, and when they measure or weigh for them, they give them less than what is due.² Do they not think that they will be raised up again on a Great Day?³ The Day when all mankind shall stand before the Lord of the worlds. Indeed not!⁴ Surely the records of the wicked are in the Prison Register⁵ and what do you know what the Prison Register is? It is a written book. Woe on that Day to the beliers who belie the Day of Recompense, and none belies it but every sinful transgressor. When Our Revelations are recited to him,⁶ he says: "These are tales of the ancient times." By no means! But the fact is that their evil deeds have stained their hearts.⁷ By no means! Surely on that Day they shall be debarred from their Lord's vision.⁸ Then they shall enter Hell. Then it will be said to them, "This is the very thing you used to belie." Indeed not!⁹ Surely the record of the righteous is in the Register of the exalted ones. And do you know what is the Register of the exalted ones? It is a written book, guarded by the angels nearest to Allah. Surely the righteous shall be in bliss; seated on high couches they shall be looking around. In their faces you shall mark the glow of bliss. They shall be given to drink the choicest, sealed wine whose seal shall be musk.¹⁰ Those who wish to excel others, let them endeavor to excel in this. That wine shall have the mixture of Tasnim.¹¹ This is a fountain with the waters of which those nearest to Allah shall drink wine. The culprits used to laugh at the believers in the world. They would wink at one another when they passed by them. When they returned to their kinsfolk they returned jesting.¹² And when they saw them, they would say, "These are the people gone astray,"¹³ although they had not been sent to be guardians over them.¹⁴ Today the believers are laughing at the disbelievers, as they recline on couches and gaze at them. Have not the disbelievers been duly rewarded for what they used to do?¹⁵

