Mustadrak al-Hakim

سیدہ عائشہ رضی اللہ عنہا سے روایت ہے، انہوں نے فرمایا: رسول اللہ صلی اللہ علیہ و آلہ وسلم کی وفات میرے گھر میں، میری باری کے دن، میرے سینے اور گلے کے درمیان ہوئی، عبد الرحمن بن ابی بکر رضی اللہ عنہ آپ صلی اللہ علیہ و آلہ وسلم کے پاس آئے اور ان کے پاس ایک تازہ مسواک تھی، آپ صلی اللہ علیہ و آلہ وسلم نے اسے (رغبت سے) دیکھا تو میں سمجھ گئی کہ آپ صلی اللہ علیہ و آلہ وسلم کو اس کی حاجت ہے، میں نے وہ مسواک لی، اسے چبا کر نرم کیا، صاف کیا اور عمدہ بنا کر آپ صلی اللہ علیہ و آلہ وسلم کو دے دی، چنانچہ آپ صلی اللہ علیہ و آلہ وسلم نے نہایت خوبصورتی سے مسواک فرمائی، پھر آپ صلی اللہ علیہ و آلہ وسلم نے اپنا ہاتھ اٹھانا چاہا مگر وہ گر گیا، میں آپ صلی اللہ علیہ و آلہ وسلم کے لیے وہ دعا کرنے لگی جو جبرائیل علیہ السلام آپ صلی اللہ علیہ و آلہ وسلم کے لیے کیا کرتے تھے اور آپ صلی اللہ علیہ و آلہ وسلم بھی بیماری کی حالت میں وہ دعا پڑھا کرتے تھے، مگر اس بیماری میں آپ صلی اللہ علیہ و آلہ وسلم نے وہ دعا نہ پڑھی، پھر آپ صلی اللہ علیہ و آلہ وسلم نے اپنی نظریں آسمان کی طرف اٹھائیں اور فرمایا: «الرَّفِيقَ الْأَعْلَى» ”(اے اللہ!) میں سب سے اعلیٰ رفیق (یعنی تیری رفاقت) چاہتا ہوں“ اور آپ صلی اللہ علیہ و آلہ وسلم کی روح مبارک پرواز کر گئی، پس اللہ کا شکر ہے جس نے دنیا کے آخری دن میرا اور آپ صلی اللہ علیہ و آلہ وسلم کا لعابِ دہن ایک کر دیا۔
یہ حدیث شیخین کی شرط پر صحیح ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6869]