سیدنا ابوزید رضی اللہ عنہ جن کا نام عمرو بن اخطب ہے، وہ بیان کرتے ہیں کہ نبی اکرم صلی اللہ علیہ و آلہ وسلم نے ہمیں صبح کی نماز پڑھائی پھر آپ صلی اللہ علیہ و آلہ وسلم منبر پر چڑھے، آپ صلی اللہ علیہ و آلہ وسلم نے خطبہ دیا یہاں تک کہ ظہر کا وقت ہو گیا پھر آپ صلی اللہ علیہ و آلہ وسلم منبر سے نیچے اترے اور آپ صلی اللہ علیہ و آلہ وسلم نے نماز ادا کی پھر آپ صلی اللہ علیہ و آلہ وسلم منبر پر چڑھے، آپ صلی اللہ علیہ و آلہ وسلم نے ہمیں خطبہ دیا یہاں تک کہ عصر کا وقت ہو گیا پھر آپ صلی اللہ علیہ و آلہ وسلم منبر سے نیچے اترے، آپ صلی اللہ علیہ و آلہ وسلم نے نماز ادا کی پھر آپ صلی اللہ علیہ و آلہ وسلم منبر پر چڑھے، آپ صلی اللہ علیہ و آلہ وسلم نے ہمیں خطبہ دیا یہاں تک کہ سورج غروب ہو گیا، آپ صلی اللہ علیہ و آلہ وسلم نے ہمیں بتایا ”جو کچھ ہو چکا ہے اور جو کچھ ہو گا،“ تو جس شخص نے اس بات کو سب سے زیادہ یاد رکھا وہ ہم میں سب سے زیادہ علم رکھنے والا تھا۔ [صحیح ابن حبان/كِتَابُ التَّارِيخِ/حدیث: 6638]