Mustadrak al-Hakim

سیدنا جابر بن عبداللہ رضی اللہ عنہما سے روایت ہے کہ سیدنا جریر بن عبداللہ رضی اللہ عنہ رسول اللہ صلی اللہ علیہ و آلہ وسلم کی خدمت میں حاضر ہوئے جبکہ صحابہ کرام آپ صلی اللہ علیہ و آلہ وسلم کے گرد موجود تھے، لوگوں نے (جگہ کی تنگی کی وجہ سے) اپنی جگہ دینے میں کچھ تامل کیا تو رسول اللہ صلی اللہ علیہ و آلہ وسلم نے اپنی چادر مبارک اٹھا کر ان کی طرف پھینک دی، جریر رضی اللہ عنہ نے اسے اپنے سینے اور چہرے سے لگا لیا، اسے چوما اور اپنی آنکھوں پر رکھا، پھر عرض کیا: اللہ آپ کو اسی طرح معزز رکھے جیسے آپ نے مجھے عزت بخشی، پھر انہوں نے وہ چادر دوبارہ رسول اللہ صلی اللہ علیہ و آلہ وسلم کی پشتِ مبارک پر رکھ دی، تب رسول اللہ صلی اللہ علیہ و آلہ وسلم نے فرمایا: ”جو اللہ اور یومِ آخرت پر ایمان رکھتا ہو، اسے چاہیے کہ جب اس کے پاس کسی قوم کا معزز شخص آئے تو وہ اس کی عزت کرے۔“
یہ حدیث صحیح الاسناد ہے لیکن شیخین نے اسے اس سیاق کے ساتھ روایت نہیں کیا۔ [المستدرك على الصحيحين/كِتَابُ الْأَدَبِ/حدیث: 7985]