تفسیر ابن کثیر حافظ ابن کثیرؒ

آیات 1–6

ناپ تول میں کمی کے نتائج ٭٭

نسائی اور ابن ماجہ میں ہے سیدنا ابن عباس رضی اللہ عنہما فرماتے ہیں کہ ”جب نبی کریم صلی اللہ علیہ وسلم مدینہ میں تشریف لائے اس وقت اہل مدینہ ناپ تول کے اعتبار سے بہت برے تھے۔ جب یہ آیت اتری پھر انہوں نے ناپ تول بہت درست کر لیا۔“ ۱؎ [سنن ابن ماجہ:2223،قال الشيخ الألباني:صحیح] ‏‏‏‏ ابن ابی حاتم میں ہے کہ ہلال بن طلق نے ایک مرتبہ سیدنا عبداللہ بن عمر رضی اللہ عنہما سے کہا کہ ”مکے مدینے والے بہت ہی عمدہ ناپ تول رکھتے ہیں۔“ آپ نے فرمایا ”وہ کیوں نہ رکھتے جب کہ اللہ تعالیٰ کا فرمان ہے «وَيْلٌ لِّـلْمُطَفِّفِيْنَ» ۱؎ [83-المطففين:1] ‏‏‏‏ ہے۔“ پس «تَّطْفِيفِ» سے مراد ناپ تول کی کمی ہے خواہ اس صورت میں کہ اوروں سے لیتے وقت زیادہ لے لیا اور دیتے وقت کم دیا۔ اسی لیے انہیں دھمکایا کہ ’ یہ نقصان اٹھانے والے ہیں کہ جب اپنا حق لیں تو پورا لیں بلکہ زیادہ لے لیں اور دوسروں کو دینے بیٹھیں تو کم دیں۔ ‘ ٹھیک یہ ہے کہ «کَالُوْا» اور «وَزَنُوْا» کو متعدی مانیں اور «ھُمْ» کو محلاً منصوب کہیں گو بعض نے اسے ضمیر موکد مانا ہے۔ جو «كَالُوْا» اور «وَّزَنُوْا» کی پوشیدہ ضمیر کی تاکید کے لیے ہے اور مفعول محذوف مانا ہے جس پر دلالت کلام موجود ہے دونوں طرح مطلب قریب قریب ایک ہی ہے۔ قرآن کریم نے ناپ تول درست کرنے کا حکم اس آیت میں بھی دیا ہے «وَاَوْفُوا الْكَيْلَ اِذَا كِلْتُمْ وَزِنُوْا بالْقِسْطَاسِ الْمُسْتَــقِيْمِ ۭ ذٰلِكَ خَيْرٌ وَّاَحْسَنُ تَاْوِيْلًا» ۱؎ [17-الإسراء:35] ‏‏‏‏ یعنی ’ جب ناپو تو ناپ پورا کرو اور وزن سیدھے ترازو سے تول کر دیا کرو۔ ‘ اور جگہ حکم ہے «اَوْفُوا الْكَيْلَ وَالْمِيْزَان بالْقِسْطِ ۚ لَا نُكَلِّفُ نَفْسًا اِلَّا وُسْعَهَا» ۱؎ [6-الأنعام:152] ‏‏‏‏ ’ ناپ تول انصاف کے ساتھ برابر کر دیا کرو، ہم کسی کو اس کی طاقت سے زیادہ تکلیف نہیں دیتے۔ ‘ اور جگہ فرمایا «وَاَقِيْمُوا الْوَزْنَ بالْقِسْطِ وَلَا تُخْسِرُوا الْمِيْزَانَ» ۱؎ [55-الرحمن:9] ‏‏‏‏ یعنی ’ تول کو قائم رکھو اور میزان کو گھٹاؤ نہیں۔ ‘ شعیب علیہ السلام کی قوم کو اسی بد عادت کی وجہ سے اللہ تعالیٰ نے غارت و برباد کر دیا یہاں بھی اللہ تعالیٰ ڈرا رہا ہے کہ ’ لوگوں کے حق مارنے والے کیا قیامت کے دن سے نہیں ڈرتے جس دن یہ اس ذات پاک کے سامنے کھڑے ہو جائیں گے۔ جس پر نہ کوئی پوشیدہ بات پوشیدہ ہے نہ ظاہر، وہ دن بھی نہایت ہولناک و خطرناک ہو گا۔ بڑی گھبراہٹ اور پریشانی والا دن ہو گا، اس دن یہ نقصان رساں لوگ جہنم کی بھڑکتی ہوئی آگ میں داخل ہوں گے وہ جگہ بھی نہایت تنگ و تاریک ہو گی اور میدان آفات و بلیات سے پر ہو گا اور وہ مصائب نازل ہو رہے ہوں گے کہ دل پریشان ہوں گے حواس بگڑے ہوئے ہوں گے ہوش جاتا رہے گا ‘۔ صحیح حدیث میں ہے کہ { آدھے آدھے کانوں تک پسینہ پہنچ گیا ہوگا }۔ ۱؎ [صحیح بخاری:6531] ‏‏‏‏

مسند احمد کی حدیث میں ہے اس دن رحمان عزوجل کی عظمت کے سامنے سب کھڑے کپکپا رہے ہوں گے۔ ۱؎ [مسند احمد:31/2:صحیح] ‏‏‏‏ اور حدیث میں ہے کہ { قیامت کے دن بندوں سے سورج اس قدر قریب ہو جائے گا کہ ایک یا دو نیزے کے برابر اونچا ہو گا اور سخت تیز ہو گا ہر شخص اپنے اپنے اعمال کے مطابق اپنے پسینے میں غرق ہو گا بعض کی ایڑیوں تک پسینہ ہو گا بعض کے گھٹنوں تک بعض کی کمر تک بعض کو تو ان کا پسینہ لگام بنا ہوا ہو گا۔ } ۱؎ [صحیح مسلم:2864] ‏‏‏‏ اور حدیث میں ہے { دھوپ اس قدر تیز ہو گی کہ کھوپڑی بھنا اٹھے گی اور اس طرح اس میں جوش اٹھنے لگے گا جس طرح ہنڈیا میں ابال آتا ہے۔} ۱؎ [مسند احمد:254/5:صحیح] ‏‏‏‏ اور روایت میں ہے کہ { نبی کریم صلی اللہ علیہ وسلم نے اپنے منہ پر اپنی انگلیاں رکھ کر بتایا کہ اس طرح پسینہ کی لگام چڑھی ہوئی ہو گی پھر آپ نے ہاتھ سے اشارہ کر کے بتایا کہ بعض بالکل ڈوبے ہوئے ہوں گے۔ } ۱؎ [مسند احمد:157/4:صحیح] ‏‏‏‏ اور حدیث میں ہے ستر سال تک بغیر بولے چالے کھڑے رہیں گے یہ بھی کہا گیا ہے کہ تین سو سال تک کھڑے رہیں گے اور یہ بھی کہا گیا ہے کہ چالیس ہزار سال تک کھڑے رہیں گے اور دس ہزار سال میں فیصلہ کیا جائے گا۔ صحیح مسلم میں سیدنا ابوہریرہ رضی اللہ عنہ سے مرفوعاً مروی ہے کہ ”اس دن میں جس کی مقدار پچاس ہزار سال کی ہو گی۔“ ۱؎ [صحیح مسلم:987] ‏‏‏‏

