Mustadrak al-Hakim

عبد الرحمن بن بیلمانی کہتے ہیں کہ میں نے رسول اللہ صلی اللہ علیہ و آلہ وسلم کے صحابہ میں سے ایک شخص کو فرماتے سنا کہ میں نے رسول اللہ صلی اللہ علیہ و آلہ وسلم کو یہ ارشاد فرماتے ہوئے سنا: ”جس نے مرنے سے ایک دن پہلے بھی اللہ کے حضور توبہ کر لی، اللہ اس کی توبہ قبول فرما لے گا“۔ انہوں نے کہا: پھر میں نے رسول اللہ صلی اللہ علیہ و آلہ وسلم کے ایک دوسرے صحابی سے اس کا ذکر کیا تو انہوں نے پوچھا: کیا تم نے خود یہ سنا ہے؟ میں نے کہا: ہاں، تو انہوں نے کہا: میں گواہی دیتا ہوں کہ میں نے رسول اللہ صلی اللہ علیہ و آلہ وسلم کو یہ فرماتے سنا ہے: ”جس نے مرنے سے آدھا دن پہلے توبہ کر لی، اللہ اس کی توبہ قبول فرما لے گا“۔ راوی کہتے ہیں: پھر میں نے رسول اللہ صلی اللہ علیہ و آلہ وسلم کے ایک اور صحابی سے اس کا ذکر کیا، انہوں نے پوچھا: کیا تم نے یہ سنا ہے؟ میں نے کہا: ہاں، تو انہوں نے کہا: میں گواہی دیتا ہوں کہ میں نے رسول اللہ صلی اللہ علیہ و آلہ وسلم کو یہ فرماتے سنا ہے: ”جس نے مرنے سے ایک پہر (ضحوہ) پہلے توبہ کر لی، اللہ اس کی توبہ قبول فرما لے گا“۔ راوی کہتے ہیں: پھر میں نے رسول اللہ صلی اللہ علیہ و آلہ وسلم کے ایک اور صحابی سے اس کا ذکر کیا، انہوں نے پوچھا: کیا تم نے یہ سنا ہے؟ میں نے کہا: ہاں، تو انہوں نے کہا: میں گواہی دیتا ہوں کہ میں نے رسول اللہ صلی اللہ علیہ و آلہ وسلم کو یہ فرماتے سنا ہے: ”جس نے غرغرہ (موت کی ہچکی) شروع ہونے سے پہلے توبہ کر لی، اللہ اس کی توبہ قبول فرما لے گا۔“ [المستدرك على الصحيحين/كِتَابُ التَّوْبَةِ وَالْإِنَابَةِ/حدیث: 7854]