Mustadrak al-Hakim

ام المؤمنین سیدہ صفیہ رضی اللہ عنہا سے روایت ہے، انہوں نے فرمایا: رسول اللہ صلی اللہ علیہ و آلہ وسلم میرے پاس تشریف لائے جبکہ میں رو رہی تھی، آپ صلی اللہ علیہ و آلہ وسلم نے دریافت فرمایا: ”اے بنتِ حیی! تمہیں کیا بات رلا رہی ہے؟“ میں نے عرض کی: مجھے معلوم ہوا ہے کہ سیدہ حفصہ اور سیدہ عائشہ رضی اللہ عنہما مجھ پر طنز کرتی ہیں اور کہتی ہیں کہ ہم ان سے بہتر ہیں کیونکہ ہم رسول اللہ صلی اللہ علیہ و آلہ وسلم کی چچی زاد بھی ہیں اور آپ صلی اللہ علیہ و آلہ وسلم کی ازواج بھی، تو آپ صلی اللہ علیہ و آلہ وسلم نے فرمایا: ”تم نے انہیں یہ کیوں نہ کہہ دیا کہ تم دونوں مجھ سے بہتر کیسے ہو سکتی ہو جبکہ میرے والد ہارون، میرے چچا موسیٰ اور میرے شوہر محمد صلی اللہ علیہ و آلہ وسلم ہیں؟“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6957]