Mustadrak al-Hakim

سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ و آلہ وسلم ایک ایسے وقت میں (گھر سے) باہر تشریف لائے جس میں آپ صلی اللہ علیہ و آلہ وسلم عموماً باہر نہیں نکلتے تھے، وہاں سیدنا ابوبکر رضی اللہ عنہ بھی موجود تھے، آپ صلی اللہ علیہ و آلہ وسلم نے دریافت فرمایا: ”اے ابوبکر! تمہیں اس وقت کس چیز نے باہر نکالا ہے؟“ انہوں نے عرض کیا: مجھے بھوک نے نکالا ہے، آپ صلی اللہ علیہ و آلہ وسلم نے فرمایا: ”اور مجھے بھی اسی چیز نے نکالا ہے جس نے تمہیں نکالا ہے“، پھر سیدنا عمر رضی اللہ عنہ آئے تو آپ صلی اللہ علیہ و آلہ وسلم نے پوچھا: ”تمہیں کس چیز نے نکالا ہے؟“ انہوں نے عرض کیا: بھوک نے، پھر اس کے بعد آپ صلی اللہ علیہ و آلہ وسلم کے کئی اور صحابہ بھی آ گئے، آپ صلی اللہ علیہ و آلہ وسلم نے ان سے فرمایا: ”ہمارے ساتھ ابوالہیثم بن تیہان کے گھر چلو“، پھر انہوں نے مکمل حدیث ذکر کی۔ [المستدرك على الصحيحين/كِتَابُ الْأَطْعِمَةِ/حدیث: 7358]