ابن ابی حاتم کی حدیث میں ہے کہ { رسول اللہ صلی اللہ علیہ وسلم نے بشیر غفاری رضی اللہ عنہ سے فرمایا: ”تو کیا کرے گا جس دن لوگ اللہ رب العالمین کے سامنے تین سو سال تک کھڑے رہیں گے نہ تو کوئی خبر آسمان سے آئیگی نہ کوئی حکم کیا جائے گا۔“ بشیر رضی اللہ عنہ کہنے لگے، اللہ ہی مددگار ہے۔ آپ صلی اللہ علیہ وسلم نے فرمایا: ”سنو جب بستر پر جاؤ تو اللہ تعالیٰ سے قیامت کے دن کی تکلیفوں اور حساب کی برائی سے پناہ مانگ لیا کرو۔“ } ۱؎ [تفسیر ابن جریر الطبری:34290:ضعیف] ‏‏‏‏ سنن ابوداؤد میں ہے کہ { رسول اللہ صلی اللہ علیہ وسلم قیامت کے دن کے کھڑے ہونے کی جگہ کی تنگی سے پناہ مانگا کرتے تھے۔ } ۱؎ [سنن ابوداود:766،قال الشيخ الألباني:حسن] ‏‏‏‏ سیدنا ابن مسعود رضی اللہ عنہ سے روایت ہے کہ چالیس سال تک لوگ اونچا سر کیے کھڑے رہیں گے کوئی بولے گا نہیں نیک و بد کو پسینے کی لگامیں چڑھی ہوئی ہوں گی۔ سیدنا ابن عمر رضی اللہ عنہ فرماتے ہیں سو سال تک کھڑے رہیں گے۔ [ ابن جریر ] ‏‏‏‏ ابوداؤد، نسائی ابن ماجہ میں ہے کہ { نبی کریم صلی اللہ علیہ وسلم جب رات کو اٹھ کر تہجد کی نماز شروع کرتے تو دس مرتبہ «اﷲُ اَکْبَرُ» ، دس مرتبہ «الْحَمْدُ لِلَّـهِ» کہتے، دس مرتبہ «سُبْحَانَ اﷲِ» کہتے، دس مرتبہ «اَسْتَغْفِرُ اﷲَ» ، پھر کہتے دعا «اللَّهُمَّ اِغْفِرْ لِي وَاهْدِنِي وَارْزُقْنِي وَعَافِنِي» اے اللہ مجھے بخش، مجھے ہدایت دے، مجھے روزیاں دے اور عافیت عنایت فرما پھر اللہ تعالیٰ سے قیامت کے دن کے مقام کی تنگی سے پناہ مانگتے۔} ۱؎ [سنن ابن ماجہ:1356،قال الشيخ الألباني:حسن] ‏‏‏‏

