Mustadrak al-Hakim

سیدنا ابو رافع رضی اللہ عنہ سے روایت ہے کہ نبی کریم صلی اللہ علیہ و آلہ وسلم نے سیدنا علی رضی اللہ عنہ کو یمن روانہ فرمایا اور ان کے لیے ایک جھنڈا باندھا، جب وہ چلے گئے تو آپ صلی اللہ علیہ و آلہ وسلم نے فرمایا: ”اے ابو رافع! ان کے پیچھے جاؤ اور انہیں پیچھے سے آواز نہ دینا، وہ ٹھہر جائیں اور مڑ کر نہ دیکھیں یہاں تک کہ میں ان کے پاس آ جاؤں۔“ پس وہ ان کے پاس پہنچے تو آپ صلی اللہ علیہ و آلہ وسلم نے انہیں چند باتوں کی وصیت فرمائی اور فرمایا: ”اے علی! اگر اللہ تمہارے ذریعے ایک شخص کو بھی ہدایت عطا فرما دے تو یہ تمہارے لیے ان تمام چیزوں سے بہتر ہے جن پر سورج طلوع ہوتا ہے۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6682]