خلیفہ بن خیاط سے مروی ہے کہ سیدنا ابوجحیفہ وہب سوائی رضی اللہ عنہ کی وفات بشر بن مروان کے دورِ حکومت میں ہوئی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6733]

عون بن ابی جحیفہ اپنے والد (سیدنا ابوجحیفہ رضی اللہ عنہ) سے روایت کرتے ہیں، انہوں نے کہا کہ میں اپنے چچا کے ساتھ نبی کریم صلی اللہ علیہ و آلہ وسلم کی بارگاہ میں موجود تھا تو آپ صلی اللہ علیہ و آلہ وسلم نے ارشاد فرمایا: ”میری امت کا معاملہ ہمیشہ درست اور مستحکم رہے گا یہاں تک کہ بارہ خلیفہ گزر جائیں“، پھر آپ صلی اللہ علیہ و آلہ وسلم نے اپنی آواز دھیمی کر کے کوئی کلمہ ارشاد فرمایا، میں نے اپنے چچا سے، جو میرے سامنے بیٹھے تھے، پوچھا کہ اے چچا! آپ صلی اللہ علیہ و آلہ وسلم نے کیا فرمایا؟ انہوں نے کہا: اے میرے بیٹے! آپ صلی اللہ علیہ و آلہ وسلم نے فرمایا: ”وہ سب کے سب قریش سے ہوں گے۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6734]