Mustadrak al-Hakim

سیدنا انس رضی اللہ عنہ سے روایت ہے کہ ایک شخص پر رسول اللہ صلی اللہ علیہ و آلہ وسلم کے صاحبزادے ابراہیم کی والدہ (سیدہ ماریہ رضی اللہ عنہا) کے حوالے سے تہمت لگائی گئی، تو رسول اللہ صلی اللہ علیہ و آلہ وسلم نے سیدنا علی رضی اللہ عنہ سے فرمایا: ”جاؤ اور اس کی گردن اڑا دو“، سیدنا علی رضی اللہ عنہ اس کے پاس پہنچے تو وہ ایک کنویں میں ٹھنڈک حاصل کر رہا تھا، علی رضی اللہ عنہ نے اسے فرمایا: باہر نکلو، اس نے اپنا ہاتھ پکڑایا تو علی رضی اللہ عنہ نے اسے باہر نکالا، دیکھا تو وہ مجبوب تھا اور اس کا مردانہ عضو ہی نہ تھا، چنانچہ علی رضی اللہ عنہ اس کے قتل سے رک گئے اور نبی کریم صلی اللہ علیہ و آلہ وسلم کی خدمت میں حاضر ہو کر عرض کی: یا رسول اللہ! وہ تو مجبوب ہے، اس کا عضو تناسل ہی نہیں۔
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6995]