Mustadrak al-Hakim

سیدنا عبدالرحمن بن عوف رضی اللہ عنہ سے روایت ہے کہ نبی کریم صلی اللہ علیہ و آلہ وسلم نے میرا ہاتھ پکڑا اور میں آپ صلی اللہ علیہ و آلہ وسلم کے ہمراہ آپ کے صاحبزادے ابراہیم کے پاس گیا جو اس وقت جاں بلب تھے، نبی کریم صلی اللہ علیہ و آلہ وسلم نے انہیں اپنی گود میں لیا یہاں تک کہ ان کی روح پرواز کر گئی، آپ صلی اللہ علیہ و آلہ وسلم نے انہیں رکھا اور رونے لگے، میں نے عرض کی: یا رسول اللہ! کیا آپ رو رہے ہیں جبکہ آپ نے رونے سے منع فرمایا ہے؟ آپ صلی اللہ علیہ و آلہ وسلم نے فرمایا: ”میں نے رونے سے منع نہیں کیا بلکہ میں نے دو بیوقوفانہ اور گناہ آلود آوازوں سے منع کیا ہے، ایک نعمت کے وقت لہو و لعب اور شیطانی باجوں کی آواز، اور دوسری مصیبت کے وقت چہرے پیٹنے اور گریبان پھاڑنے کی آواز، اور یہ (آنسو) تو رحمت ہے، اور جو رحم نہیں کرتا اس پر رحم نہیں کیا جاتا، اگر یہ سچا وعدہ اور برحق بات نہ ہوتی کہ ہمارے پہلے جانے والے بعد والوں سے جا ملیں گے، تو ہم تم پر اس سے بھی زیادہ غم کرتے، اے ابراہیم! ہم تمہاری جدائی پر یقیناً غمگین ہیں، آنکھ روتی ہے اور دل غمزدہ ہے، مگر ہم زبان سے وہی کہیں گے جس سے رب راضی ہو۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6996]