Mustadrak al-Hakim

امام ابوبکر محمد بن اسحاق سے مروی ہے، انہوں نے سیدنا ابوہریرہ رضی اللہ عنہ کا ذکر کرتے ہوئے فرمایا: ”وہ آپ صلی اللہ علیہ و آلہ وسلم کے اصحاب میں سے ان لوگوں میں شامل تھے جنہوں نے صحیح سندوں کے ساتھ کثرت سے روایتیں بیان کیں جو ان کی اور رسول اللہ صلی اللہ علیہ و آلہ وسلم کے دیگر صحابہ کی مرویات میں پھیل گئیں۔“ ابوبکر کہتے ہیں: ”اور ان سے سیدنا ابوایوب انصاری رضی اللہ عنہ نے بھی روایت کی ہے باوجود اس کے کہ ان کا مقام بہت بلند ہے اور رسول اللہ صلی اللہ علیہ و آلہ وسلم نے ہجرت کے وقت ان ہی کے ہاں قیام فرمایا تھا۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6298]