Mustadrak al-Hakim

سیدنا ابوہریرہ رضی اللہ عنہ سے روایت ہے، انہوں نے فرمایا: ”اے لوگو! تم پر ایسے فتنے سایہ فگن ہونے والے ہیں جو تاریک رات کے ٹکڑوں کی مانند ہوں گے، ان فتنوں میں (نجات کے لحاظ سے) بہترین انسان وہ ہوگا جو بکریوں والا ہو اور اپنی بکریوں کے دودھ پر گزارا کرتا ہو، یا وہ شخص جو سرحد کے پار (میدانِ جنگ میں) اپنے گھوڑے کی لگام تھامے ہوئے ہو اور اپنی تلوار (کے ذریعے حاصل ہونے والے رزق) سے کھاتا ہو۔“
یہ حدیث موقوف صحیح الاسناد ہے، لیکن شیخین نے اسے روایت نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8536]