آیات 7–17

انتہائی المناک اور دکھ درد کی جگہ ٭٭

مطلب یہ ہے کہ برے لوگوں کا ٹھکانا «سِجِّينٍ» ہے یہ لفظ «فِعِّیْلٌ» کے وزن پر «سِجْنٌ» سے ماخوذ ہے «سِجْنٌ» کہتے ہیں لغتاً تنگی کو «ضِّيق» ، «فِسِّيقٌ» ، «وَشِرِّيبٌ» «وَخِمِّيرٌ» ، «وَسِكِّيرٌ» وغیرہ کی طرح یہ لفظ بھی «سِجِّينٌ» ہے۔ پھر اس کی مزید برائیاں بیان کرنے کے لیے فرمایا کہ ’ تمہیں اس کی حقیقت معلوم نہیں وہ المناک اور ہمیشہ کے دکھ درد کی جگہ ہے۔ ‘ مروی ہے کہ یہ جگہ ساتوں زمینوں کے نیچے ہے۔ سیدنا براء بن عازب رضی اللہ عنہ کی ایک مطول حدیث میں یہ گزر چکا ہے کہ کافر کی روح کے بارے میں جناب باری ارشاد ہوتا ہے کہ ’ اس کی کتاب «سجین» میں لکھ لو۔ ‘ ۱؎ [سلسلة احادیث صحیحہ البانی:1676:صحیح] ‏‏‏‏ اور «سجین» ساتویں زمین کے نیچے ہے۔ کہا گیا ہے کہ یہ ساتویں زمین کے نیچے سبز رنگ کی ایک چٹان ہے اور کہا گیا ہے کہ جہنم میں ایک گڑھا ہے۔ ابن جریر کی ایک غریب منکر اور غیر صحیح حدیث میں ہے کہ «فلق» جہنم کا ایک منہ بند کردہ کنواں ہے اور «سجین» کھلے منہ والا گڑھا ہے۔ ۱؎ [تفسیر ابن جریر الطبری:36614:ضعیف] ‏‏‏‏

صحیح بات یہ ہے کہ اس کے معنی ہیں تنگ جگہ جیل خانہ کے نیچے کی مخلوق میں تنگی ہے اور اوپر کی مخلوق میں کشادگی آسمانوں میں ہر اوپر والا آسمان نیچے والے آسمان سے کشادہ ہے اور زمینوں میں ہر نیچے کی زمین اوپر کی زمین سے تنگ ہے یہاں تک کہ بالکل نیچے کی تہہ بہت تنگ ہے اور سب سے زیادہ تنگ جگہ ساتویں زمین کا وسطی مرکز ہے چونکہ کافروں کے لوٹنے کی جگہ جہنم ہے اور وہ سب سے نیچے ہے۔ اور جگہ ہے «ثُمَّ رَدَدْنَاهُ أَسْفَلَ سَافِلِينَ إِلَّا الَّذِينَ آمَنُوا وَعَمِلُوا الصَّالِحَاتِ» ۱؎ [95-التين:6،5] ‏‏‏‏ یعنی ’ ہم نے اسے پھر نیچوں کا نیچ کر دیا ہاں جو ایمان والے اور نیک اعمال والے ہیں۔ ‘ غرض «سجین» ایک تنگ اور تہہ کی جگہ ہے جیسے قرآن کریم نے اور جگہ فرمایا ہے «وَاِذَآ اُلْقُوْا مِنْهَا مَكَانًا ضَيِّقًا مُّقَرَّنِيْنَ دَعَوْا هُنَالِكَ ثُبُوْرًا» ۱؎ [25-الفرقان:13] ‏‏‏‏ ’ جب وہ جہنم کی کسی تنگ جگہ میں ہاتھ پاؤں جکڑ کر ڈال دئیے جائیں گے تو وہاں موت ہی موت پکاریں گے۔ ‘ «کِتَابٌ مَّرْقُوْمٌ» یہ «سجین» کی تفسیر نہیں بلکہ یہ اس کی تفسیر ہے جو ان کے لیے لکھا جا چکا ہے کہ آخرش جہنم میں پہنچیں گے ان کا یہ نتیجہ لکھا جا چکا ہے اور اس سے فراغت حاصل کر لی گئی ہے نہ اب اس میں کچھ زیادتی ہو نہ کمی، تو فرمایا ’ ان کا انجام «سجین» ہونا ہماری کتاب میں پہلے سے ہی لکھا جا چکا ہے ان جھٹلانے والوں کی اس دن خرابی ہو گی انہیں جہنم کا قید خانہ اور رسوائی والے المناک عذاب ہوں گے۔ ‘ «ویل» کی مکمل تفسیر اس سے پہلے گزر چکی ہے خلاصہ مطلب یہ ہے کہ ان کی ہلاکی بربادی اور خرابی ہے جیسے کہا جاتا ہے «وَیْلٌ لِّفُـلَانٍ» ۔ مسند اور سنن کی حدیث میں ہے { «ویل» ہے اس شخص کے لیے جو کوئی جھوٹی بات کہہ کر لوگوں کو ہنسانا چاہے اور اسے «ویل» ہے اسے «ویل» ہے۔ } ۱؎ [سنن ابوداود:4990،قال الشيخ الألباني:حسن] ‏‏‏‏ پھر ان جھٹلانے والے بدکار کافروں کی مزید تشریح کی اور فرمایا ’ یہ وہ لوگ ہیں جو روز جزاء کو نہیں مانتے اسے خلاف عقل کہہ کر اس کے واقع ہونے کو محال جانتے ہیں۔ ‘ پھر فرمایا کہ ’ قیامت کا جھٹلانا انہی لوگوں کا کام ہے جو اپنے کاموں میں حد سے بڑھ جائیں اسی طرح اپنے اقوال میں گنہگار ہوں جھوٹ بولیں وعدہ خلافی کریں گالیاں بکیں وغیرہ۔ ‘

