سیدنا رافع بن خدیج رضی اللہ عنہ بیان کرتے ہیں کہ جب نبی اکرم صلی اللہ علیہ و آلہ وسلم مدینہ منورہ تشریف لائے، تو لوگ کھجوروں کی پیوندکاری کیا کرتے تھے، لوگ اسے پیوندکاری کا نام دیتے تھے، راوی بیان کرتے ہیں کہ نبی اکرم صلی اللہ علیہ و آلہ وسلم نے دریافت فرمایا: ”تم لوگ کیا کرتے ہو؟“ لوگوں نے عرض کی: یہ ایک ایسا طریقہ ہے، جو وہ لوگ پہلے استعمال کیا کرتے تھے، نبی اکرم صلی اللہ علیہ و آلہ وسلم نے ارشاد فرمایا: ”اگر تم یہ نہ کرو، تو یہ زیادہ بہتر ہے“، تو لوگوں نے اسے ترک کر دیا، تو پیداوار کم ہو گئی، لوگوں نے اس بات کا تذکرہ نبی اکرم صلی اللہ علیہ و آلہ وسلم سے کیا، تو نبی اکرم صلی اللہ علیہ و آلہ وسلم نے ارشاد فرمایا: ”میں ایک انسان ہوں، جب میں تمہارے سامنے کسی دینی معاملے کے بارے میں کوئی چیز بیان کروں، تو تم اسے اختیار کر لو اور جب میں تمہارے سامنے کسی دنیاوی معاملے کے بارے میں کوئی چیز بیان کروں، تو میں ایک انسان ہوں“، عکرمہ کہتے ہیں: یہ یا اس کی مانند الفاظ ہیں، ابونجاشی (نامی راوی) سیدنا رافع بن خدیج رضی اللہ عنہ کا غلام ہے اور اس کا نام عطاء بن صہیب ہے، یہ بات شیخ نے بیان کی ہے۔ [صحیح ابن حبان/المُقَدِّمَةُ/حدیث: 23]