Mustadrak al-Hakim

سیدنا ابن عباس رضی اللہ عنہما سے روایت ہے کہ بصرہ میں ان کے پاس ایک سیاہ فام شخص نے سیدنا ابوموسیٰ اشعری رضی اللہ عنہ کے واسطے سے نبی کریم صلی اللہ علیہ و آلہ وسلم کی کچھ احادیث بیان کیں، تو ابن عباس رضی اللہ عنہما نے انہیں خط لکھ کر اس بارے میں پوچھا، سیدنا ابوموسیٰ اشعری رضی اللہ عنہ نے انہیں جواب میں لکھا: ”بے شک تم اپنے زمانے کے (علمی اعتبار سے) بہترین شخص ہو، میں نے نبی کریم صلی اللہ علیہ و آلہ وسلم سے ان باتوں کے متعلق کچھ بیان نہیں کیا سوائے اس کے کہ میں نبی کریم صلی اللہ علیہ و آلہ وسلم کے ساتھ تھا، آپ صلی اللہ علیہ و آلہ وسلم نے پیشاب کرنے کا ارادہ فرمایا تو ایک دیوار کے نیچے نرم مٹی والی جگہ پر تشریف لے گئے اور فرمایا: ”بنی اسرائیل کا یہ حال تھا کہ جب ان میں سے کسی کو پیشاب لگ جاتا تو وہ اسے قینچی سے کاٹ دیتے تھے، لہٰذا جب تم میں سے کوئی پیشاب کرنے کا ارادہ کرے تو وہ پیشاب کے لیے (نرم) جگہ تلاش کر لیا کرے۔““
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6077]