Mustadrak al-Hakim

سیدنا ابو واقد لیثی رضی اللہ عنہ بیان کرتے ہیں کہ میں رسول اللہ صلی اللہ علیہ و آلہ وسلم کے پاس اس طرح بیٹھا تھا کہ میرا گھٹنا آپ صلی اللہ علیہ و آلہ وسلم کے گھٹنوں سے مس ہو رہا تھا، اتنے میں ایک آنے والا آیا اور اس نے آپ صلی اللہ علیہ و آلہ وسلم کے کان میں کوئی بات کہی، جس سے رسول اللہ صلی اللہ علیہ و آلہ وسلم کے چہرہ مبارک کا رنگ بدل گیا اور غصے کی وجہ سے پیشانی کی رگیں ابھر آئیں، پھر آپ صلی اللہ علیہ و آلہ وسلم نے فرمایا: ”یہ عامر بن طفیل کا قاصد ہے جو مجھے اور میرے پاس پناہ لینے والوں کو دھمکیاں دے رہا ہے، حالانکہ اللہ عزوجل نے میرے لیے اسماعیل کی اولاد یعنی قبیلہ قیلہ کے دونوں بیٹوں (انصار) کے ذریعے اسے کافی کر دیا ہے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6398]