یہ لوگ ہیں کہ ہماری آیتوں کو سن کر انہیں جھٹلاتے ہیں بدگمانی کرتے ہیں اور کہہ گزرتے ہیں کہ پہلی کتابوں سے کچھ جمع اکٹھا کر لیا ہے۔ جیسے اور جگہ فرمایا «وَاِذَا قِيْلَ لَهُمْ مَّاذَآ اَنْزَلَ رَبُّكُمْ ۙ قَالُوْٓا اَسَاطِيْرُ الْاَوَّلِيْنَ» ۱؎ [16-النحل:24] ‏‏‏‏ ’ جب انہیں کہا جاتا ہے کہ تمہارے رب نے کیا کچھ نازل فرمایا تو کہتے ہیں اگلوں کے افسانے ہیں۔ ‘ اور جگہ ہے آیت «وَقَالُوا أَسَاطِير الْأَوَّلِينَ اِكْتَتَبَهَا فَهِيَ تُمْلَى عَلَيْهِ بُكْرَة وَأَصِيلًا» ۱؎ [25-الفرقان:5] ‏‏‏‏ یعنی ’ یہ کہتے ہیں کہ اگلوں کے قصے ہیں جو اسے صبح شام لکھوائے جا رہے ہیں۔ ‘ اللہ تعالیٰ انہیں جواب میں فرماتا ہے کہ ’ واقعہ ان کے قول اور ان کے خیال کے مطابق نہیں بلکہ دراصل یہ قرآن کلام الٰہی ہے اس کی وحی ہے جو اس نے اپنے بندے پر نازل کی ہے ہاں ان کے دلوں پر ان کے بداعمال نے پردے ڈال دئیے ہیں گناہوں اور خطاؤں کی کثرت نے ان کے دلوں کو زنگ آلود کر دیا ہے کافروں کے دلوں پر «رین» ہوتا ہے اور نیک کار لوگوں کے دلوں پر «غَيْم» ہوتا ہے۔‘

