اور اسی سند کے ساتھ (سیدنا انس رضی اللہ عنہ سے) روایت ہے کہ رسول اللہ صلی اللہ علیہ و آلہ وسلم نے فرمایا: ”نیک آ دمی کا اچھا خواب نبوت کے چھیالیس حصوں میں سے ایک حصہ ہے ۔“ [موطا امام مالك رواية ابن القاسم/حدیث: 618]

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ و آلہ وسلم جب نماز فجر سے سلام پھیرتے تو فرماتے: ”کیا تم میں سے کسی نے آج رات کوئی خواب دیکھا ہے؟“ اور فرماتے: ”میرے بعد نبوت میں سے سوائے اچھے خوابوں کے کچھ باقی نہیں رہا ہے۔“ [موطا امام مالك رواية ابن القاسم/حدیث: 619]

اور اسی سند کے ساتھ (سیدنا ابوہریرہ رضی اللہ عنہ سے) روایت ہے کہ رسول اللہ صلی اللہ علیہ و آلہ وسلم سے اسی طرح کی حدیث ہے جس میں آیا ہے کہ رسول اللہ صلی اللہ علیہ و آلہ وسلم نے فرمایا: ”نیک خواب (الخ)۔“ ابوالحسن (القابسی) نے کہا: یہ حدیث باب اسحاق میں گزر چکی ہے۔ (دیکھئیے ح ۱۲۱) اور باب ابن حبان میں ان کی وہ حدیث گزر چکی ہے جس میں آیا ہے کہ رسول اللہ صلی اللہ علیہ و آلہ وسلم نے ملامسہ سے منع فرمایا ہے۔ (دیکھئیے ح ۹۹) [موطا امام مالك رواية ابن القاسم/حدیث: 620]