Mustadrak al-Hakim

سیدنا سہل بن حنیف رضی اللہ عنہ سے روایت ہے کہ انہوں نے غزوہ خیبر کے دن جب اللہ تعالیٰ نے دشمن کو شکست دے دی تھی، اپنا جبہ اتارا اور غسل کرنے لگے، اس وقت عامر بن ربیعہ انہیں دیکھ رہے تھے، اور سہل سفید رنگت والے انتہائی خوبصورت انسان تھے، عامر بن ربیعہ نے انہیں دیکھ کر حیرت سے کہا: ”میں نے آج جیسا حسین منظر کبھی نہیں دیکھا، یہاں تک کہ پردہ نشین دوشیزہ کا جسم بھی سہل بن حنیف کے جسم جیسا خوبصورت نہیں ہو سکتا۔“ اسی وقت سیدنا سہل رضی اللہ عنہ وہیں بیمار ہو گئے اور ان کی تکلیف شدید ہو گئی، چنانچہ لوگ رسول اللہ صلی اللہ علیہ و آلہ وسلم کی خدمت میں حاضر ہوئے اور عرض کی کہ سہل بیمار ہو گئے ہیں اور وہ آپ کے ساتھ چلنے کے قابل نہیں رہے، آپ صلی اللہ علیہ و آلہ وسلم ان کے پاس تشریف لائے تو آپ کو عامر بن ربیعہ کے کہے ہوئے کلمات کی خبر دی گئی، جس پر رسول اللہ صلی اللہ علیہ و آلہ وسلم نے فرمایا: ”تم میں سے کوئی اپنے بھائی کو کیوں قتل کرتا ہے؟ تم نے برکت کی دعا کیوں نہ دی (یعنی ماشاء اللہ کیوں نہ کہا)؟ بیشک نظرِ بد برحق ہے، اس کے لیے وضو کرو۔“ پھر رسول اللہ صلی اللہ علیہ و آلہ وسلم نے فرمایا: ”جب تم میں سے کوئی ایسی چیز دیکھے جو اسے پسند آئے تو اسے چاہیے کہ برکت کی دعا کرے کیونکہ نظرِ بد برحق ہے۔“
یہ اضافہ ان دونوں احادیث میں ہے جنہیں شیخین نے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5849]