ترمذی نسائی ابن ماجہ وغیرہ میں رسول اللہ صلی اللہ علیہ وسلم فرماتے ہیں کہ { بندہ جب گناہ کرتا ہے تو اس کے دل پر ایک سیاہ نکتہ ہو جاتا ہے اگر توبہ کر لیتا ہے تو اس کی صفائی ہو جاتی ہے اور اگر گناہ کرتا ہے تو وہ سیاہی پھیلتی جاتی ہے۔ } ۱؎ اسی کا بیان «کَّلا بَلْ رَانَ» میں ہے۔ ۱؎ [سنن ترمذي:3334،قال الشيخ الألباني:حسن] ‏‏‏‏ نسائی کے الفاظ میں کچھ اختلاف بھی ہے مسند احمد میں بھی یہ حدیث ہے۔ ۱؎ [مسند احمد:297/2:حسن] ‏‏‏‏ حسن بصری رحمہ اللہ وغیرہ کا فرمان ہے کہ گناہوں پر گناہ کرنے سے دل اندھا ہو جاتا ہے اور پھر مر جاتا ہے پھر فرمایا کہ یہ لوگ ان عذابوں میں مبتلا ہو کر دیدار باری سے بھی محروم اور محجوب کر دئیے جائیں گے۔ امام شافعی رحمہ اللہ فرماتے ہیں اس میں دلیل ہے کہ مومن قیامت کے دن دیدار باری تعالیٰ سے مشرف ہوں گے۔ امام صاحب کا یہ فرمان بالکل درست ہے اور آیت کا صاف مفہوم یہی ہے اور دوسری جگہ کھلے الفاظ میں بھی یہ بیان موجود ہے فرمان ہے آیت «وُجُوهٌ يَوْمَئِذٍ نَّاضِرَةٌ إِلَىٰ رَبِّهَا نَاظِرَةٌ» ۱؎ [75-القيامة:23،22] ‏‏‏‏ یعنی ’ اس دن بہت سے چہرے تروتازہ ہوں گے اور اپنے رب کو دیکھ رہے ہوں گے۔ ‘ صحیح اور متواتر احادیث سے بھی یہ ثابت ہے کہ { ایماندار قیامت والے دن اپنے رب عزوجل کو اپنی آنکھوں سے قیامت کے میدان میں اور جنت کے نفیس باغیچوں میں دیکھیں گے۔ } حسن بصری رحمہ اللہ فرماتے ہیں کہ حجاب ہٹ جائیں گے اور مومن اپنے رب کو دیکھیں گے اور کافر پھر کافروں کو پردوں کے پیچھے کر دیا جائے گا البتہ مومن ہر صبح و شام پروردگار عالم کا دیدار حاصل کریں گے یا اسی جیسا اور کلام ہے۔ پھر فرماتا ہے کہ ’ برے لوگ نہ صرف دیدار الٰہی سے ہی محروم رہیں گے بلکہ یہ لوگ جہنم میں جھونک دئیے جائیں گے اور انہیں حقارت ذلت اور ڈانٹ ڈپٹ کے طور پر غصہ کے ساتھ کہا جائے گا کہ یہی وہ جسے تم جھٹلاتے رہے۔ ‘

آیات 18–28

نعمتوں، راحتوں اور عزت و جاہ کی جگہ ٭٭

بدکاروں کا حشر بیان کرنے کے بعد اب نیک لوگوں کا بیان ہو رہا ہے کہ ان کا ٹھکانا «عِلِّيِّينَ» ہے جو کہ «سِجِّينٍ» کے بالکل برعکس ہے۔ سیدنا ابن عباس رضی اللہ عنہ نے سیدنا کعب رضی اللہ عنہ سے «سِجِّينٍ» کا سوال کیا تو فرمایا کہ ”وہ ساتویں زمین ہے اور اس میں کافروں کی روحیں ہیں۔“ اور «عِلِّيِّينَ» کے سوال کے جواب میں فرمایا ”یہ ساتواں آسمان ہے اور اس میں مومنوں کی روحیں ہیں۔“ سیدنا ابن عباس رضی اللہ عنہما فرماتے ہیں مراد اس سے جنت ہے۔ عوفی رحمہ اللہ آپ سے روایت کرتے ہیں کہ ان کے اعمال اللہ کے نزدیک آسمان میں ہیں۔ قتادہ رحمہ اللہ فرماتے ہیں یہ عرش کا داہنا پایہ ہے، اور لوگ کہتے ہیں یہ سدرۃ المنتہیٰ کے پاس ہے۔ ظاہر یہ ہے کہ لفظ «علو» یعنی بلندی سے ماخوذ ہے۔ جس قدر کوئی چیز اونچی اور بلند ہو گی اسی قدر بڑی اور کشادہ ہو گی اس لیے اس کی عظمت و بزرگی کے اظہار کے لیے فرمایا ’ تمہیں اس کی حقیقت معلوم ہی نہیں۔ ‘ پھر اس کی تاکید کی کہ ’ یہ یقینی چیز ہے کتاب میں لکھی جا چکی ہے کہ یہ لوگ علیین میں جائیں گے جس کے پاس ہر آسمان کے مقرب فرشتے جاتے ہیں۔ ‘ پھر فرمایا کہ ’ قیامت کے دن یہ نیکوکار دائمی والی نعمتوں اور باغات میں ہوں گے یہ مسہریوں پر بیٹھے ہوں گے اپنے ملک و مال نعمتوں راحتوں عزت و جاہ مال و متاع کو دیکھ دیکھ کر خوش ہو رہے ہوں گے یہ خیر و فضل یہ نعمت و رحمت نہ کبھی کم ہو، نہ گم ہو، نہ گھٹے، نہ مٹے۔ ‘ اور یہ بھی معنی ہیں کہ ’ اپنی آرام گاہوں میں تخت سلطنت پر بیٹھے دیدار اللہ سے مشرف ہوتے رہیں گے۔ ‘ تو گویا کہ فاجروں کے بالکل برعکس ہوں گے ان پر دیدار باری حرام تھا ان کے لیے ہر وقت اجازت ہے جیسے کہ سیدنا ابن عمر رضی اللہ عنہما کی حدیث میں ہے جو پہلے بیان ہو چکی کہ سب سے نیچے درجے کا جنتی اپنے ملک اور ملکیت کو دو ہزار سال کی راہ تک دیکھے گا اور سب سے آخر کی چیزیں اس طرح اس کی نظروں کے سامنے ہوں گی جس طرح سب سے اول چیز۔ اور اعلیٰ درجہ کے جنتی تو دن بھر میں دو دو مرتبہ دیدار باری کی نعمت سے اپنے دل کو مسرور اور اپنی آنکھوں کو پر نور کریں گے۔ ۱؎ [سنن ترمذي:3330،قال الشيخ الألباني:ضعیف] ‏‏‏‏

