Mustadrak al-Hakim

سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ و آلہ وسلم نے فرمایا: ”دابۃ الارض (زمین سے نکلنے والا جانور) ظاہر ہوگا جس کے پاس موسیٰ علیہ السلام کا عصا اور سلیمان علیہ السلام کی انگوٹھی ہوگی، پس وہ عصا کے ذریعے مومن کے چہرے کو روشن و منور کر دے گا اور انگوٹھی کے ذریعے کافر کی ناک پر نشان (مہر) لگا دے گا، یہاں تک کہ دسترخوان پر بیٹھنے والے جب جمع ہوں گے تو وہ ایک دوسرے کو ان الفاظ سے پکاریں گے: اے مومن! اور اے کافر!“ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8704]