مصعب بن سعد سے روایت ہے کہ سیدنا حفصہ رضی اللہ عنہا نے سیدنا عمر رضی اللہ عنہ سے عرض کیا: کاش! آپ اپنے اس لباس سے زیادہ نرم لباس پہنتے اور اس کھانے سے زیادہ لذیذ کھانا کھاتے، جبکہ اللہ نے آپ کو فتح عطا فرمائی ہے اور رزق میں وسعت دی ہے؟ انہوں نے فرمایا: میں تمہاری اپنی ذات سے تمہارا فیصلہ کرواؤں گا، پھر انہوں نے رسول اللہ صلی اللہ علیہ و آلہ وسلم کے حالات اور آپ صلی اللہ علیہ و آلہ وسلم کی سخت زندگی کا تذکرہ کیا یہاں تک کہ حفصہ رضی اللہ عنہا رونے لگیں؛ پھر عمر رضی اللہ عنہ نے فرمایا: میں نے یہ ارادہ کر لیا ہے کہ میں اپنے دونوں ساتھیوں (نبی صلی اللہ علیہ و آلہ وسلم اور ابوبکر رضی اللہ عنہ) جیسی سخت زندگی میں شریک رہوں تاکہ (آخرت میں) ان کے ساتھ خوشحال زندگی پا سکوں۔
یہ حدیث شیخین کی شرط پر صحیح ہے، مصعب بن سعد کبار تابعین میں سے ہیں اور امہات المؤمنین کے پاس جایا کرتے تھے۔ [المستدرك على الصحيحين/كِتَابُ الْعِلْمِ/حدیث: 429]