Mustadrak al-Hakim

سیدنا عبد الرحمن بن ازہر رضی اللہ عنہ سے روایت ہے، انہوں نے کہا: میں نے غزوہ حنین کے دن رسول اللہ صلی اللہ علیہ و آلہ وسلم کو دیکھا کہ آپ صلی اللہ علیہ و آلہ وسلم لوگوں کے درمیان سے گزرتے ہوئے سیدنا خالد بن ولید رضی اللہ عنہ کی منزل کے بارے میں دریافت فرما رہے تھے، اسی دوران ایک شرابی کو لایا گیا، تو رسول اللہ صلی اللہ علیہ و آلہ وسلم نے اپنے پاس موجود لوگوں کو حکم دیا کہ ان کے ہاتھوں میں جو کچھ بھی ہے اس کے ساتھ اسے ماریں، راوی کہتے ہیں: اور رسول اللہ صلی اللہ علیہ و آلہ وسلم نے اس کے چہرے پر مٹی بھی ڈالی، پھر سیدنا ابوبکر صدیق رضی اللہ عنہ کے پاس ایک شرابی لایا گیا تو انہوں نے اس دن کی مار کو مدنظر رکھتے ہوئے چالیس کوڑے لگائے، اور سیدنا عمر رضی اللہ عنہ نے بھی چالیس کوڑے لگائے۔ [المستدرك على الصحيحين/كِتَابُ الْحُدُودِ/حدیث: 8329]