Mustadrak al-Hakim

سیدنا انس بن مالک رضی اللہ عنہ سے روایت ہے کہ ایک شخص نبی کریم صلی اللہ علیہ و آلہ وسلم کی خدمت میں حاضر ہوا اور عرض کیا: اے اللہ کے رسول صلی اللہ علیہ و آلہ وسلم ! مجھ سے حد (کا گناہ) سرزد ہو گیا ہے، راوی کہتے ہیں کہ آپ صلی اللہ علیہ و آلہ وسلم نے اس سے اس کے متعلق کچھ دریافت نہیں فرمایا، پھر نماز قائم کی گئی اور نبی کریم صلی اللہ علیہ و آلہ وسلم نے نماز پڑھائی، جب آپ صلی اللہ علیہ و آلہ وسلم نماز سے فارغ ہوئے تو اس نے پھر عرض کیا: اے اللہ کے رسول صلی اللہ علیہ و آلہ وسلم ! مجھ سے حد والا گناہ ہو گیا ہے، پس مجھ پر اللہ کی کتاب (کی حد) نافذ فرما دیجیے، آپ صلی اللہ علیہ و آلہ وسلم نے پوچھا: ”کیا تم نے ہمارے ساتھ نماز پڑھی ہے؟“ اس نے کہا: جی ہاں، آپ صلی اللہ علیہ و آلہ وسلم نے فرمایا: ”تمہیں معاف کر دیا گیا ہے۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كِتَابُ التَّوْبَةِ وَالْإِنَابَةِ/حدیث: 7840]