ان کے چہرے پر کوئی نظر ڈالے تو بیک نگاہ آسودگی اور خوش حالی، جاہ و حشمت، شوکت و سطوت، خوشی و سرور، بہشت و نور دیکھ کر ان کا مرتبہ تاڑ لے اور سمجھ لے کہ راحت و آرام میں خوش و خرم ہیں جنتی شراب کا دور چلتا رہتا ہے۔ «رحیق» جنت کی ایک قسم کی شراب ہے۔ رسول اللہ صلی اللہ علیہ وسلم فرماتے ہیں { جو کسی پیاسے مسلمان کو پانی پلائے گا اللہ تعالیٰ اسے رحیق مختوم پلائے گا یعنی جنت کی مہر والی شراب اور جو کسی بھوکے مسلمان کو کھانا کھلائے اسے اللہ تعالیٰ جنت کے میوے کھلائے گا اور جو کسی ننگے مسلمان کو کپڑا پہنائے اللہ تعالیٰ اسے جنتی سبز ریشم کے جوڑے پہنائے گا۔ } ۱؎ [سنن ترمذي:2449،قال الشيخ الألباني:ضعیف] ‏‏‏‏ «خِتٰمُ» کے معنی ملونی اور آمیزش کے ہیں اسے اللہ نے پاک صاف کر دیا ہے اور مشک کی مہر لگا دی ہے یہ بھی معنی ہیں کہ انجام اس کا مشک ہے یعنی کوئی بدبو نہیں بلکہ مشک کی سی خوشبو ہے چاندی کی طرح سفید رنگ شراب ہے جس قدر مہر لگے گی یا ملاوٹ ہو گی اس قدر خوشبو والی ہے کہ اگر کسی اہل دنیا کی انگلی اس میں تر ہو جائے پھر چاہے اسی وقت اسے وہ نکال لے لیکن تمام دنیا اس کی خوشبو سے مہک جائے اور «ختام» کے معنی خوشبو کے بھی کیے گئے ہیں۔ پھر فرماتا ہے کہ ’ حرص کرنے والے فخر و مباہات کرنے والے کثرت اور سبقت کرنے والوں کو چاہیئے کہ اس کی طرف تمام تر توجہ کریں‘ جیسے اور جگہ ہے «لِمِثْلِ هَـٰذَا فَلْيَعْمَلِ الْعَامِلُونَ» ۱؎ [37-الصافات:61] ‏‏‏‏ ’ ایسی چیزوں کے لیے عمل کرنے والوں کو عمل کرنا چاہیئے۔ ‘ «تسنیم» جنت کی بہترین شراب کا نام ہے یہ ایک نہر ہے جس سے سابقین لوگ تو برابر پیا کرتے ہیں اور داہنے ہاتھ والے اپنی شراب رحیق میں ملا کر پیتے ہیں۔

