Mustadrak al-Hakim

ابن شہاب زہری سے روایت ہے کہ رسول اللہ صلی اللہ علیہ و آلہ وسلم صلح حدیبیہ کے اگلے سال سنہ 7 ہجری میں ذوالقعدہ کے مہینے میں عمرہ ادا کرنے کے لیے نکلے، یہ وہی مہینہ تھا جس میں مشرکین نے آپ صلی اللہ علیہ و آلہ وسلم کو مسجد حرام سے روک دیا تھا، جب آپ صلی اللہ علیہ و آلہ وسلم مقامِ یاجج پہنچے تو آپ صلی اللہ علیہ و آلہ وسلم نے سیدنا جعفر بن ابی طالب رضی اللہ عنہ کو سیدہ میمونہ بنت حارث کی طرف نکاح کا پیغام دے کر بھیجا، انہوں نے اپنا معاملہ سیدنا عباس بن عبدالمطلب رضی اللہ عنہ کے سپرد کر دیا جبکہ ان کی بہن ام الفضل سیدنا عباس کے نکاح میں تھیں، چنانچہ سیدنا عباس رضی اللہ عنہ نے رسول اللہ صلی اللہ علیہ و آلہ وسلم سے ان کا نکاح پڑھا دیا، نبی کریم صلی اللہ علیہ و آلہ وسلم مقامِ سرف پر ٹھہرے رہے یہاں تک کہ سیدہ میمونہ تشریف لائیں اور آپ صلی اللہ علیہ و آلہ وسلم نے سرف ہی کے مقام پر ان کی رخصتی فرمائی، اور اللہ تعالیٰ کی تقدیر دیکھیں کہ ایک طویل عرصے کے بعد سیدہ میمونہ کی وفات بھی مقامِ سرف ہی پر ہوئی، گویا ان کی وفات اسی مقام پر ہوئی جہاں رسول اللہ صلی اللہ علیہ و آلہ وسلم نے ان کے ساتھ پہلی شب گزاری تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6962]