Mustadrak al-Hakim

عبداللہ بن سلمہ سے روایت ہے کہ میں نے جنگ صفین کے دن سیدنا عمار بن یاسر رضی اللہ عنہ کو دیکھا، وہ ایک گندمی رنگ کے دراز قد بوڑھے شخص تھے جن کے ہاتھ میں نیزہ تھا اور (بڑھاپے کی وجہ سے) ان کا ہاتھ لرز رہا تھا، انہوں نے فرمایا: ”اس ذات کی قسم جس کے قبضے میں میری جان ہے! میں نے اس نیزے کے ساتھ رسول اللہ صلی اللہ علیہ و آلہ وسلم کی معیت میں تین مرتبہ قتال کیا ہے اور یہ چوتھی مرتبہ ہے، اور اس ذات کی قسم جس کے قبضے میں میری جان ہے! اگر یہ لوگ ہمیں مارتے ہوئے ہجر کی کھجور کی شاخوں تک بھی پہنچا دیں، تب بھی ہم یہی جانیں گے کہ ہمارے اصلاح پسند لوگ حق پر ہیں اور یہ لوگ گمراہی پر ہیں۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5782]