Mustadrak al-Hakim

سیدنا اسود بن سریع تمیمی رضی اللہ عنہ سے روایت ہے، انہوں نے کہا: میں نبی اللہ صلی اللہ علیہ و آلہ وسلم کی خدمت میں حاضر ہوا اور عرض کی: اے اللہ کے نبی! میں نے کچھ اشعار کہے ہیں جن میں اللہ عزوجل کی ثنا بیان کی ہے اور آپ کی مدح کی ہے، آپ صلی اللہ علیہ و آلہ وسلم نے فرمایا: ”جو تم نے اللہ کی ثنا بیان کی ہے وہ سناؤ، اور جو میری مدح کی ہے اسے رہنے دو“، چنانچہ میں سنانے لگا، اتنے میں ایک دراز قد اور نمایاں ناک والے شخص داخل ہوئے تو آپ صلی اللہ علیہ و آلہ وسلم نے مجھ سے فرمایا: ”رک جاؤ“، جب وہ چلے گئے تو آپ صلی اللہ علیہ و آلہ وسلم نے فرمایا: ”سناؤ“، میں پھر سنانے لگا، ابھی تھوڑی دیر ہی گزری تھی کہ وہ دوبارہ آ گئے تو آپ صلی اللہ علیہ و آلہ وسلم نے پھر فرمایا: ”رک جاؤ“، جب وہ (دوبارہ) چلے گئے تو آپ صلی اللہ علیہ و آلہ وسلم نے فرمایا: ”سناؤ“، میں نے عرض کی: اے اللہ کے نبی! یہ کون شخص ہیں جن کے آنے پر آپ فرماتے ہیں ”رک جاؤ“ اور چلے جانے پر فرماتے ہیں ”سناؤ“؟ آپ صلی اللہ علیہ و آلہ وسلم نے ارشاد فرمایا: ”یہ عمر بن خطاب ہیں، اور باطل (لہو و لعب) سے ان کا کوئی تعلق نہیں۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6721]