اور اسی سند کے ساتھ سیدنا ابن عباس رضی اللہ عنہما سے روایت ہے کہ رسول اﷲ صلی اللہ علیہ و آلہ وسلم ایک ایسی مردار بکری کے پاس سے گزرے جو آپ نے اپنی زوجہ سیدہ میمونہ رضی اللہ عنہا کی لونڈی کو دی تھی تو آپ صلی اللہ علیہ و آلہ وسلم نے فرمایا: ”تم نے اس کی جلد (کھال) سے فائدہ کیوں نہیں اٹھایا؟“ لوگوں نے کہا: یہ مردار ہے۔ رسول اﷲ صلی اللہ علیہ و آلہ وسلم نے فرمایا: ”اس کا صرف کھانا حرام کیا گیا ہے۔“ [موطا امام مالك رواية ابن القاسم/حدیث: 32]

سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ و آلہ وسلم نے فرمایا: ”جب چمڑے کو دباغت دی جائے تو وہ پاک ہو جاتا ہے۔“ [موطا امام مالك رواية ابن القاسم/حدیث: 33]

نبی صلی اللہ علیہ و آلہ وسلم کی زوجہ سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ و آلہ وسلم نے حکم دیا کہ مردار کی کھال سے دباغت دینے کے بعد فائدہ اٹھایا جائے۔ [موطا امام مالك رواية ابن القاسم/حدیث: 34]