آیات 29–36

گنہگار لوگ روز قیامت رسوا ہوں گے ٭٭

یعنی دنیا میں تو ان کافروں کی خوب بن آئی تھی ایمان داروں کو مذاق میں اڑاتے رہے، چلتے پھرتے آواز کستے رہے اور حقارت و تذلیل کرتے رہے اور اپنے والوں میں جا کر خوب باتیں بناتے تھے جو چاہتے تھے پاتے تھے لیکن شکر تو کہاں اور کفر پر آمادہ ہو کر مسلمانوں کی ایذا رسانی کے درپے ہو جاتے تھے اور چونکہ مسلمان ان کی مانتے نہ تھے تو یہ انہیں گمراہ کہا کرتے تھے۔ اللہ فرماتا ہے ’ کچھ یہ لوگ محافظ بنا کر تو نہیں بھیجے گئے انہیں مومنوں کی کیا پڑی کیوں ہر وقت ان کے پیچھے پڑے ہیں اور ان کے اعمال افعال کی دیکھ بھال رکھتے ہیں اور طعنہ آمیز باتیں بناتے رہتے ہیں؟ ‘ جیسے اور جگہ ہے «قَالَ اخْسَئُوا فِيهَا وَلَا تُكَلِّمُونِ إِنَّهُ كَانَ فَرِيقٌ مِّنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ فَاتَّخَذْتُمُوهُمْ سِخْرِيًّا حَتَّىٰ أَنسَوْكُمْ ذِكْرِي وَكُنتُم مِّنْهُمْ تَضْحَكُونَ إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ» ۱؎ [23-المؤمنون:108-111] ‏‏‏‏ یعنی ’ اس جہنم میں پڑے جھلستے رہو مجھ سے بات نہ کرو میرے بعض خاص بندے کہتے تھے کہ اے ہمارے پروردگار ہم ایمان لائے تو ہمیں بخش اور ہم پر رحم کر تو سب سے بڑا رحم و کرم کرنے والا ہے تو تم نے انہیں مذاق میں اڑایا اور اس قدر غافل ہوئے کہ میری یاد بھلا بیٹھے اور ان سے ہنسی مذاق کرنے لگے دیکھو آج میں نے انہیں ان کے صبر کا یہ بدلا دیا ہے کہ وہ ہر طرح کامیاب ہیں۔ ‘ یہاں بھی اس کے بعد ارشاد فرماتا ہے کہ ’ آج قیامت کے دن ایماندار ان بدکاروں پر ہنس رہے ہیں اور تختوں پر بیٹھے اپنے اللہ کو دیکھ رہے ہیں جو اس کا صاف ثبوت ہے کہ یہ گمراہ نہ تھے گو تم انہیں گم کردہ راہ کہا کرتے تھے بلکہ یہ دراصل اولیاء اللہ تھے مقربین اللہ تھے اسی لیے آج اللہ کا دیدار ان کی نگاہوں کے سامنے ہے یہ اللہ کے مہمان ہیں اور اس کے بزرگی والے گھر میں ٹھہرے ہوئے ہیں جیسا کچھ ان کافروں نے مسلمانوں کے ساتھ دنیا میں کیا تھا اس کا پورا بدلہ انہیں آخرت میں مل گیا یا نہیں؟ ان کے مذاق کے بدلے آج ان کی ہنسی اڑائی گئی یہ ان کا مرتبہ گھٹاتے تھے اللہ نے ان کا مرتبہ بڑھایا۔ غرض پورا پورا تمام و کمال بدلہ دے دیا۔ ‘ «الْحَمْدُ لِلَّـه» سورۃ المطففین کی تفسیر ختم ہوئی۔

← پچھلا رکوع پوری سورۃ اگلا رکوع →